مشورتكم بشراء سيارة لكزس gs مستعمل أو افالون جديد

اذا باقي لك ٤ شهور اصلر ماتدري ال جي اس يمكن يتغير شكله 
اما انك تدفع مبلغ حول ١٥٠ ع موتر بيتغير او بيوقف انتاجه ف ما انصحك 
الافالون الجديد جميل جداً ويفضل تاخذه ٢٠٢٠ يعني كذا ولا كذا بعد ٤ شهور 
وبالنسبه لل es وتقول تغير علامات معليش الشكل الجديد من اجمل الاشكال الي نزلت ع ال es 
وعندي اخذه ستاندر ولا اخذ افالون فل .. 
يعني اذا تقدر توصل ل es نص فل تكون مواصفاتها حلوه ( افضلك ) من وجهة نظري 
ومثل ماقلت انت جوده وتمسك سعرها وهي نفس محركات افالون يعني ماتخاف عليها 

اخوي m7md33 يعطيطك العافيه على ردك، لكن من ناحيتي انا ودي اغير للجي أس عشان عزلها وقيادتها افضل من الافالون أما الأي أس مع أنه زي ماقلت أنت الجديده شكلها خورافي الأنها نفس عزل وقيادة الافالون و هذا اللي مخلينا أوقف هنا بين ذي وذيك موضوع القايدة الجي أس أفضل وكثير يقولون أن قيادتها في مستوى أخر + عزلها أفضل (مو متأكد من هالمعلومة)

الجديد مافيه مثله
حتى لو كان فئه اقل
بس يبقى جديد وافضل من المستعمل بمرااااااحل

صحيح الجي اس افضل من عزل ورساوة وانا كان عندي ٢٠٠٧ 
ويكفي دفع خلفي 
بس خذ العلم 
جي اس قطعه اغلى 
جي اس ضيق من داخل 
جي اس نازل للارض اكثر 
اما الاي اس ( اوسع وارفع وارخص صيانه ) 

عندي جي اس 2013 خذ الموديل الجديد وتلاقي مثلا مستعمل ماشي 5 الاف او 10 الاف وتراه اوسع من الشكل القديم وقطعه الاستهلاكية تعتبر معقولة وبتخدم 

عن نفسي باخذ الجديد يكفي ماساقه غيري 

تبي نصيحت شخص معه جي اس 2012 


سلبياتها قطعها غالي جدا جدا 

فيها عيب مصنعي واكثر الناس تشتكي منها في الجي اس صوت تكايات المكينه

مطبها قااااااسي جدا جدا 

الايجابيات كثيره 

اولها الفخامه الخارجيه والداخليه تحس ان كل ريال اندفع فيها مو خساره 

عزل الصوت ممتاز 

نصيحتي لك اذا تقدر على es الجديده خذها ولاتشاور علمن ان قطعها ارخص من الجي اس بكثير 

وسمعت ان بعض قطعها مثل العكوس يركب عليها حق افلون 


ندخل الان على الافلون 

الافلون سياره جباره مايختلف عليها اثنين 

بس والله حرام تدفع اكثر من 150 الف على علامة تايوتا 

اللكزس نفس جودة التايوتا وافخم منها بكثير ولها شعبيه كبيره وسعرها شيك بيدك والفرق بينهم بالجديده تقريبا 16 الف اتكلم عن الافلون و es 

والقرار لك واسسسستخر ومبروك مقدما 

السلام عليكم
انا جربت 2008 على وقتها فتره صراحه السياره جميله بس ضيفه ونفس ماذكرو الاخوان مطبها قاسي مو مريحه

الله يعطيكم العافيه جميعاً،، وبالنسبه للاخوة اللي جربوها ويقولون مطبها قاسي انا ودي ابعد عن الافالون والes عشان عزلهن مو ذاك الزود + ما فيه رساوه . الجي اس ما فيه احد معه موديل ٢٠١٦ وفوق يأكد لنا اتذا هي فعلاً نفس الاوله مطبها قاسي للحين ولا لاء + هل عزل ورساوته ورحاة القيادة افضل من الes ولا لا والله يعطيكم العافيه 

محد بيقدر يجاوبك الا نفسك 
حاول تطلبها تجربة قياده
 او تاجره يوم من محلات التاجير


وبالتوفيق

صاحب الموضوع اختلف معك من ناحية عزل الأفالون الجديد عزلها بطل بطل جربتها شخصياً  عزل ورساوة .

وبغض النظر انها بشعار تايوتا كلنا نعرف أنها بنظام تعليق لكزس 

الغش في المستعمل كثير واسهل شي ترجيع العداد
والاصلاح الوهمي للايرباق ( تطفيه اللمبه ) بدون اصلاح النظام كامل

لذا مافيه زي الجديد

المستعمل يطلب صيانات و تصليح و لو كان لكزس. يعني بتدفع من ٥ الى ١٠ الاف قطع و اجور ناهيك عن الغلبة.
خلك عالجديد