أضف سؤال أو موضوع جديد          

استشارة بين جيب لكزس و LS

up 1 down 2
bn bn bn 5
قبل 2 سنه و 2 شهر



السلام عليكم
أسعد الله أوقاتكم
اعرف حيكون بين السيارتين فرق كبير بالمقارنة لكن قلت اشوف الآراء ومشورة الطيبين

انا هذه الفترة احتاج سيارة تكون للدوام ٢٠٠ كيلو بعض ايام الاسبوع ومن زمان كنت ابحث عن لكزس ٤٣٠ والان حصلت سيارة
والنية أيضا كانت لشراء جيب ..لكن مع الارتفعات الأخيرة اللي صارت قلت نصبر شوي .. ومستقبلا خلال السنتين القادمة ربي ييسرها
عرضت علي الأن ال ٤٣٠ وكذلك وجدت جيب واحد ٢٠١١ والثاني ٢٠١٢ مناسبة جميعها شفتها من ناحية المواصفات والنظافة والممشى بحدود المعقول واللي ابحث عنه

فهل مناسب الجيب كاستخدام يومي ولا بيتعبني وكيف من ناحية قطع الغيار والصيانة
أو اتوكل على الله وأخذ ال ٤٣٠ وبعد سنة لما انقل قريب بيتي واستقر اخلي وقتها التفكير بالجيب ويمكن استغني عنه
لأن ما ودي أندم على قرار اتخذه الآن وأنا لست من النوع اللي يفكر كل مره يغير سيارته إلا للضرورة وعند الحاجة
علما سيارتي حاليا جمس واهلكتني بالبنزين

وبالنسبة للكزس ٤٣٠ كم كيلو يمشي البنزين وبكم فلها وكم يمشي الجيب ٥٧٠ وبكم فله
انتظر ردكم لاهنتم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله إذا تفكر في البنزين فلا تقربهم ثنتينهم
شفلك سيارة سيدان متوسطة أو إذا تبي جيب شفلك ديزل


up 3 down 0
أبو العنود 564
قبل 2 سنه و 2 شهر



البنزين حاصل حاصل لكن نبغى الأفضل من ناحية الرساوة والراحة
لكن انا تعودت على ال٨ سلندر وأكثر من ١٥ سنة ما اسوق غير ٨ جربت ال ٤ السيدان ما ارتحت


up 2 down 3
bn bn bn 5
قبل 2 سنه و 2 شهر



خير الامور الوسط شف لك ES او افالون V6 ٢٠١٣


up 2 down 2
مثقف سيارات 1063
قبل 2 سنه و 2 شهر



٤٣٠ آخر موديل لها ٢٠٠٦ يعني له ١٢ او ١٣ سنة يبي صيانات ويبي شغل ولا تغرك النظافة كلها ٥ شهور وتبدأ تقول عطني عاد قطع اللكزس بتاكلك ف اقولك اذا انت تنتظر لين تنزل بيتك اشتر لك كامري ٢٠١٦ نظيفة بخمسين لين تنزل البيت وتبيعها ماطاح من سعرها شيء يذكر واذا ماطقيت خبر للبيت امسط الجيب واطنخ 


up 0 down 2
abdulmohsen 8760 122
قبل 2 سنه و 2 شهر



انا رائي خير الآمور أوسطها طق اوريون 2014 بلاش وعزم ومركب جميل

وعشان لا تجننك بالخرابات لين ربي يسهلها


up 1 down 3
mohammed1368 155
قبل 2 سنه و 2 شهر



انت تقول من زمان تدور ٤٣٠ وخاطرك فيها 
وهو صراحه موتر روعه 

خذه وتوكل على الله وخاصه وراك خط 
موتر رساوه واعتمادي ومريح جداً 

اهم شي يكون نظيف وتسويله صيانه 

بالنسبه للجيب كان معي في اكس ار ٢٠٠٩ صراحه ثقيل بالسواقه مو مثل السيدان 
حتى عالخط بالانسيابيه مع الهواء افضل ال ٤٣٠ 

ودايم الاحظ اذا رحت الامارات اغلب المواتر عالخط هي ٤٣٠ و ٤٠٠ 
شباب ابو ظبي ياخذونه اذا دوامهم بعيد عشان الراحه والمكيف وعملي 

وبالتوفيق


up 1 down 0
m7md 33 1151
قبل 2 سنه و 2 شهر