أضف سؤال أو موضوع جديد          

بكم احصل لكزس 2013 es350 6 سلندر بسعر كويس؟

up 3 down 1
ابوممدوح2012 20
قبل 2 شهر



السلام عليكم

الصراحة أنا جدا محتار في إقتناء سيارة es350 2013 v6
وش مميزاتها وعيوبها؟ وكيف قطع غيارها وهل الموتر حق كرف لأني بدوام فيها ،
وتقريبا لو حصلتها كم سعرها تقريبا في السوق ؟
وهل صرفيتها للوقود جيده ؟ يناسبها بنزين 91 ولا 95 ؟
واكثر شيء ارغب فيه اللون يكون صخري أو ذهبي فهل فيه فروقات بالاسعار بالنسبة للون السيارة؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ياخي الاسعار تتفاوت حسب النظافه لكن بالمتوسط تبداء من 50 وتوصل 60 او 65 حسب النظافه للموديل المذكور ،، طبعاً تصحلها هنا بالموقع غاليه شوي لان اغلبهم زبائن رايقيين ويبغى يبعها على راحته يعني ماهو مستعجل ، لكن تحصلها بمعارض السيارات ارخص من هنا ،،،
،،،
طبعاً انا املك حالياً ( لكزس es 350 2007 ) وكان معاي ( كامري 2012 ستاندر ) وبصراحه ماني شايف فرق بينهم الامن ناحية ( عزم المكينه فقط ) ، اما الباقي متحدين فيه مثل / العزل الارضي والهوائي / والتكييف / والراحه ما اشوف فيه فرق يذكر (( طبعاً بحكم الموديل اللي معاي )) اما الي اعلى من موديل سيارتي بصراحه ما ادري عنه يمكن يكون افضل
، بالنسبه لصرفيه البنزين طبعاً انا استخدم بنزين 91 والمسافه بين عملي وبين البيت حوالي 60 كيلو رايح جاي يومياً ، والفل يجلس معاي تقريباً من 4 اى 5 ايام تقريباً حسب المشاوير ، طبعاً فل التانك حوالي 75 ريال ،،،

وبالنسبه للعمليه طبعاً الى حد الآن لم الاحظ اي شيء غير طبيعي في السياره ،

وبالسنبة لاسعار قطع الغيار راح اذكر لك بعض اسعار القطع اللي انا ركبتها فيها وانت عاد احكم :

طقم مساعدات كاملة 900 ريال ، ياباني / يايات اماميه 400 ريال مستعمل تشليح حبتين / طقم هوبات اربعه 450 ريال ،ياباني / طقم فحمات امامي خلفي اصليه 350/ ذراع خارجي يمين يسار اصلي 300 ريال / مسامير توازن اماميه 300 ريال / علبة دركسون ياباني مع شغل اليد 650 ريال / مقص امامي يمين 250 تشليح اما الجديد وكاله سعره حوالي 450 ريال / سير مكينه اصلي 260 وشغل اليد حوالي 100 ريال / كرسي مكينه فوق ياباني 100 ريال / طقم كفرات نوعيه جونيور صيني درجه اولى 750 ريال ،،، الخ

هذا ما استطعت تذكره للقطع اللي سبق واني ركبتها على سيارتي وبصراحه كلفتني شوي ، بحكم ان الموديل الي انا شاريه قديم شوي وكان محتاج لأغلب هذة القطع الاستهلاكيه ، والحمدالله على كل حال ،،، مع اني اشوف اسعار قطعها معقوله نوعاً ما وقريبه من اسعار قطع الكامري مثلاً ،،،
وبالتوفيق مقدماً .




up 3 down 0
bakeetdo99 45
قبل 2 شهر



الرد الي قبلي دام مافيه فرق الا العزم اخذ كامري افضل يكون
موديل جديد والسعر يفرق العزم مايهم


up 0 down 0



معليش ياصاحب الرد الاول اخطيت ممكن يوم قلت بس العزم او انك تقصد موديل موترك بالذات ف ما ادري عنه لكن عندي كامري ١٣ فل كامل وركبت مع شخص على لكزس es 2015  الصراحة فرق السماء عن الارض العزل شيء ماشاءالله غير الداخلية اللي تفتح النفس ماشاءالله ولكن الخارجية ماجازت لي وضبطوها في ٢٠١٦ ماشاءالله والله يوفقكم


up 1 down 0
abdulmohsen 8760 24
قبل 2 شهر



الاخ اللي يقول تحصلها بال50-65 6 سلندر وموديل 13 لاهنت اذا هالكلام واقعي انا شراي لانه لا بالموقع ولا بالمعارض حصلت هالسعر الا على es250 موديل اقل وماشي فوق 200


up 0 down 0
camaro28 747
قبل 2 شهر



اللكزس جيده ولكن عيبها الكبير في قطع البودي جدا غالية


up 0 down 0
alhkami 296
قبل شهر و 4 أسبوع



اولا ملاك اللكزس يعتقدون انها شيك ومستحيل تنزل

وانه يجي يكرفها 10 سنوات ويبي يبيعها بخساره 3 الاف ؟
كيف كذا ؟

حاليا اسعارها الفعليه من 70 الف الى 75 الف



up 0 down 0
شكلين مابحكي 3151
قبل شهر و 3 أسبوع