أضف سؤال أو موضوع جديد          

الاستغلال في قطع السيارات المستعمله وخاصة لكزس

up 5 down 1
الحيران421 72
قبل سنه و شهر



السلام عليكم ورحمه الله وبركاته
للاسف هناك استغلال في بيع قطع غيار السيارات المستعمله وخاصة السيارات الفارهة مثل لكزس وغيرها
وحديثي اليوم عن قطع لكزس حيث تباع علي من يجهلون اسعارها بعشرة اضعاف وخاصة محلات بيع القيرات والمكائن وغيرها مستغلين غلاء سعر قطعها بالوكالة وغالب قطع الغيار المستعملة مستوردة من الامارات او تشليح او مجددة طبعن الافضل المستورد لكن للاسف الورش والمحلات التي تبيعها تبيعها باسعار مضاعفة حيث سعر القير في الشارقة من ٣٠٠ الا ٤٠٠ درهم وهنا يباع بسعر بين ٢٥٠٠ الا ٣٥٠٠ ريال لفئة ال اس من ٢٠٠١ الا ٢٠٠٣ وهذا سعر مبالغ فية لكن الي يبحث هناك اناس تخاف الله ويبعونة بسعر معقول من ٧٠٠ الا ١٢٠٠ وكذالك المكينة تباع هنا بين ٣٠٠٠ الا ٥٠٠٠ ريال وسعرها هناك بين ١٠٠٠ الا ١٥٠٠ ريال وقس علي ذالك بقية القطع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال عندنا في السعودية كل شي غالي قطع الغيار اغلى من غيرنا والعقار اغلى من غيرنا والسيارات المستعمله واتوقع الجديده اغلى من غيرنا حتى المشاريع الحكوميه عقودها اغلى من غيرنا
يارجال خلها ع الله هههههههههه


up 8 down 2
yasser alyasser 500
قبل سنه و شهر



للاسف حنا الي نساعد علي الغلاء انا توي مغير قير سيارتي شارية ب٧٠٠ ريال مع ضمان شهر مستورد وفية محلات اغلبها مسيطرة عليها فئة من الاجانب يبعونها ب٣٥٠٠ فرق كبير


up 3 down 0
الحيران421 72
قبل سنه و شهر



والله سألت واحد يبيع قطع كدلك بسعر نصف الوكاله تقريبا واصلي وثقه الرجل.   من يوم تجيبها قال من دبي دار الظبي



up 2 down 0
عبدالله الشفيعي 1428
قبل سنه و شهر



صدقت ياخوي في اشياء كثيره مستعمله  اسعارها غاليه 
اغلى من سعر الجديده قطع غيار سيارات او اي شي غيرها

اما قطع غيار السيارات خصوصاً بالتشاليح سعرها اغلى 
من الوكاله جديده 

قبل فتره خرب عندي دينمو حق موية المساحات 
قلت بغيره رحت قطع الغيار. قالي سعره 26ريال 
بس لازم طلبيه بيجلس يومين ويجي 
قلت له انا محتاج له اليوم.  ورحت المحلات الثانيه ماحصلته 

اليوم الثاني ماعندي دوام قلت اروح التشاليح اتمشى فيها 
شوي دام اني فاضي واخذ لي دينمو من هناك. 
رحت التشالح مريت اول محل قالي موجود فكه من السياره 
وجربته شغال قلت له كم قالي50ريال قلت له والله انه بالوكاله
ب26ريال حاولت فيه ورفض مريت يمكن 6 او 7 محلات 
وكلهم غالين اقل واحد قالي 35ريال تركتهم ورجعت البيت 
وطلبته وكاله ويومين وجا وركبته وانتهينا 

الخلاصه ان التشاليح والمحلات الي تستورد قطع من برا 
يبيعونها بااسعار عاليه مكسبهم دبل 

مثل المكائن والقيور يستورد كميه كبيره من دبي اوغيره 
ويجيبها السعوديه ويبيعها بمكسب فوق ال 20الف 
على حسب الكميه الي معه. ولو نشتريها احنا من دبي 
او الكويت مثل مكينه او قير. مع التركيب ماتكلف 1700ريال 
على حسب نوع السياره. 
وهنا نشتريها ب3500 او4000 


up 1 down 0



عشان كذا اذا بتشتري شئ رح الوكاله وسعر لاتقول الوكاله غاليه ماني رايح ومتعب نفسي
كلها مجرد تسعيره ماتخسر شئ وشف السعر لان بعض المرات تصدف وتكون القطعه رخيصه
برخص ماتتوقعه وبنفس الوقت يكون عندك خلفيه عن سعر القطعه بالوكاله اذا رحت محلات
قطع الغيار

واذكر سالفه صارت لي قريب

رحت الوكاله اسعر الفحمات وكانت بحدود ال250ريال


المهم مريت اول محل قطع غيار ويعطيني سعر فلكي
قالي 350ريال اسلي ايساء (العيسى) ههههههه

المهم علمته ان الوكاله ارخص منك بالاخير نقص 10ريال

سحبت عليه ورحت المحلات الي جنبه كلهم متفقين
على ان الفحمات اصليه وكاله 150ريال
فرق عن اول محل رحتله
طبعا ماشريتها شريت فحمات اقل من الوكاله تمشيت حال

المهم عشان كذا سعر بالوكاله عشان تصير عندك خلفيه بالاسعار
اذا بتمر محلات القطع ولا تسعر عند محل واحد سعر عند اكثر من واحد


up 1 down 2
d7ooom777 427
قبل سنه و شهر



خرب عندي حساس TBS اللي يركب على بوابة الهوا
مالقيته جديد بالوكالات لقيت بالتشاليح ب 200 و ١٨٠ 
رحت سعرته بالجميح ب ١٨٩ بعد الخصم 
واخذته منهم شف الفرق 


up 2 down 1
w.asa 2065
قبل سنه و شهر