مشكلة بالتشغيل عن بعد لكزس 570

حياك
عندك حاجتين اللي هي بطارية السيارة بداية ضعف
او بطارية الريموت نفسه
هذا اللي مريت بتجربه وقلت لك عنها
يمكن شي ثاني الله اعلم

يعطيك العافيه اخوي 

بطارية السياره وبطارية الريموت قبل يومين مبدلهم جديده 

ونفس الطريقه مرات يشتغل وموات مايشتغل

الريموت نفسه فيه مشكلة

جرب الريموت الثاني اذا عندك او مالك الا تغيره بجديد

أغبى نظام تشغيل عن بعد شفته بحياتي. عندي جيب لكزس ٢٠١٢ إستخدمته كم مره أول ما شريته جديد ثم نسيت أمره.

نظام التاهو و الدوج أفضل بكثير. حق اللكزس تشغله ثم لا جيت تفتح الباب طفى.

من وجهة نظري مايستاهل تتعب حالك تصلحه.

انا من دريت ان تشغيل البصمة بتويوتا
ما يمديك تقفل الابواب و السيارة شغالة
و الريموت معك اذا طلعت
دريت ما عندهم سالفه اجل وش الفايده
و الا مسوين فيها نظام امان عن السرقة

يعطيكم العافيه

نفس الطريقة بالريموت الثاني مايشتغل 

مادري شسالفته يستعبط ولا شنو اسبوع مرات يشتغل واسبوع مايشتغل جنني والله

قبل فتره كان في موضوع بحراج واحد معه لاند كروزر
عنده نفس مشكلتك طلع السبب انه كان حاط ريموت سياره من سياراته بالجيب حق باب السواق
وكل ماجاء يشغل ماتشتغل وبعض المرات تشتغل اخر شيء طلع من الريموت الي حاطه بالباب
يؤثر على الريموت حق التشغيل او على نظام السكيورتي حق الامان
المهم شاله وشال معه ريموت حق البوابه بعدها رجعت سيارته طبيعيه
بعد ماخسر من كثر مايبرمج ويقص ريموت

تاكد اذا جيت تشغل تبعد كل شيء عن السياره له ترددات مثل الريموت والجوال كحل مؤقت

فيه مفتاح سيارتي الثانيه شلته وجربت مو راضي يشتغل 

ياريت احد يفيدنا 

المشكله لا الحين مايشتغل عن بعد 

للربع 

ياريت احد يفيدني

ياخوان تكفون الي عنده الحل لا يبخل علينا 

مو راضيه تشتغل السياره عن بعد 

ترماز مره وحد ولا يشتغل صح

ترماز مره وحد ولا يشتغل صح