أضف سؤال أو موضوع جديد          

مشكلة تكايات البلوف لكزس 460

up 1 down 0
shahen 53
قبل 11 شهر



السلام عليكم

يا اخوان عندي لكزس 460 طلع فيها صوت تك تك تك تك خفيف جدا وديتها لجبرو في الصناعية القديمة قالو انت تغير زيت 10w40 وهذ غلط ورحت للوكالة وقالو ما يصلح الزيت لازم تحط 5w30 وبيخف الصوت مع الاستمرار ابي رايكم اللي مرت عليه المشكلة .. الله يجزاكم خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير الزيت الى 5w30 بترومين او تيتان وراح تخف ان شاء الله اذا مستمرة ودة للصيانه افضل لك صارت معي وغيرت الزيت وراحت


up 2 down 1
بريق الرياض 263
قبل 11 شهر



انا احط ١٠/٤٠ ممتاز جدا ولا هو خفيف ولا ثقيل ٥/٣٠ اخف منه كيف بروح الصوت ؟؟


up 0 down 2
benz lover -61
قبل 11 شهر



عندك ضعف في طرمبة الزيت والزيت الثقيل ماراح يوصل لجزاء الماكينة الصوت اللي معاك صوت التكايات لكن فيه ريقة سهله تقدر تتأكد من طرمبة الزيت أفتح غطاء المكينه لو شفت قطرات الزيت تتطاير من فتحة غطاء المكينة الطرمبة سليمه


up 4 down 0
aliexendr_8 85
قبل 11 شهر



ماصرنا نعرف نصدق من كنت في ورشة عريقة والمشرف عليها رجل فاضل لاازكيه على الله حذرني من زيت ٥/٣٠ يقول هذا حق مناطق باردة ولايصلح ابدا لاجواء المملكة ووراني عينات مكاين عنده مفككوكة يقول السبب الزيت الخفيف واوصاني بزيت سوبرشل الاحمر العادي


up 1 down 7
محب السنه 222
قبل 11 شهر



كم موديلها و كم ممشاها
وهل الصوت يظهر اول ما تشغل السيارة و لا مستمر
وهل تنقص المكينة بعد 4 الاف

جميع درجات لزوجة الزيوت تتحمل الدرجات العالية
الفرق في درجة التجمد و السيارات الحديثة
لا ينفع لها اطلاق الزيوت الثقيله
20/50 - 15/40
اذا زيت الطبخ و هو خفيف جدا و فيه مواد طبيعية
يغلي على درجة 100 مئوية

و عند قريبي لكزس460 2010 يغير لها زيت موتر كرافت
5/30
تبع الفورد و من احسن ما يكون ولله الحمد.



up 1 down 0
alhkami 244
قبل 11 شهر



غير الزيت واستخدم زيت موبيل ون
الذهبي او الفضي وان شاالله يظبط معك


الله يجزاك خير يا بريق الرياض بس ما قلت لي وش السيارة اللي معك
.... اخوي الكسندر انت تقصد افتح الغطاء والسيارة شغالة تقصد وما يضر السيارة اني افتح الغطاء والسيارة شغالة ... اخوي الحكمي السيارة 460 موديل 2010 سعودي ماشية 100 الف تقريبا


up 0 down 0
shahen 53
قبل 11 شهر



اخوي ابراهيم موبيل 1 0w40 قالو ممتاز بس انا غلطتي وديتها الوكالة اللي بفرع البديعة وهم اللي قالو خلك على 10w40 وهذ اعتقد خطأ مني لان السيارة ما يصلح تغير نوع الزيت لها كل شوي الافضل انك تثبت على نوع معين وبعدها رحت للوكلة اللي على الدائري الشمالي ما يتعاملون الا مع الكزس وقابلت مهندس وقال لي الكزس الان ثبتت على نوع معين 5w30 لجميع انواع الكزس ونوع الزيت لكزس يجي علبته اسود وطبعا غيرته بس ناس كثير قالو كان نظفت الشخال قبل تغير الزيت بس نسيت للاسف


up 0 down 0
shahen 53
قبل 11 شهر



اخوي الحكمي السيارة ما تطلع مع بداية التشغيل تطلع اذا احتمت السيارة


up 0 down 0
shahen 53
قبل 11 شهر



يا محب السنه .. اذا موترك 460 لكزس خلك على الزيوت المعتمدة افضل


up 0 down 0
shahen 53
قبل 10 شهر و 4 أسبوع



اغلب اللي تطلع عندهم اصوات تكايات بلوف بالمكينة بسبب انه يتفلسف ويغير زيت غير لزوجة المصنع ويحط انه افهم منهم وحتى لو ماطلع عنده صوت تكايات لو لزوجة اثقل من حقت المصنع راح تكون كمية الزيت المتبخر في ثلاجة المكينة اكبر من لو كان على لزوجة المصنع


up 1 down 1
فيصل طلال... 151
قبل 10 شهر و 4 أسبوع



لما تغير لزوجة الزيت بيطلع صوت تكيات البلوف بسبب الفراغات من الزيت الاول، الزيت اللي كنت تستخدمه ارجع له و اضمن لك الصوت بيروح خلال اسبوعين بعد ما تتعبى الفراغات بالزيت صارت معي و راح لوحده


up 1 down 0
م.عبدالعزيز بن محمد 1
قبل 10 شهر و 3 أسبوع