مشكله في لكزس 460 موديل 2015

طرمبة زيت او عمود كرنك الله اعلم انها على وشك تخبيط شف لك مهندس شاطر يفحصها او الوكاله 

اكنب باليوتيوب صوت تكايات المكينه
وقارنه بالصوت اللي عندك
وشف هل هو نفسه او لا
ورد لنا

الله يعينك على الفلوس اللي بتدفعها
هذه سيارات حساسة ما ينفع معها التخمين
الحل اما الوكالة او ورشة متخصصة و احتمال تكون مشكلة بسيطة و غير مكلفة

السيارة قد ايش لها معاك ؟؟ اذا اخذتها قريب ترى الصوت طبيعي وهذا صوت الكام لان فيها نظام سبورت ويطلع صوت لمن تسخن السيارة والصوت تررررررررر زي كذا تقريبا ،،،، وانا عندي gs 2013 ويطلع صوت واللي يسمعه يحسب السيارة ديزل،،،، اما اذا السيارة على يدك والصوت غريب وديها الوكالة واكشف لاتروح ولا ورشة برا لانها سيارة حساسة وكلها كمبيوتر وحساسات 

السياره معي من الوكاله والصوت جديد علي وديتها العضيب قال جنزير المكينه ويوم رحت للوكاله قالو نفحصها لك ب1500 ريال واذا صلحت عندنا ماتدفع شي وقالي احتمال جنزير المكينه

الي يعرف ورشه ممتازه ياريت يدلنا عليها

يعني تدفع 1500 فالوكالة وانت متطمن وان شاء الله بيصلحوها ،،، او توديها ل ورشة برا واذا مازبطت بترجع للوكالة وبيقولو لك حتدفع مبلغ اكثر من 1500 لانك ما سويتها عندنا ،،،، والافضل يبن الحلال تسويها فالوكالة او تمشي بها لحالتها الين يفرجها الله وتصلحها فالوكالة 

الوكاله تقولك ادفع 1500 ونفحص لك 
واذا صلحت ماتدفع شي 
يقصدون ماتدفع الـ 1500 
لكن قيمة الاصلاح بياخذونها منك سواءً 1000 او 2000 او عشر الاف