متحير في لكزس LX موديل قديم 2009 ونصايحكم

اولا رقم الاعلان لان النسخ صعب هذا رقم الاعلان

30847747

ليسهل للاعضاء الدخول بالرقم عن طريق الجوال

الشيء الثاني عندي عدة ملاحظات

اولا شوف الكفر الامامي الرفرف نازل قريب الكفر و كأنها سيارة سيدان ما كأنه جيب

شيء اخر الصور مصورها بالبايكه بمكان مظلم و صور بالليل الباقيه

اللي واثق من سيارته يصورها صور اكثر و بالنهار و شيء واضح ماهو بالطريقه هذي

شيء اخر عضو جديد ماله اسبوعين ممكن يكون له عضوية قديمه و محظورة و هذا شيء وارد

غير كذا سبحان الله اي عضو يجي مسجل اسم عضويته فيها ذكر الله

هذا دائما يحاول يستر مصايبه و عيوبه و ذنوبه تحت رايه الدين ابعد عنه مجرد نصيحه

معاك 120 الف حرام تاخذ فيها شيء مرهم و مغير قطع كثير فيه

و صرف البنزين يشرب كثير

وجهة نظري وصلت المبلغ هذا خذ اكسبديشن اخو الجديد توين توربو قوة و شكل و راحه و رساوه

اغلبهم راعيين حلال ولا يصينون مدموووور من البران ابتعد عنها صرفية بنزين وقطع غيارة غالية 

اخوي ابراهيم الله يجزاك خير .
الرجال ارسل لي صور في الواتس اب وتصوير في النهار وتحت الشمس والبدي نظيف في رش تجميلي فقط والداخليه نظييييفة مره مره مره .
وليش نازل الكفر تعرف اللكزس يقدر الواحد يرفع وينزل السياره من خلال ازرار من جنب القير وهذا في كل موتر الجيب :)
نعم كانت عنده عضويه اخرى واعرفها لكن لم يتم حظره بس واحد سبه في سياره ثانيه يقول ضرب له مشوار من الرياض وقفل جواله مايبي يبيع ماهو له السياره لسياره ثانيه وقال لصاحبه.

اللي محيرني مافيني احط فيها ومتردد وخايف واحب اللكزس ماتتخيل احلم فيها في الليل لو عندي طقيت 2016 على الاقل :)

وشكرا لك

السلام عليكم
السياره ممشي 255 الف ، توقع انها تصرف كتير علي عضلاتها
ثاني شئ الكفر الامامي يسار مايل للداخل والموتور هابط من االامام ومن اليسار اكثر
ثالث شئ الكفر اليمين الامامي راجع للخلف شويه - والله اعلم وربنا يسامحني لو اخطأت انه جاه صدمه ولذلك السبب تم تغير الواجهيه

دام في نزول بالوجهية مساعدات الهيدروليك تعبانة وتهرب زيت غالية جدا انتبه 

وعليكم السلام شوف هالاعلان 30355184

بالنسبه لي اشوف تشيل هالمبلغ عندك لان حرام يروح بسيارة مستعمله مهما كان نوعها
والقرار الاول والاخير لك وسيارة بالمبلغ هذا لاتقرب للي وقفته مو مظبوطه نازل مايل

يعني سيارة بالاسعار هذي ياتأخذ نظيف يابلاش الخساير

اذا تبي سيارة تخدمك خمس سنوات ماتحط فيها الا بنزين وزيت لاتأخذ 2009 لأنها قديمة على شرطك هذا

ياتزيد فلوسك وتأخذ موديل أحدث أو تأخذ نوع ثاني 

عندك اليوكن بالمبلغ اللي معك تأخذ من ٢٠١٥ وفوق وممشى قليل حسب الفئة  وسيارة مريحة جدا للسفر وشكل ولا أروع سواء الداخلية أو المظهر الخارجي

اذا على الاحلام شفت كل واحد رد عليك هنا واولهم انا يا محاكيك عندنا احلام وودنا نملك اطلق السيارات وفي بالنا سيارات معينة وخاطرنا نمتلكها لكن الواحد يخوك يحكم عقله


ترى الموتر في النهاية وسيلة مواصلات تروح وتجي ومكينة وقير ادري بتقول حلمي اسوقه وامتلكه لكن صدقني بكره لو شريته وطاح اللي في راسك بتقوله اه يا 120 ليتني ما نطلتها في 2009 له عشر سنين ومرفرف ومعجن عشان اشتري اسم


يعني انت عارف وتشوف اغلب الجيوب هذي مع مين الا من رحم ربي مع اردى البشر هياط ويلعبون فيها لعب واخرتها تجي تاخذ عقبه ويلزخك بسعر والحجة انه جيب لكزس ومعروف في السوق وشيك في المخبى

يعني اذا هذا دخل حياتك بياثر على ميزانيتك لو طلب شي يعني تقصر على عمرك ولا على اهلك عشان سيارة لأن واضح ان حالك ميسور مثلك مثلنا لذلك يخوك اذا تطيع شوري خل الاحلام تبقى احلام وياما كثير تاغضوا عن احلامهم من اجل يعيشون حياة كريمة وما يحتاجون ولا يحتدون في يوم دائما خل عندك مبدأ السعة يعني انا راتبي مثلاً 10,000 مهب لازم احشر نفسي في اغلب راتب بسيارة ولا بديون مالها سنع واعيش طول عمري على طفسه لين نهاية الشهر وانتظر الراتب الثاني وهكذا عشان سيارة ولا أي شي من الاشياء المظهرية في الحياة جوال ولا اللي هو



بالعكس خلني متسع راتبي يبقى منه وزود واوفر وعايش مثلي مثل غيري ولله الحمد وعلى قدي


يعني 120 والله العظيم تاخذ لك سيارة جميلة فئة متوسطة ب 70 و50 الف ازبنها لأمر من امور الدنيا بكره ما تدري الدنيا وش تقول بك وتحتاج ولا تخليها راس مال بكره تبي بيت تبي زوج كانك ما عرست لينها تنفع هذي الامور اللي ممكن الواحد يحلم ويضحي فيها مهب سيارات وجوالات


هذا رايي وانت حر ادري كسرنا مجاديفك وتقول ياليتني ما سالتهم لكن صدقني يخوك ماقلنا هالكلام الا نبي مصلحتك ولا اقدر اقولك رح افحصه وكانه نظيف اشتر لكن انا وغيري نفكر في البعيد لك مهب القريب


تحياتي

عليكم السلام برأيي اصرف انظر عنها واضح انها معدومه ومديل قديم مايستاهل تحط فيها

نصيحتي لك ابعد عن المستخدم و خصوصا السيارات المكلفه قطع غيارها و صيانتها و زياده على ذلك صرفية البنزين العاليه و الافضل تاخذ سياره على يدك اصفار من وكالتها

باعه واحد قبل اسبوعين في معارض بريدة اعرفه 
2011 فيه جنب يمين ومصلح مضبوط ومعدله 2015 
ب78 الف ممشاه 250 الف 

يااخي. مايبي لها نشدة مطوع.  موتر عمره ٩ سنوات. مهلوك.  وماشي واحد. يبدأ يفتح فمه.  كل شوي قطعه. وقطع غياره غاليه 
اما الداخليه.  ف ب ٢٥٠ ترجع الداخليه جديده.     ثم خذ هذي.   بعت ماركيز ٩٧ مبطي.  وجيت بعد  كم يوم   لقيت رافع سعر ٨٠٠٠
وماعرفته.  رجعوه جديد. تلميع ونظافه.       وفكيت الابواب وفكيت الشنطه. بالأرقام السريه.  استغرب.  قلت هذي كانت سيارتي
المبلغ اللي معك يجيب لك سيارات كثيره.    مثلا.    تدري ان فيه يوكن لقطوه الشريطيه ب ١٢٠   راعيه مديون.   شاريه ماله نيه يبيع
حاط افخم تظليل وتلبيس لكن حدته الظروف.     تخيل تركب يوكن موديل جديد مجهز. وانواع التكنولوجيا.    ومساعدات جدد
وراحه ورفاهيه.      والا خجمة. كارينها الرياجيل وفارينها.  عشان علامة لكسز.   اللكسز موتر.   بس موديل قديم اكل عليه الدهر وشرب
خساره فيه اي مبلغ.       دور لك امريكي.    افضل والا زود فلوسك وخذ من ٢٠١٤ وفوق

اجل تطق 120 الف ع سيارة مضى ع عمرها 9 سنوات


لو شريته بتقعد تعمر فيه
يارجل 120 الف تطق لك جيب دودج موديل السنة او فورنتشر ومواصفات ولا احلى

لكسز ومرسيدس اذذا ماعندك قيمتها وجديدة موديل السنه او لا تفكر فيها

كلنا عندنا احلام ونفسنا في اشياء واشياء

لكن مد رجولك على قد لحافك



وصراحه حلمي بيت لكن الظروف مجبرتني على الاجار وبشقه معفنه

ماقلت بروح اشتري بيت عمره 38 سنه ويروح نص راتبي عليه عشان الناس تقول عنده بيت

انتبه من كلمة رش تجميلي ترا هذي العباراه  يرددونها الشريطيه
لتحسين صورة السياره امام الزبون
وتحت هذي الرشه مصايب 

انا اتفق مع راي الاخوة وخاصة الاخ a.ibrahem

ولكن عندي نصيحة لا تقس ظروف الناس على ظروفك

نصيحتي اذا انت حالك ميسور وماراح تأثر عليك 120 خذ لكزس

بس الي عارضه ما ارشحه لك وخاصة انه مرهم وصراحة مارتحتله

وحاول تصبر وتاخذ الشكل الجديد تقريبا موديل 2016 لان موديل 2009 شكله الامامي بايخ جدا

على الاقل تكون دفعت في شي يستاهل حتى لو صبرت,, وتذكر كل تأخيرة فيها خيرة ممكن تتأخر وينزل شكل جديد ويطيح ال2016
وخاصة ان التطورات كلها بسيطة مو مثل التغير الي بين 2007 و 2008

والله يخوك الريجيل الي فوق ما قصرو ، والكزس معروف يا تاخذ لك شيخ وقفه و نظافه ولا تراك بتتعب واره .

اللكزس ما عليه كلام لكن مبلغك عالي ويجيب لك أجد من 2009 بإمكان هالمبلغ يجيب لك 2012 وطالع ونظيف والتايوتا واللكزس بإذن الله إذا كان استخدامك له معقول وماتجور عليه بإذن الله يمشيك مليون كيلو بدون ماتوظب مكينته إذا حافظت على تغيير الأشياء الإستهلاكية.