محتار بين سيارتين الBMW745 والكزس460

كلها والله ماشاء الله تبارك الله موواااتر صح >> بس انا اشوف ان اللكزس يستاهل ,, لأن قطع غياره مو غالية مثل البي إم

أصلاً تكفيك علامة اللكزس ( هذا رائي وبدون اي تعصب )

ماشاء الله صراحه بعطيك تلخيص بسيط عن السيارتين

1 اللكزس فخامه وعملية اكثر من ال بي ام وقطع غيارها ارخص ومميزة ويعني بصراحه ماحس فيها تعقيد كثير من ناحية صيانتها

ثانيا الرعب الالماني ال بي ام فخامه ايضا ورزه ومستخدميه غالبا من عشاقه عكس اللكزس رفاهية طبعا ال بي ام اقوى

الخلاصة اذا انت لك معرفة بالالماني خذه ولاتشاور
واذا معرفتك بسيطه فيه خذلك كلزس وايضا ممتازه

والاثنين يغطون على بعض

لو فيهم عيوب جمالهم يستر عيوبهم

تقبل مرور اخوك عشق السيارتين واستخدم سيارة لاتقل عنهم شفر واستمتع بالسفر

لاتحتار
والزين بين مايبي له تفكير
بي إم وبس 

والله اني استغرب من اللي  يقارن شي بشي
لو قايل محتار بين بي ام واودي 
او بين رنج وكاس6
اما تقول لكزز وبي ام 
الفرق شاسع


بي ام وبكل ثقــــــــــــــــــــــــه 

عفواً
خطأ إملائي 
أقصد أكس 6

يكفي ان البي ام الماني

بس ياناس اسمع عن البي ام انها المساعدات تروح فيها كثي ومكاين القزاز وجلد البلوف
وانا من اهل المدينه متوفر عندنا اماكن صيانت الاماني لاكن الكزس ماشوف كثير
ياليت تفيدوني من ذي الناحيه اكثر

لفترة .. جربت الـ LS460 ... أوريك فواتير الصيانة .. تنفجع
..... والـ BMW مالي تجارب معها كثير في الصيانة .. لكن أعتقد إنك إذا تعاملت مع الـ BMW بمبدأ "الوقاية خير من العلاج" .. راح تنبسط"بإذن الله" .... مافكرت بالـ Mercedes S-500 "البانوراما" ؟

السلام عليكم اخوي اللكزس تقارنه بالافالون والانفنيتي فقط واللكزس سيارة حلوة وفخمة لكن تراها في النهاية ياباني يعني راكب تويوتا لكن البي ام يتقارن بالمرسدس والبنتلي في العالم كله ما في زي الالماني قمة الرفاهية وتحس ان الالماني سيارة مصنوعة من حرير وهي سيارة الرؤساء والملوك قبل كذا قيدك شفت موكب رئيس اوملك او امير فيه لكزس اكيد لا يا مرسيدس او بي ام واذا امكانياتك المادية ممتازة خذ بدون تفكير مرسيدس بانوراما s500 موديل 2008وشوف فرق السما عن الارض

الله يجزاكم بالخير يارجال
الs500كم القاها2008 وكيف قطعها واسعارها 
تعبتكم معي بس احس اني طبيت بناس فاهمه

تكفون يارجال اللي يعرف شي بهذا الموضوع لايبخل علي لاني مستعجل ع السياره

هلا اخوي المرسيدس بانوراماs500موديل2008 اذا كانت وارد الجفالي ونظيفة جداوممشاها قليل سعرها مابين ال200 الف الى 250الف وانصحك تاخذ AMGs500 شكلها روعة ومحركها جبار ولما تبيعها زباينها كثر ودور زين بالسوق ممكن تلاقي وحدة سعرها مناسب وبالتوفيق ان شاء الله

مستغرب من يقول ان قطع اللكزس رخيص ؟؟؟؟؟؟؟؟؟  ياهو له فتره ماقد اشترا قطع  او هو يشتري قطع التقليد إلا في الصناعيه 
 قطع اللكزس تخووف وغاليه. واحد من الشباب غير مساعدات للكزس IS ب ١٢ الف سعر ٤ مساعدات فقط بدون التركيب !!!

لا تقارن الكامري فل بالبي ام...

أكيد bmw فخامه وقوه ووجاهه وقطع متوفره بالوكاله وبره لكن مافى مقارنه ابدا 

460 ماعندي خلفية لكني جربت 430 2005 مشوار بسيط سواقتها زي الافالون اللي كانت معي
حاليا معي بي ام 740 ولامجال للمقارنة ابدا ابدا ابدا لامتعة سواقة ولا ثبات ولاعزل اذا لقيت بي ام نظيف استخير وتوكل على الله بدل الكامري المطورة ويفضل يكون 2007 او 2008 وقطعها بتحصل اصلي والماني
مر أي محل واسئل عن الاستهلاكيات مثلا بواجي ب 55 كويل 120 اقمشة ب 200 سير المكيف 95 ريال قربة مويا رديتر 165 ريال تايواني احب انبهك بالنسبة للكزس فيها مشكلتين حسب نتائج البحث جهاز ABS والمقصات اما البي ام مخ القير وجلد البلوف ومع علمي انها مشاكل قد تحصل لكني توكلت على الله وشريتها لأن حلمي من زمان اشتري الماني وبالذات بي ام دبليو

بالتوفيق ولاتنسى الاستخارة