مشكلة تكايات البلوف لكزس 460

غير الزيت الى 5w30 بترومين او تيتان وراح تخف ان شاء الله اذا مستمرة ودة للصيانه افضل لك صارت معي وغيرت الزيت وراحت

انا احط ١٠/٤٠ ممتاز جدا ولا هو خفيف ولا ثقيل ٥/٣٠ اخف منه كيف بروح الصوت ؟؟

عندك ضعف في طرمبة الزيت والزيت الثقيل ماراح يوصل لجزاء الماكينة الصوت اللي معاك صوت التكايات لكن فيه ريقة سهله تقدر تتأكد من طرمبة الزيت أفتح غطاء المكينه لو شفت قطرات الزيت تتطاير من فتحة غطاء المكينة الطرمبة سليمه

ماصرنا نعرف نصدق من كنت في ورشة عريقة والمشرف عليها رجل فاضل لاازكيه على الله حذرني من زيت ٥/٣٠ يقول هذا حق مناطق باردة ولايصلح ابدا لاجواء المملكة ووراني عينات مكاين عنده مفككوكة يقول السبب الزيت الخفيف واوصاني بزيت سوبرشل الاحمر العادي

كم موديلها و كم ممشاها
وهل الصوت يظهر اول ما تشغل السيارة و لا مستمر
وهل تنقص المكينة بعد 4 الاف

جميع درجات لزوجة الزيوت تتحمل الدرجات العالية
الفرق في درجة التجمد و السيارات الحديثة
لا ينفع لها اطلاق الزيوت الثقيله
20/50 - 15/40
اذا زيت الطبخ و هو خفيف جدا و فيه مواد طبيعية
يغلي على درجة 100 مئوية

و عند قريبي لكزس460 2010 يغير لها زيت موتر كرافت
5/30
تبع الفورد و من احسن ما يكون ولله الحمد.

غير الزيت واستخدم زيت موبيل ون
الذهبي او الفضي وان شاالله يظبط معك

الله يجزاك خير يا بريق الرياض بس ما قلت لي وش السيارة اللي معك
.... اخوي الكسندر انت تقصد افتح الغطاء والسيارة شغالة تقصد وما يضر السيارة اني افتح الغطاء والسيارة شغالة ... اخوي الحكمي السيارة 460 موديل 2010 سعودي ماشية 100 الف تقريبا

اخوي ابراهيم موبيل 1 0w40 قالو ممتاز بس انا غلطتي وديتها الوكالة اللي بفرع البديعة وهم اللي قالو خلك على 10w40 وهذ اعتقد خطأ مني لان السيارة ما يصلح تغير نوع الزيت لها كل شوي الافضل انك تثبت على نوع معين وبعدها رحت للوكلة اللي على الدائري الشمالي ما يتعاملون الا مع الكزس وقابلت مهندس وقال لي الكزس الان ثبتت على نوع معين 5w30 لجميع انواع الكزس ونوع الزيت لكزس يجي علبته اسود وطبعا غيرته بس ناس كثير قالو كان نظفت الشخال قبل تغير الزيت بس نسيت للاسف

اخوي الحكمي السيارة ما تطلع مع بداية التشغيل تطلع اذا احتمت السيارة

يا محب السنه .. اذا موترك 460 لكزس خلك على الزيوت المعتمدة افضل

اغلب اللي تطلع عندهم اصوات تكايات بلوف بالمكينة بسبب انه يتفلسف ويغير زيت غير لزوجة المصنع ويحط انه افهم منهم وحتى لو ماطلع عنده صوت تكايات لو لزوجة اثقل من حقت المصنع راح تكون كمية الزيت المتبخر في ثلاجة المكينة اكبر من لو كان على لزوجة المصنع

لما تغير لزوجة الزيت بيطلع صوت تكيات البلوف بسبب الفراغات من الزيت الاول، الزيت اللي كنت تستخدمه ارجع له و اضمن لك الصوت بيروح خلال اسبوعين بعد ما تتعبى الفراغات بالزيت صارت معي و راح لوحده

للرفع ....................................................................................................