لكزس اي اس 2016 250

وعليكم السلام
الله يبارك لك في سيارتك
زيت القير تغيره على 80 ألف حسب جدول صيانة الوكالة لكن حسبي الله على بترومين
نفس الشيء صار معي غيرت زيت المكينة عندهم على 30 ألف والفلبيني يحاول يقنعني أغير زيت القير ورفضت
زيت القير الي يغيروه ما هو مثل زيت بلدها
عموماً الان غير زيت القير مع الفلتى كل 40 ألف وخذهم بنفسك من الوكالة وغيرهم عند ورشة جيدة وأمورك طيبة بإذن الله
لما تغير فلتر القير غير فلتر الهواء للمكينة
غير فلتر المكيف كل سنتين
باقي الامور في الصيانة روتينية وما تخوف وتقدر تحصل على الجدول من موقعهم على النت
أنا معي كامري 2013 واعمل الصيانة اللازمة بنفسي في أي مركز ومرتاح من جشع الوكالة

يعطيك خيرها ويكفيك شرها ،،، زيت المكينة عن نفسي عندي لكزس gs2013 اغير كل عشرة كاسترول 10w-30 وزيت الجربكس مثل ماقلك الاخ اللي قبلي لكن اذا ودك تغيره روح الوكالة افضل واضمن وعادي تنتظر يوم كامل لو عندهم زحمة لان هذا جربكس وماينلعب فيه وله طريقة الوكالة يسووها وقت التغيير ،،، وصيانة ال 100 الف خذها حسب الاولوية لان القطع اللي تتغير حسب الوكالة البواجي وصفاية البنزين والاقمشة بس انتا حسب ميزانيتك فالبداية صفاية البنزين وبعدها البواجي وغير موية اللديتر وخلهم ينظفو البوابة وكذا نظمت القطع حسب ميزانيتك عشان ماتضغط على جيبك وتقعدبها،،،، 
وان شاء الله الشباب اصحاب الخبرة بيفيدوك 

الف الف مبروك الله يعطيك خيرها ويكفيك شرها
موترك ٤ سلندر لانك كاتب es 250
مكينتها نفس مكينة الكامري ٢٠١٦
زيت القير نصيحه غيره لان بترومين عندهم زيت لجميع القيور وهذا غلط
لان القير له زيت مخصص من الوكاله والقير جدا حساس من هذي الناحيه
لاتنتظر لين يوصل ١٠٠ الف افتح الكتالوج وشف كم يمشيك
اذا تبي توفر رح للوكاله وعطهم استمارة السيارة واشتر علب الزيت القير
ثم رح ورش يعطونك ضمان على شغل يديهم مثل اوتو سيرفس وغيرها
وغير عندهم الزيت
واذا جيت تغير زيت القير حاول اذا دخلته عندهم يكون بارد يعني
لاتشد عليه وانت رايح لهم واذا بيغيرونه لايستعجلون بغيار الزيت
نص ساعه كافيه ثم يغيرونه على فكره اوتو سيرفس عندهم
مكينه تشفط زيت القير كامل تشفط حتى الي بطنجره شرط تسويها
والسيارة بارده تماما اما الغيار العادي مايضر ان شاءالله
زيت بترومين A1 ممتاز بس حده لين ٧٠٠٠ تقريبا ثم غيره
نوعه زيت تخليقي وممتاز وسعره مناسب اذا اشتريت كرتون
لان محلات غيار الزيت يبيعون العلبه من ٣٥ الى ٤٠ ريال
لو تشتري كرتون من موزع ثقه يمكن تطلع عليك العلبه ب ٢٢ ريال
والسيفون اشتره من الوكاله اضمن لك واحتمال يكون ارخص بعد
واذا تبي فروع اي مكان صيانه خل شباب يكتبون لك اسم المحلات
واكتبها بقوقل ماب وقارن بينهم بالاسعار