أضف سؤال أو موضوع جديد          

مشكله بالقير

up 1 down 0
slman-88 9
قبل سنه و شهر



السلام عليكم ورحمة الله وبركاتة     صباح الخير
على الجميع والله يكتب لنا الاجر وياكم والله يتقبل من الجميع صالح الاعمال يارب 
اخواني انا اشتريت جيب لكزس قبل تقريباً ٨ شهور موديله ٢٠٠٩  570LX وبعد فتره تقريباً حسيت في شي بالقير الي هو 
اذا هديت عند مطب او بلف الله يكرمكم بدعس على البانزين الموتر مايستجوب على طول المهم قلت يمكن زيت القير يبي له تغيير 
ورحت لميكانيكي ( تخصص قير ومكينه فقط ) وشرحت له وضعي وقال لازم تغير زيت القير نسحب لك علبتين ونحط علبتين وكل خمس ايام تجي ونغير وعلى هذا الحال  ( ثلاث مرات اسحب علبتين وازيد علبتين ) وبعدين غيرت الزيت كامل مع الفلتر والكارتير وزيت تايوتا الي لونه فضي قبل يومين كامل المهم ورحت اغسل السياره ويوم غسلت وبغيت اطلع من المغسله دقيت ريوس وحطيته ( D ) دعست بانزين الموتر ماستجوب على طول خلال ثلاث ثواني تقريباً نقز الموتر ومن هذي اللحضه حسيت ان القير مو طبيعي والموتر نفس ماهو ماتغير فيه اي شي وبالعكس احس زاد الشي ولا ادري وش مشكلته ونبي منكم الفزعه يارعيين الخبره وجزاكم الله خير ووفقكم جميع واسف على الاطاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صارت معي نفسك القير يحن ولكن بعد تصفيه السياره زبطت الموتر وديتها عن شخص بالرياض ورشته بصناعيه القديمه جنب تشالنجر

انت افحص القير مبدئي اقلب القير عادي وامسك خط وعشق اذا شفت الاول والثاني والثالث والرابع والخامس شغاله المشكله عندك تحتاج تصفيه المكينه

واذا يعشق بس الاول والثاني والثالث تحس القير مكتوم كانك حاطه بنمره فاضي اعرف ان الكلتشات محترقه


up 2 down 0
سكودر 14932
قبل سنه و شهر



امكن يحتاج تمرين لان الزيت يعتبر جديد وانا غيرت الزيت فالوكالة وشفت المهندس يعشق من ال p و R و N و D والسيارة واقفة وقلي لاتشد عليه الى 1000 كيلو 


up 0 down 0
zax_makkah 248
قبل سنه و شهر



انا لست ميكانيكي أحب التحليل (تحليل المشكلة)
انت ذهبت الى ميكانيكي، ممتاز.
مشكلتك يحصل تأخر في استجابة القير (ثواني) من الوقوف - قبل كذا تقول أذا هديت (ابطأت السرعة) ودعست على البنزين يتأخر القير (كم ث؟). بعد ذلك تقول رجعت ريوس (ما فيه تأخير) حولت الى لدي (D) تأخر في الاستجابة مع قفز.
اخي فهم المشكلة نصف الحل .... الأسباب كثيره.
النظام يعمل – الحساسات (مثل حساس السرعة العالية) تغذي كمبيوتر القير ومن هناك يصدر الأوامر للقير بعمل الازم ... من الأشياء التي يتحكم فيها الكمبيوتر صمامين داخل القير (واحد صمام التغير shift solenoid والثاني صمام العزم TCC solenoid) تقريبا تعمل بشكل جيد؟ ، لكن تغيرها لا يمنع.
ناجي للحساسات (سارقات السمع!) هذا يتم عن طريق اختبار بالكمبيوتر لمعرفة وضعها.
سؤال عندما تدعس على البنزين هل ترتفع سرعة المكينة مباشره ( RPM ) بمعنى استجابة المكينة لدعسة طبيعي.



up 1 down 0
20175mohammed 1
قبل سنه و شهر



في الغالب مشكلتك في أحد الحساسات
افحص كمبيوتر وان شاء الله يطلع بالضبط الحساس الخربان


up 0 down 0
abdulss 352
قبل سنه و شهر



عندي فكسار ٥،٧ ١٢ وفكسار ٥،٧ ١١ ولكزس ١٤ ولكزس ١٥ وكلهم نفس المشكلة غالبا اذا رقيت مطب وعطيت الموتر دعسه كان على N بعدين يقبل واكتشفت ان هذا طبيعي في قيور مكينة ٥،٧ والان لهم فوق ٤ سنوات ماشكوا من شيء والحمدلله لاتدبر انت وتحوس وتخرب عليك حاجات ثانية 


up 0 down 0
abdulmohsen 8760 118
قبل سنه و شهر



كأنه على N بعدين يقبل *


up 0 down 0
abdulmohsen 8760 118
قبل سنه و شهر



لكن النقزه اللي قلتها بالاخير ممكن عشان الزيت جديد لازم يحصل نتعه بين تبديلات النمر شوي على مايتأقلم مع الزيت الجديد 


up 0 down 0
abdulmohsen 8760 118
قبل سنه و شهر



اذا مشكلتها بعد ماتخفف السره عند المطب
وترجع تدعس يرتفع الضغط ثانيتين و تشبك
كانت عندي ES300 فيها نفس المشكله وقالي الميكانيكي مافيها شي
ولا يخرب القير المهم جلست السياره معاي ٧ سنوات وبعتها على زميلي
ونفس وضعها ومستمر ولا صار فيها شي

اشتريت بعدها LS430 ونفس الحركه طلعت و إلى الآن لها معاي ٤ سنوات


up 0 down 0
al_jasser22 183
قبل سنه و شهر