أضف سؤال أو موضوع جديد          

قراند ماركيز ولكزس أربعمئة وستين لارج مقارنة الراحه

up 7 down 7
al-brrag -15
قبل 4 شهر و أسبوع



سلام عليكم 

يالربع انا كنت ناوي اشتري لكزس وفجائي اخذت موتر خويي ورحت المعارض وهو فرد رحت عليه الدمام والله يالربع تغيرت وجهة نظري مليون مره موديله ٢٠٠٣ ولا كأني في خط وسريع وف الخط اطيح سيارات به واجد 

وش رايكم الكزس وش الأريح والأسرع ؟؟ 



هذا غير اني وانا في الخط احس اني منسدح في سرير ماني في سياره قسسم بالله ! 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الماركيز سيارة لن تتكرر 
بس هل هو فعلاً السيارة اللي انت تبغاها ؟
ما فيها ترفيه ولا فخامة مثل اللكزس 
فوق كذا البنزيييين


up 4 down 8
medoo_m6 136
قبل 4 شهر و أسبوع



الماركيز ينفع للخطوط 
اما داخل المدينة ياكلك بالبنزين



up 7 down 6
صمت الكلام 68
قبل 4 شهر و أسبوع



الفورد معروف بالراحه يازينه فالخطوط بس داخل المدينه ماينفع ابد لكن اذا قصدك من ناحية الجوده والصبر والكرف الفورد طبعا لكن النظييف فقط النظيف ومن ناحية ترفيه انسى كلها مسجل عادي ومكيف وطبلون الترفيه الوحيد مراتبه سليب هاي ههههههه


up 5 down 0
abdulaziz bin ateeq 219
قبل 4 شهر و أسبوع



medoo على اساس صرفية اللكزس اقل من الماركيز لو احلف انك ماقد جربت الفورد اساسا
لكنك من النوع اللي يسمع ان الامريكي يصرف تسأله عن التفاصيل يثقول مدري بس انه ثمانيه اكيد يصرف
ماعنده اي خلفيه عن السيارات ولا قد جرب
بالنسبه ياصاحب الموضوع لمسألة الصرفية معي 99 التانكي 65 لتر اذا فاضي يعني قريب لحجم الكامري
ويمشيك اذا سواقتك معقوله داخل المدينة اكثر من 450 وبالخط اذا تثبت السرعه 120 يمشيك اكثر من 600 بالراحه
وخذ العلم من مجرب نصيحه



up 4 down 2
156
قبل 4 شهر و أسبوع



صمت الكلام ماعندك سالفه


up 3 down 4
156
قبل 4 شهر و أسبوع



الفورد وانا خوك موتر ما بعده موتر وانا معي ماركيز 2005 وانتظر متى تجي قروش واطقلي واحد ثاني على حقي
لانك بختصار تدمن شي اسمه فورد حتى اغلب حقين الفوردات يبعونها ويرجعون يشترون فورد بس يا موديل احدث او ابن عمه الفيكتوريا

انصحك فيه بقوة وحاول تاخذ هيدروليك ودور النظيف ولا تنزل عن فئة LS وحاول تاخذ من موديل 2006 - 2008 علشان المواصفات
اذا لقيت من 2009 وفوق تحكم بالطارة + نقريب الدواسات +كرسي المعزز كهرب خذه لا تفرط فيه هذا فل ونادر

بالنسبه لسعره لاحد يضحك عليك ويقلك بلاش ترا النظيف ما ينزل عن 25 اقل شي اما ابو 12 و 15 اغلبها لك عليها يا ماشيه او فيها مشاكل

والبنزين صرفيته ممتازة جدا بسبب البلوف لان الفورد صحيح 8 سلندر بس 16 بلف او صمام وهذا يساعده يخلي صرفيته مثل 6 سلندر




up 7 down 3
mercy_sa 848
قبل 4 شهر و أسبوع



بالعكس صرفيتها ممتازه داخل المدن توصل 400 وعليها بالخط توصل 600 وفوق وحجم التانكي 65 لتر اشوف انها صرفيتها طبيعية بحكم انها 8 سلندر


up 8 down 3
هبووب الشمال 34
قبل 4 شهر و أسبوع



من ناحية راحة والي اريح من الماركيز 

جرب تاون كار لينكولن من ٢٠٠٣ وطالع وخذ لارج ارسى عالخط 

لحد الآن على كثر المواتر الي جربتها ماسقت اريح منه على خط 

وكنت طالع من الشرقيه للشمال مسافه طويله لكن ماتعبنا ولله الحمد 

بعدها طلعنا ب Gs430 2007 مريح زوين بس مو مثل اللنكولن 

شوفلك واحد نظيف اخر موديل ٢٠١١ داخل بيج (: وبتروق عليه 

هو عيبه الوحيد طويل ، اذكر اوقفه بالكراج اطول من مرسدس بانوراما واطول من سوبر ٩٩ ههههه


up 4 down 0
m7md 33 644
قبل 4 شهر و أسبوع



مافيه مقارنه متقاربه بصراحه 
اللكزس قارنها ب جينسس ولا ب انفنتي ولا السيارات الي مثلها 
لاكن فورد ولكزس والله مدري وش اقولك 
الفورد موتر راحه وحق خط 
اللكزس عزل وفخامه وبتاع كولو 
المهم قارن صح 
مقارنتك هاذي دوختني اجيها يمين اجيها يسار عيت تزبط معي 


up 6 down 0
ابو عبد العزيز 305 368
قبل 4 شهر و أسبوع



الفورد ممتاز واقتصادي بالنسبة للكزس 

قطعه متوفره واستهلاكه للبنزين معقول جدا 

اللكزس يتميز بالمواصفات والثبات والعزل 

لاكن قطع غيارة اغلى مقارنة بالفورد  وصيانته مكلفة نسبيا .




up 3 down 0
abomesal 1023
قبل 4 شهر و أسبوع



استغرب من ناس تفكر 8 سلندر خلاص محرقة بنزين ؟؟؟

ياما 4 سلندر يحرق حرق


up 3 down 4
mustafa77 6103 332
قبل 4 شهر و أسبوع



احيانا الشخص يكون يبحث عن شيء معين وفجأة يطلع له له شيء ثاني يشتته عن هدفه الاساسي
الاخ في الموضوع كان يبحث عن سيارة فخمة مريحة 
ولمن جرب الماركيز عجبته الراحة العجيبة اللي مو موجودة في اي سيارة 
انا سألته فقط هل هو السيارة اللي انت تبغاها ؟ 
لانه بيضحي بفخامة اللكزس مقابل راحة الماركيز 
والاخ اللي فوق حكم علي اني ما عندي خلفية في السيارات ولا قد جربت كمان


up 1 down 3
medoo_m6 136
قبل 4 شهر و أسبوع



اخي العزيز اذا بتاخذ فورد اخذ فورد سليم ١٠٠/١٠٠لأن الفورد اذا عاكس عاكس


up 4 down 0
ثقه1988 32
قبل 4 شهر و أسبوع



اذا يهمك راحة وعملانيه وقطع غيار رخيص وصيانة اسهل وارخص هذا الفورد بلا منازع

اذا انت رجال تبي فخامة ومواصفات وتحب ازرار داخل ومن هالكلام اكيد اللكزس واكيد مريح لكن مو مثل الفورد

بس احسب حسابك في اللكزس صيانة وقطع غيار مايقارن بالفورد وبياخذ حق الاسم منك


فانت حدد وش تبي بالضبط علشان تعرف وش تختار


نقطة أخيرة اكيد فرق السعر لصالح الفورد والله يوفقك


up 0 down 1
هاوي707 214
قبل 4 شهر و أسبوع