أضف سؤال أو موضوع جديد          

بعد توضيب المكينة الزيت ينقص

up 0 down 0
ابو خالد من الدمام
قبل 3 شهر و 4 أسبوع



السلام عليكم

السيارة لكزس es350 موديل 2014
الممشى: 299.000 كم

قبل شهر فالصباح فجأة بدت المكينة تهتز وترج رج، ووديتها للميكانيكي قال تنسيم بلوف وشنبر 5 ذايب وتحتاج توضيب كامل.

الميكانيكي فك المكينة كاملة.
المخرطة: فرز الراس (بدون خرط) وصنفر بلوف وركب سست وجلود بلوف وغسل الراس.
وجبت له قطع:
طقم شنابر ستاندر زيرو
طقم وجيه
طرمبة موية
صوف عكس يمين ويسار
لي هواء 2 بخار
سير مكينة
حساس ساعة زيت
غراء 2 وبخاخ امريكي 3
زيت 20/50 وسيفون


تكلفة المخرطة 500 ريال
تكلفة القطع 3000 ريال
اجرة يد الميكانيكي 2500 ريال

بعد ما استلمت السيارة في التمرين دوب خلصت 250 كم خلال 4 ايام (سرعة80-100) وشيكت على الزيت لقيته ناقص علبة كاملة!
الحرارة على الثلث وإذا شغلت المكيف تنزل للربع وحنا فالشتاء.

السؤال يا اخوان:
ليش الزيت ينقص؟
وهل ذا معناه التوضيب فشل؟

افتوني بارك الله فيكم







إبلاغ إبلاغ



الردود


وعليكم السلام
مرة كمت عند ميكانيكي صاحبي وجالس يفرط مكينة انوفا
سألته اش فيها قال وضبها وباقي تنقص زيت والسبب تركيب الشنابر غلط
الشنابر لها فتحات يوم تركب وتتركب زي حرف x
ف الله اعلم ان تم تركيب الشنابر كلها في جهة وحدة وصارت تنقص زيت
طبعا مجرد رأي من شخص مجرب


up 0 down 0
nissan200 301
قبل 3 شهر و 4 أسبوع



للمعلومية صاحب الاينوفا وضب مكينته في مكان ثاني وبعدها جابها عند صاحبي
وصاحبي بيعيد الشغل من جديد



up 0 down 0
nissan200 301
قبل 3 شهر و 4 أسبوع



أول زيت بعد التوضيب لازم يزاد فيه نص علبةأ و أكثر لأنه ينقص
ما أدري ليه يمكن أقول يمكن مع فك المكينة يتفرغ الزيت من جميع تجاويف المكينة
فلا  ما أعرف السبب بالضبط ولكن نقص الزيت يحدث بعد التوضيب
فلا تستعجل رجاءً زود ولو تغير زيت جديد يكون أفضل 



up 0 down 0
السيد ملوكان 19
قبل 3 شهر و 3 أسبوع



اخوي نيسان 200
اخوي السيد ملوكان

شكرا لردكم.. الله يعطيكم العافية


up 0 down 0
ابو خالد من الدمام
قبل 3 شهر و 3 أسبوع