أضف سؤال أو موضوع جديد          

مشكلة التشغيل في السيارة - سويت كل شي ما ضبطت

up 1 down 0
سلطاكزس 3
قبل أسبوع و 2 يوم



السلام عليكم..
يا اخوان انا عندي مشكلة مالقيت لها حل و "لحست مخ" اغلب الميكانيكيين..

انا معي لكزس ES350 موديل 2013
المشكلة هي ان السيارة تطول في التشغيل يعني السلف يدور اكثر من مره بعدين تشتغل .. 
السيارة في الصباح وهي باردة بعد توقف اكثر من ٧ ساعات تشتغل بسرعة .. ولكن اذا موقفة لها ساعتين او ثلاث أواجه مشكلة في التشغيل واذا كانت ساخنة بعد توقف بسيط تشتغل بسرعه يعني المشكلة ماتظهر الا بعد توقف ٤ او ٣ ساعات.

غيرت البواجي وصفاية البنزين وشيكت ع الكهرب والبطارية ولا زالت المشكلة..

للي بيلقى حل للمشكلة هذي او واجهته سابقا يساعدني الله يعافيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


شيكت على حساس الكرنك ؟  
طرمبه البنزين شيكت عليها فحصت ضغطها كويس 


up 1 down 0
fhody44 271
قبل أسبوع و 2 يوم



شيك على اصابيع البطارية امكن مرتخية 
ولمن تشغل اضغط الازرار مرتين الين تولع لمبات الطبلون وبعد 15 ثانية كذا شغل السيارة


up 0 down 0
zax_makkah 118
قبل أسبوع و 2 يوم



نظفت الثروتل وشيكت ع البطارية.. ماتوقع طرمبة لان السيارة جديدة ولو الطرمبة خربانة تشتغل لمبة المكينة


up 1 down 1
سلطاكزس 3
قبل أسبوع و 2 يوم



سمعت ان اللكزس هذا النوع فيها مشكلة عيب مصنعي في 
البخاخات شيك عليها والله اعلم


up 0 down 0
احمد 170 297
قبل أسبوع و 2 يوم



صارت لي في هونداي النترا تجيها مرات تعلق ماتشتغل وطلع من حساس الكرنك


up 0 down 1
السعادة كنز 3
قبل أسبوع و 2 يوم



مشكلتك من السلف مية بالمية صارت معي قبل يومين وغيرتة ظبطة السيارة


up 0 down 1
hart90 32
قبل أسبوع و 2 يوم



افحص كمبيوتر ب 100 ريال
بس صار عندي بباص تويوتا هايس
غيرت حساس الكرنك + كمبيوتر + برمجه
تاكد من البطاريه + بواجي + فلتر البنزين
لا تروح عن هذي الاشياء وتتشتت



up 0 down 0
الملكيه 46
قبل أسبوع



كان عندي نفس مشكلتك و نفس السيارة و على موديلها و وديتها الوكالة على الضمان

غيرو البطارية و ما نحلت المشكلة
غيرو البخاخات كاملة و انحلت المشكلة
قيمة البخاخات ٨ آلاف في الوكالة


up 0 down 0
المخلصm 233
قبل 3 يوم و 18 ساعه