أضف سؤال أو موضوع جديد          

بما يخص ضمان البريمي والساير الخ... للإفادة

up 2 down 1
الاحترافي 540
قبل 3 شهر و 3 أسبوع



السلام عليكم ورحمة الله وبركاته

اخواني اسعد الله اوقاتكم بكل خير ومسرات

معلومة حبيت أنقلها لكم والله على ما أقول شهيد .. شخص قريب لي اشترى جيب لكزس 2017 الجديد .. وعند ذهابنا للمعارض .. بس كيف كلمة ( عند ذهابنا )
المهم يوم رحنا للمعارض جينا بنشتري البريمي والساير و و و .. الاسعار متفاوتة .. واحد يقول 399 الف .. واحد يعطينا 390 الف .. واحد 385 الف .. المهم وقفنا عند واحد سوداني ابن حلال وطيب شرواكم الطيب الله حيهم والله يبقيهم وشلونكم

المهم وقفنا مع السوداني قال لنا يا زول باقوليييك على حاجا موهيما .. وش هي الحاجة يازول ؟؟
الحاجة دي انا داير اكسب بيها اجر .. البيريمي ما حيستقبل عبداللتيف جميل اي سيارة وما تيشملها الزمان .. ليش ما تشملها الضمان يازول
قال لنا خلاص رفض عبداللطيف يستقبل أي ضمان الا عبداللطيف فقط
ورحنا لعبداللطيف وسألنا واحد من الصيانة وقال لنا الكلام صحيح .. نفتح ملف فقط للسيارة لكن اي خراب او مشاكل ما تضمنها عبداللطيف جميل أبدا واي مشاكل بعد ما يطلع من عندنا من لصيانة ما نعطيه ضمان أبدا
والغريب أن ابو جميل سعر اللكزس عنده 370 الف ريال فل الفل!!!!!
هل معقولة ان عبداللطيف انقرص وصار يطيح من الأسعار او انه رضخ للسوق !!

هذا والله على ما اقوله شهيد وحبيت انقلكم هذا الموضوع

فمان الله








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من بعد ما راح توفيق الربيعه من وزارة التجارة ( الله يوفقه ) صار وضع المواطن مثل اليتيم اللي فاقد امه 


up 4 down 0
nasser1430 731
قبل 3 شهر و 3 أسبوع



يعني صار كل تاجر يلطش بيده ويشوت برجله جعلهم للفلس 


up 1 down 0
nasser1430 731
قبل 3 شهر و 3 أسبوع



شوف نظام وزارة التجارة فيما يخص ضمان السيارات الخليجية لازم تكون وثيقة الضمان مختومة من الوكبل الخليجي وبكذا تصبح السيار مضمونه ويشملها ضمان الشركة الأم
حبيت اضيف لكم المعلومة و متأكد من صحتها تماما
والله يوفق الجميع ويعين على جشع التجار


up 0 down 0
النمر الازرق 23
قبل 3 شهر و 3 أسبوع



الحل هو مخاطبة (الشركة الام) عن طريق الايميل
تويوتا او غيره
وزارة التجارة مره مع المستهلك وعشر مرات مع التاجر
طريقة مجربة من ولد عمي خاطب شركة شيڤروليه ، واتصلوا عليه من المركز
الرئيسي بالشرق الاوسط (بالبحرين) بعدها ارسل (الجميح) سطحة على حسابهم
بعد توبيخ من المركز الرئيسي
ارسلوا السطحة من الرياض الى الخرج


up 0 down 0
كحلي 306
قبل 3 شهر و 3 أسبوع



بخصوص كلمك هذا
والغريب أن ابو جميل سعر اللكزس عنده 370 الف ريال فل الفل!!!!!
هل معقولة ان عبداللطيف انقرص وصار يطيح من الأسعار او انه رضخ للسوق !!

هذا معروف فالجيوب عموما البريمي اغلى سعر فالسوق والسعودي ارخصهم
لان البريمي يضيف اكتسوارات بسيطه ثم يدبل سعرها

يعني مثل الشاص 2017 فل كامل بريمي ب150 الف
السعودي فل كامل ب115 الف ، لاحظ الفرق 35 الف !
والنهايه الزياداة شاشه وخربطه ما تسوى لها 5000
لكن كل واحد عقل براسه ويعرف خلاصه


up 3 down 0
ابوناصر 454 653
قبل 3 شهر و 3 أسبوع



إيييييييه راح توفيق الربيعة اللي كان لهم شوكة في بلاعيمهم 4 سنوات ونصف . . . . .


up 0 down 0
خارج الوسط الرياضي -6
قبل 3 شهر و 2 أسبوع



كلام وزاره التجاره كتيب الضمان وفاتوره شراء السياره والبطاقه الجمركيه للسياره الهليجيه وتفتح ملف عند الوكيل عبداللطيف جميل او اى وكيل عندنا لاى سياره تبيها خليجيه وبعدها يشمل الضمان اجباري واي وكيل بعد ماتوفر الكلبات الثلاث له فاتوره شراء السياره وكرت الضمان والبطاقه الجمركيه تبلغ عنه الوزاره وتقدم شكوا غصب عن الوكيل يقبل الضمان انا والله الشاهد تواصلت مع وزاره التجاره وافادونى لان اخوى اشتري لكزس وارد عمان بريمي 


up 0 down 0
msfr12244 86
قبل 3 شهر و 2 أسبوع