أضف سؤال أو موضوع جديد          

تهريب مويا رديتر مالقينا مكان التهريب

up 2 down 0
حراج جيزان 9
قبل 4 شهر و 3 أسبوع



السلام عليكم

عندي تهريب مويا رديتر باليوم اعبي اكثر من 5 لتر

اشوف التهريب بنفسي ينقط بالارض وبالقير لونه احمر من تهريب

لاكن لما يرفعوها مايلقون مكان التهريب
اكثر الورش قالو نفك لك الدعسه مع ثلاجه المكينه ونشوف من وين التهريب بالضبط
لان مايشوفون من تحت ايش المشكله


ايش رائيكم انا قلت احتمال من اهواز الي تحت ثلاجه المكينه
واقل واحد قال شغل يد 400 لانها 6 سلندر لكزس 2002 الي تشبه الكامري 2005

ابي علم اكيد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكلتك تهريب وتبخير واتوقع التهريب من الثلاجة وتنزل الموية على المكينة وتتبخر


up 0 down 0
معرض المئوية 194
قبل 4 شهر و 3 أسبوع



مر ساكو عنده ماده امنة و مضمونه بتوقيف التهريبات و تحسين اداء التبريد 

ماده قيمتها ١٣٠ ريال تقريباً 

تحطها و تتبع ااتعلميات الي مكتوبه ورا 

وبعد ١٠٠٠ كيلو 

تغير موية الرديتر كامله  

و ان شاء الله بتنسى التهريبات كلها 


up 1 down 2
أبو مزيد 174
قبل 4 شهر و 3 أسبوع



المويا تهرب عندك جوا السيارة كمان ولا بس برا

اذا كانت جوا معناته ا لي الحار عند فيه تهريب


up 0 down 0
vip-yt 327
قبل 4 شهر و 3 أسبوع



اقولك تأكد من الماصوره وموقعها تحت الثلاجة
احتمال يكون التهريب منها
روح عند محل قطع الغيار وأسأل عن الماصورة هي من بلاستيك


up 0 down 0
محمدالحربي 4490 47
قبل 4 شهر و 3 أسبوع



إذا كانت من البلاستيك غيرها وسعرها أقل من 100 ريال
وشغل الأيدي مت 80 إلى 50


up 0 down 0
محمدالحربي 4490 47
قبل 4 شهر و 3 أسبوع



اذا الحرارة ترتفع هذا من اللي الحار افصله وتنحل ان شاء الله وقد صارت


up 0 down 0
abdulmalek bin ali 21
قبل 4 شهر و 3 أسبوع



اخوي حصلت معي نفس مشكلتك ..
غيرت قربة ماء الرديتر-
غيرت غطاء الرديتر -
غيرت العلبة البلاستيكية السوداءاللي تجي في اعلى الرديتر ..
 بدون فائدة .. الموية تنقص والتهريب ما هو واضح ..
واخر شيء حصلت تهريب شيء بسيط 
بعد وقفت السيارة بوقت بسيط ..
والتهريب لونه قريب من الاحمر
وديتها لورشة واحد اعرفه ابن حلال ويخاف الله ..

قال لي : التهريب من بوابة الثروتل
والتهريب اللي لونه احمر هو البنزين ..
لانه يقول فيها نظام تبريد الوقود ..

 وبالاخير غيرت الثروتل  بواحد مستعمل نظيف ..
والحمد لله رب العالمين 
لها ذلحين قرابة سنتين ..والمعذرة على الاطالة ..  


up 2 down 0
al wafi 777 30
قبل 4 شهر و 3 أسبوع



تأكد من الطبات.


up 0 down 0
team leader 54
قبل 4 شهر و 3 أسبوع



الله يجزاكم خير جميعا
وبمشي على ردودكم

لان الرديتر لو عبيته فل مع القربه فل اروح مشوار ابو10 كيلو ينقص حدود 2 لتر
والتهريب اشوفه من تحت ينقط لاكن لما ادويها ورشه مايبين
لانه المويا بكل مكان من تحت جهت الممكينه والقير ودبه التلوث
يعني بعيد كل البعد عن الرديتر ماله علاقه

يعني مامعي حل الى افك قربه الهوا والثورتل ثلاجه المكينه

لو اتركها يوم واحد معاد احصل قطره بالرديتر


up 0 down 0
حراج جيزان 9
قبل 4 شهر و 3 أسبوع



تأكد من ليات الدفاية ممكن منها وخاصة عند الوصلة اللي تدخل للمقصورة حقت الركاب


up 0 down 0
ابو حسين.......... 764
قبل 4 شهر و 3 أسبوع



بعطيك حل رخيص وان شاء الله يطلع لك العطل 
الغ ماصورة الثلاجه اربطها بسلك علاقيه اذا وقف التهريب فهو من المكيف
او اذا ماوقف التهريب ولاهو من الاديتر ولا الغطا وتاكدت فهو من  الثلاجه 



up 0 down 0
خير ان شاء الله 95
قبل 4 شهر و 3 أسبوع



الله يعطيكم الف عافيه

طلع الخراب من لي تحت تحت الثلاجه البلاستيك والثلاجه النحاس
شغلتها متعب لاكن الحمدلله ضبطت



up 0 down 0
حراج جيزان 9
قبل 4 شهر و 3 أسبوع