أضف سؤال أو موضوع جديد          

تغيير زيت قير لكزس هنا تجربتي وبعض النصايح قبل ان تغامر ..

up 25 down 7
smt-aljro7 136
قبل سنه و 3 شهر



السلام عليكم ورحمة الله وبركاته

موضوع تغيير زيت القير موضوع قديم واختلف فيه الكثيرين
والحقيقه موضوع القير جداً حساس وللاسف ان اغلب محلات الصيانة لا تفقه في صيانة القير سوا لغة (الفلوس)
يعني اغير لك زيت القير واخذ منك الفلوس وفي ستين داهيه انت وقيرك

الهدف من موضوعي هذا هو توضيح بعض الطُرق الصحيحه لتغيير زيت القير وبشكل بسيط ومختصر عشان ما اطول عليكم بالموضوع

اعزائي اعضاء منتدى حراج نصيحه اخويه

قبل ان تذهب الى اي مركز لغرض تغيير زيت القير عليك اولاً بفتح كتلوج سيارتك ومعرفة رقم ونوع الزيت المناسب لسيارتك والمنصوح به من قبل صانع السياره

للاسف اغلب الشباب واعرف واحد سيارته سوناتا 2016 بعد ممشى 50 الف كيلو ذهب الى بترومين وقام بتغيير زيت القير لديهم وبعدها بـ 4 ايام فقط خبط القير
ليش طيب ايش السبب ؟
انا اقولكم السبب
بترومين لديهم زيت قير نوع امريكي يستخدمونه لجميع انواع السيارات لا يهمهم خسارتك ولا خراب سيارتك
المهم لديهم انك تدفع قيمة الفاتوره (وفي ستين داهيه انت وسيارتك)

لذلك يا عزيزي قبل ان تذهب الى اي مركز صيانة لتغيير زيت سيارتك لا تتوقع ان العمال في مركز الصيانه لديهم شهادات عليا في صيانة السيارات هم مجرد لصوص ومرتزقه اتوا من بلادهم يتعلمون على سياراتنا
وقبل ان تذهب الى اي مركز صيانة (غير الوكالة) يجب ان تعرف ماهو نوع زيت القير المناسب لسيارتك والنوع مكتوب في كتالوج السياره
يجب عليك ان تعرف عدد اللترات ونوع الزيت كما اسلفت

تغيير زيت القير هو كالتالي :
اذا سيارتك جديده انصحك بتغيير زيت القير في مواعيده لدى الوكاله فقط , صحيح ان اسعار الوكاله مرتفعه ولكن هم الامهر بموضوع القير
اذا كانت سيارتك قد قطعت مسافة كبيرة جداً بدون تغيير زيت القير فأنا انصحك بعدم تغيير زيت القير بالكامل ويفضل ان تسحب لتر واحد فقط وتضيف لتر جديد وهكذا دواليك الى ان تتأكد انه تم تصفية الزيت القديم بالكامل وليكن بين كل لتر ولتر 3000 كيلو الى 5000 كيلو
يفضل ان تقوم بتغيير زيت القير بنفسك بالبيت اذا كان لديك بعض الخبره البسيطه ويجب ان يكون القير بارد تماماً وقت تغيير زيت القير لان سكب الزيت الجديد داخل القير والقير حار قد يتسبب بمشاكل كبيرة جداً للاجزاء الداخليه للقير

تجربتي في تغيير زيت القير

كانت سيارتي ماشية 120 الف كيلو ولم يتم تغيير زيت القير من قبل ابداً
اخذت كتالوج السياره وقراءت نوع الزيت الموصى به من المصنع وذهبت الى الوكيل وقمت بشراء زيت وفلتر و قازكيت (وجه للكارتير)
عدت للبيت ورفعت السياره وتركتها لليوم التالي من اجل ان تبرد
كنت عارف انه مغامرة خطيرة وقد تكلفني القير بالكامل بس قلت انا بشتغل بالطريقة الصحيحه وانا وحظي وتوكلت على الله وفتحت صرة تصريف الزيت وحفظت الزيت القديم بجالون نظيف (دبة بلاستيك شفافة)
قمت بفك كارتير القير وفك الفلتر وتنظيف الكارتير والمغناطيس وقمت ايضاً بفك مخ القير او ما يسمى بـ (الفالف بدي) وقمت ايضاً بتنظيفه وتنظيف جميع الحساسات التي بداخله
بعدها قمت بإعادة مخ القير الى مكانه وقمت بتركيب الفلتر الجديد وتركيب الكارتير بعد تنظيفه
الان قمت بحساب كمية الزيت اللي نزلتها من القير وكانت الكميه (4 لتر ونص) قمت بتعبية (5 لتر) زيت جديد السبب من زيادة نص لتر لاني نزلت فلتر القير القديم وبداخله (نصف لتر)

تم تعبئة الزيت الجديد بنفس الكمية المسحوبة من داخل القير
بعد تغيير زيت القير قمت بتمرين للقير لمسافة 3 الف كيلو يعني ما اتعدى سرعة 120 وذلك من اجل ان لا تتضرر الكلتشات الداخليه على السرعات العاليه مع الزيت الجديد وتحدث فضاوه بين الكلتشات

ولله الحمد غيارات القير اصبحت افضل من قبل بكثير لم تحصل معي اي مشكلة ولله الحمد كنت اتوقع حدوث مشكة ولكن توكلت على الله واشتغلت السياره بنفسي وبالطريقه الصحيحه
مع اني قبل ان اغير الزيت ذهبت الى الوكاله واخبروني ان احتمال كبير يخبط القير ومو مسؤلين لو خرب القير عشان كذا قلت انا اغيره بنفسي واذا بيخرب اكون انا خربته ولله الحمد الان ماشي على الزيت من بعد التغيير 30 الف كيلو ولم تحدث اي مشكلة بفضل الله وقريباً بإذن الله راح اغير الزيت من جديد

نصيحتي للجميع وبالذات القير وزيت القير غيره في الوكاله فقط على مواعيده اذا مكتوب بالكتالوج تغيير على 80 الف غيره على 50 الف لانه زيت هيدروليك ويتأثر بالحراره واجوانا حاره جداً
زيت القير لا تغيره عند البنشري او بترومين
اذا اضطريت تغيره عند بنشري اشتر زيت وفلتر من الوكاله ويكن الشغل تحت اشرافك واحسب الكمية الطالعه من القير وحط نفس الكمية بالضبط

اعتذر ان الموضوع مختصر وناقص صور بس حبيت اشاركم التجربة وبعض النصايح على عُجاله
وبإذن الله القادم اجمل
والسلام عليكم ورحمة الله وبركاته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا لك على ذكر التجربة وعملها بنفسك ....ماينقصنا شي عن اصحاب البناشر وغيرهم 


up 1 down 0
ابو حسين.......... 818
قبل سنه و 3 شهر



طيب وش رايك في الوكالة اذا رحت تغير زيت القير عندهم يوقعونك على ورقة اخلاء مسؤولية الشركة من اي خلل قد يحدث للقير بعد التغيير ؟؟؟





up 2 down 0
coco13 828
قبل سنه و 3 شهر



على ايش تنصحنا بالوكالة ؟
من جد كلام الأخ COCO13 الوكالة اذا جاء موعد تغيير زيت القير ولا قبل موعده حتى لو السيارة ماشية عشرين ألف فوق غلا السعر عندهم  
وقبل يغير الزيت يوقعك على ورقة اخلاء مسؤولية 
ويقول لك تبي ولا مع السلامة خذ سيارتك 






up 2 down 1
hussain4 808
قبل سنه و 3 شهر



صحيح كلامك

اختيار نوع الزيت و تبديله كل فترة و فترة كحد اقصى 80 الف مع الفلتر

و الشغلة سهله جدا نتمنى الكل يضبط سيارته بنفسه في شغلات بسيطه مثل هدي على الاقل

الله يجزاك خير


up 1 down 0
bindakheel 938
قبل سنه و 3 شهر



ابو حسين
اشكرك على مرورك وفعلاً ما ينقصنا شي عن الورش والبناشر

الاخ coco13
اذا كانت سيارتك جديده يعني انت شريتها اصفار وحالياً مثلاً صارت ماشي 40 الف ورحت تبي تغير زيت القير في الوكاله
السياره بهالحاله مازالت تحت الضمان ولا راح يوقعوك تعهد اخلاء مسؤليتهم ولو فعلوها تقدر تشتكيهم في وزارة التجارة لان اللي يقول وقع تعهد ها اجتهاد وغش ونصب منه

الاخ hussain4
عن تجربة السيارة اذا باقي تحت الضمان ما يطالبونك بتوقيع اخلاء مسؤليتهم واذا سووها تقدر تشتكيهم في وزارة التجارة لان هالشي اجتهاد من الموظف اللي قالك هالكلام
اللي اعرفه يوقعونك التعهد اذا القير مثلاً المفروض تغير له على 80 الف وجيتهم والسياره ماشيه 130 مثلاً هنا يطلبون منك توقع تعهد



up 1 down 0
smt-aljro7 136
قبل سنه و 3 شهر



يعطيك العافيه على تجربتك وبخصوص بيترومين حراميه وغير كدا يخلو مسؤوليتهم انتبهت مرة في فاتورة لتغيير زيت مكينه انهم كاتبين ملاحظة انه يوجد تهريب زيت عند الوصول ! وسيارتي مافيها الا العافيه ولله الحمد طبعا عبارتهم دي تخلي مسؤوليتهم بقوة لو صار شي بسببهم


up 2 down 0
hmhs1987 146
قبل سنه و 3 شهر



يعطيك العافيه اخوي ..
انا اغيره على 60 الف طبعاً سيارتي كآمري استخدام واشتري لها زيت تويوتا اللي علبته فضيه مع الوجه والفلتر
والحمدالله الامور طيبه ..
اول مره غيرته عند بنشري .. وللاسف شـد على الوجه
ورحت للبيت ووقفت السياره وبعد كم ساعه نزلت والا الزيت نصه تحت الموتر
وفعلاً مثل كلام الشباب مآيتحمل مسؤوليته مع انه هو الغلطان لكن شنقول ؟
بعدها توبت وصرت اغيره عند ميكانيكي .. بعد مايغيره ويخلص شغله
يقول لي امشي وارجع لي بعد ساعه .. وارجع له ويشيك عليها .




up 1 down 0
حـآإمد 22
قبل سنه و 3 شهر



بعد ماتغير الزيت. حرك القير على كل التروس. واحد واحد 
عشان يمر الزيت اكثر  بينهم

كل ترس ثانتين الى ثلالث

وبعدين اكثر السيارات فيها عيار للزيت. يبين الكمية اذا ناقصه او زايدة


up 1 down 0
sell 212
قبل سنه و 3 شهر



فعلا بترومين ابو كلب دخلت عندهم فوردي ماركيز ومنتظم بتغيير الزيوت ومشا وقتها 100 الف وشوي الا يوم غيروا الزيت مع افلتر والوجه الموتر صار ثقيل قيره يعني وقت التعشيق صح مافيه شيء لكنه اثقل وصار عزمه اضعف قعدت يومين على هالحاله وارجع لهم ويشيكون واتهاوش معهم اخر شيء جبت زيوت موتر كرافت حقت الشركة ويغيرونها لي ع حسابهم والخمدلله رجع احسن من اول


up 0 down 0
فيصل طلال... 149
قبل سنه و 3 شهر



طبعا بعته نظيف الله يبارك لراعيه في شعبان واخذت كابرس 13 ماشي 98 الف واول شيء سويته رحت الجميح وغيرت زيت القير مع الفلتر والوجه والحمدلله


up 0 down 0
فيصل طلال... 149
قبل سنه و 3 شهر



موضوع جميل و الله يجزاك خير على المعلومات القيمة ..

بالنسبة لنوع الزيت مشكلة بترومين او غيره من البناشر يحطون لك زيت خطا مثلا القيرمخصص له موتركرافت LV و يحط زيت ميتسوبيشي

او يحط لك زيت متعدد السيارات multi vehicle ATF و حتى الوكيل يغلط سواء متعمد او غير متعمد




up 0 down 0
khalidoo 1166
قبل سنه و 3 شهر



hmhs1987
حياك الله اخوي , تدري ليش يخلون مسؤليتهم ؟
لان مافي احد فاهم بشغلته ولا في احد يعرف يشتغل في القير مزبوط عشان كذا بيخلي مسؤليته وياخذ فلوسك

الاخ حامد
منور الموضوع ويعجبني صراحه اللي ينتبه للقير اول بأول ويغير زيوته على مواعيدها بكذا بإذن الله تضمن ان السياره تعيش معك سنين طويله

الاخ Sell
صحيح كلامك يجب تمرير القير على كل النمر بعد تغيير الزيت بس نسيت اذكرها واشكرك على التنبيه
لكن للاسف سيارتي مافيها عيار لقياس مستوى الزيت وهذا اشوفه عيب بكل سيارات لكزس

فيصل طلال
حياك الله اخوي
واللي صار لك هذا دليل ان ماعندهم سالفه كانوا بيروحوا عليك قير كامل بسبب غبائهم لانهم يستخدمون زيت غير زيت السياره
الحمدلله انها عدت على خير

khalidoo
حياك الله اخوي خالد
صحيح كلامك بترومين وغيره وحتى بعض الوكالات يحطون زيت غير الموصى به



up 0 down 0
smt-aljro7 136
قبل سنه و 3 شهر