أضف سؤال أو موضوع جديد          

موضوعي عن صيانة جيب لكزس 2009 في الامارات ..وفرق الاسعار

up 11 down 5



السلام عليكم ورحمة الله وبركاتة :-
أسعد الله مسائكم بكل حب وخير .وجمعه مباركة للجميع

للاسف الصور حاولت انزله هنا ولكن الموقع لايقبل . على العموم راح أذكر رؤس اقلام ...

السياره جيب لكزس 2009 . فل كامل -لون عنابي .. السياره منتهيآ اكلنكيآ . لاتعديت 120 ارتفعت الحراره

مشاكل السياره :-
داخلية متشققه . مكسر بعض الديكورات بالاضافه الارباق السائق والمعاون مفكوكة .
الهيدروليك متفقعه ماتتشغل . اسطب خلفي مكسور مع الصدام . شمعة امامية مكسوره مع شبك وكشاف
الفتحة ماتفتح خربانة . المكينة على وشك توديع عن الحياه . كمبروسر خربان . الوحيد الباقي صاحي بالسياره هو القير

طبعآ : البدي فيه رفرف يمين وباب يمين فقط ورشته . فاشله

رحلة البحث عن ورشة محترمة لصيانته في الرياض .. وتكلفت بعض قطع الغيار .. تجاوزت عتبة 48الف ريال سعودي من غير اجور يد العمل
ومن غير تنجيد الداخلية ... طبعآ المادية ضعيفه والسياره عيت تجيب قيمة ...

بعد التشاور من الاصدقاء وبعض اعضاء المنتدى المحترم .. تواصلت ان اسوي السياره بالامارات تحديدآ الشارقه

التوجهه يوم الاثنين الماضي . شحن السياره بي 3000
طبعآ . وديت السياره الى ورش متعدده على اساس استلم السياره نظيفه والاسعار كانت قريبة من السعودية . ولكن

اشار لي احد الاخوان من الامارات جزاه الله كل خير . ان هذولي نصابين جدآ وان الافضل اتفق على شغل يد واجيب القطع واشار الي بورشة مختصه
يعمل فيه ايراني . وهي مشهوره بالامارات ...

ذهبت اليه . وقال ارجع السياره لك وكالة والقطع علي مع ضمان 6 شهور بي 30الف ريال درهم. او شغل يدي فك تركيب بيكلفك 8000 درهم وانت جب القطع

بعد المفاوضات وخذ وخل والضحك وحلاوة الروح اتفقنا على 27الف ريال سعودي

الشغل كان .. تبديل جميع الهيدورليك . تجديد عضلات السياره . كمبروسر جديد . خرط الجنوط +كفرات.
تجديد الداخلية مع ارباقاته وتنجيد وكالة ضمان 5 سنوات . بالاضافه الى تبديل باب ورفرف مطابق للون وكالة
مكينة . اسطب خلفي وشمعه امامي والصدامات .. باختصار ترجيع السياره الى حالة الوكالة ...ضمان القطع 6 شهور
جميع القطع من التشليح . باستنثاء الفحمات وبعض الامور البسيطة..

حالة القطع ممتازه 90% .. المكينة ممتازه نسبته 89

السياره من خرابة الى ماشاءلله تبارك الرحمن . رجعت مثل الوكالة .

المختصر المفيد . الي سيارته متهالكة وحاب يرجعه وكالة عليه بالامارات ... الاجمالي الي تكلفت فيه الى الحين
.
رحلة شخصين بي 800ريال ذهاب فقط . اجار الشقة لمده 5 ايام بي 750 ريال . اعاشة بي 1000ريال .سطحة 3000 . تجهيز السياره 27000
الاجمالي 32500
بالسعودية المكينة لحاله اقل مالقيت بي 10000 : اضافة الى الهدروليك تشليح بي 7000الواحد وعليك الحساب
نصيحة للاخوان . لاتجيهم بالزي السعودي . البس بدلة رياضيه من شافونا سعوديين الاسعار ضربت بالسماء.ولاتاخذ كلام ورشة تمشى بالورش . اغلبه ايرانيين وسواريه واتراك .دور الي يعطيك فاتورة مختمة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وضعك المادي مو قد كذا 
وتصلح ب ٣٢ الف !!! 
الله يرزق الجميع ويحمي الجميع 


up 10 down 1
king 191919 12
قبل شهر



اخوي الكنق .. لو سويته بالسعودية . تكاليف التصليح بتججاوز 60الف ريال سعودي . هذ اولآ
ثانيآ السياره ماجابت لي نص قيمة تصليحه نزلته السوق وعرضته بحراج يسومونه بي 20

اما الحين يشهد الله اني من شوي بمعارض النسيم وصل قيمته 70الف


طيب اذا السياره تمام وتمشي وتحس انها ممتازه 
بيعها ترا ٧٠ حلوة تجيب لك سيارات كرت وكالة 
لان السياره اذا طلبت الله يعينك 


up 3 down 1
king 191919 12
قبل شهر



شكلك قالب موترك ددسن وتطامر بالبران لا صيانة ولا شي هذا لكزس الله يهديك كل اللي دفعته بتدفعه مرة ثانية دبل لو سواقتك ضلت زي ماهي 

٣٢٠٠٠ صيانة موترك باحسن احواله يجيب ٧٠ لانه ايرباقته مفقعة كلها واكيد اندق بالشاص بين قال بس 

يعني نصف قيمته صيانة صفقة غير رابحة ياخوي هذا راي شخصي لو بايعه على حاله كان ازين لك 


up 4 down 3
benz lover 105
قبل شهر



اخوي بنز . للامانة السياره لصديق وليس لي . وهو تقدر تقول ان مهمل . الشاص سليم . سبب ظهور الارباق صدمة على الطرف
الايمن .الصدام الرفرف الباب وطلع الارباق . ولكن تم تركيب ارباقات +قشرة انا تمنيت والله الصور تنزل


اها دامك رايح معه زين استانست وغيرت جو اهم سي انت لا واجهت نفس الشي لا تسويه وتخسر نفسك اما خويك قروشه وهو حر بها :)


up 2 down 1
benz lover 105
قبل شهر



مشروع فاشل من البداية واعذرني ماهو أي واحد يقدر يدفع ٣٢ الف وبعدين خويك واضح ان حالته كويسه والا ماصلح السيارة ب ٢٧ الف يعني لو باعه واشترى واحد ثاني أفضله من الفرفره في الورش والخساير 

على العموم دامه جاب ٧٠ الف مبلغ طيب أنا لو مكانه بعته


up 3 down 7
mohammed shareef 772
قبل شهر



باقي بس يغيير لون السياره لابيض ب6 الاف وبينقز سعر السياره من 70 الف الى 100 الف


up 4 down 1
Pro rare 420
قبل شهر



والله رخيص 5 ايام ب750 ادا عنك اسم مكان السكن عطني وياه ياغالي


up 2 down 0
adood ali2013 324
قبل شهر



شقق تلقاها في بوكنق : اختر الشارقه تجيك


مافهمت هل غير المكينة او وضبها ياليت توضح
يعني السعر المذكور شاملة تغيير المكينه
والسعر فرق واضح عن هنا اذا عنده عشق لسيارته انه يصلحها
وهي مهربدة وتعب عشان مايخسر مااعتقد انه راح يبيعها
الا اذا جابتله القروشة مرة ثانيه


يعجبني الترميم والتجديد لو انا مكان خويك ماافكر ابيع الجيب لين احلله لأن راح اعرف كل قطعة فيه اصلا بالصيانة الي سواها الجيب يعتبر جديد


البوابة الرقمية قسم السيارات تقدر تنزل الموضوع بصور


up 2 down 0
abo3edh 212
قبل شهر



اخوي ابوعبدالله المكينة تم تغيرها . وتركيب مكينة مستورده


اخوي ممكن رقم هاتفك ودي اشوف صور السيارة


up 0 down 0
ثامر الروقيq
قبل 4 أسبوع