أضف سؤال أو موضوع جديد          

شراء سيارة مستعمله مجدده

up 25 down 31
ابو تركي1401 -195
قبل سنه و 4 شهر



السلام عليكم
مساء الخير على الجميع
صار لي كم يوم أبحث بموقع حراج بالاعلانات لو لقيت شيء مناسب للشراء و للتسلية
ولكن سيارات سعرها بالسوق حوالي 30 الف النظيفه
يجي صاحبها ينزل فواتير للصيانه بقيمة مثلا 10 ألاف ريال
و يرفع قيمة السيارة 10 الاف يعني يطلب فيها 40 الف بحكم انه مسوي لها صيانه بالقيمة هذي
و يقول دق سلف و سافر وين ما تبي
طيب ليش تسوي صيانه و تتعب نفسك بيعها بوضعها بسعر السوق
و لكن عندي ملاحظه

من المستحيل انه يغير قطع غيار او يجدد القطع أصلي و يبيع السيارة ثاني يوم
كلهم يغيرون بقطع تجاري بربع قيمة الاصلي و سهل يجيب فاتورة بأن القطع اصلي و بفارق السعر كبير
ليرفع من قيمة السيارة
وانت تجي تجرب السيارة تحصلها متماسكه بحكم القطع لازالت جديده و هي تجاري

يعني يجي شريطي او واحد عنده سيارة يبي يبيعها
و قيمتها بالسوق 30 الف وهو يبي يتكسب اكثر مثل ما ذكرت لكم قطع غيار تجاري
و يرفع سعرها و يطلع قيمتها و زياده

انا وجهة نظري سيارة تبيعها فيها أعطال تخصم قيمة الاصلاحات من السيارة
يعني ارجع اكرر سيارة قيمتها بالسوق 30 الف و فيها أعطال مثلا تكلف 3 الاف
تخصمها و تبيعها بسعر 27 الف هذا العدل

ولكن تحط قطع سواء تجاري او حتى صادق قطع اصلي و تطالبني فيها بأي حق

غيرت القطع يعني صارت مثلها مثل باقي السيارت عاديه بدون اعطال مافيها ميزة ترفع سعرها
و بعض الفواتير بسعر خيالي و لقيت كم اعلان خاصه للسيارات الفخمه
مثلا جيب BMW او اي سيارة اوروبيه
قيمتها حوالي 60 الف يركب لها جنوط و يقول من الماركه المعينه بقيمة 20 الف
و يجي يطالبك بقيمة الجنوط مع السيارة
يا أخي فك جنوطك و من زين شكلها حقت الوكالة افضل و رجع جنوط الوكالة و بيعها بسعر السوق
ما تجبرني اشتري سيارة بالاضافات اللي عليها

ولكن الافضل من الاعلانات هذي تتجاهلها و تريح نفسك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسعدك يابوتركي وجميع الأعضاء
موضوع جيد للفائده


up 4 down 5
ماجد المطلق 10767
قبل سنه و 4 شهر



حياك الله اخ ماجد شرفني مرورك على موضوعي و تابعت مواضيعك ما شاء الله مواضيع يستفاد منها سنوات


up 4 down 6
ابو تركي1401 -195
قبل سنه و 4 شهر



وعندك الي يركب حامي وجهيه ويلبس المراتب
يزعجك بالردود كل شوي ينط ويقولك
مكلفتني 3الاف ريال طيب شسويلك فك الحامي وبع السياره بدونه
لاتجلس تذلني عليه انا شاريها مستعمله ماهي وكاله عشان اهتم


up 2 down 3
d7ooom777 426
قبل سنه و 4 شهر



ههههههههههه عجبني اخر الاسطور وهذي حقيقه



up 1 down 1
يزيد الشمالي1 57
قبل سنه و 4 شهر



ههههههههههه عجبني اخر الاسطور وهذي حقيقه



up 3 down 1
يزيد الشمالي1 57
قبل سنه و 4 شهر



إبراهيم التركي ؟!

وعليكم السلام ورحمة الله وبركاته

ياخي مدري ليه عندي إحساس ومدري ليه برضه متأكد منه إنك إبراهيم التركي .!

ع العموم شكراً على موضوعك ^_^


up 11 down 6
ابو خالد 950 140
قبل سنه و 4 شهر



شكرا على الديسلايك
شرفني مرورك
كابوس ابراهيم التركي يلاحقكم بكل مكان
مدري وش كان مسوي فيكم
نصف الاعضاء يذكرون اسمه بعد كل رد لي بعد ما شاركت بالمنتدى
لهذي الدرجة اصبح كابوس حياتكم


up 6 down 4
ابو تركي1401 -195
قبل سنه و 4 شهر



لا ليه يصبح كابوس الله يسعدك ؟ بدري عليه ؟

بس أسلوبك ف الكلام واضح زيهه وتردد كلمات دايم يكتبها مثل طالما ..

وصدقني مابي أحلف إنك إبراهيم التركي بس إنت هو وشكراً


up 9 down 6
ابو خالد 950 140
قبل سنه و 4 شهر



قبل كم يوم قالي احد الشباب ان رفيقه نفظ موتره صيانه عظلات كامله اصلي
وسافر عليه لديرته فتره الا الاصوات والطقطقه والحذفيه والفضاوه والبلاوي
واقرب مركز ورشه ورفعوها قاله المهندس البطن كله تجاري في تجاري
ويرجع ينفضها ب4000
لاكنه مارجع له ياخذ حقه وهذا غلط


up 1 down 3
امير الاصيل 1679
قبل سنه و 4 شهر



اللي يبيع لك سياره ويقول عندي فواتير وفعلت وصلحت اهرب منه 



up 3 down 2
ابوليان1431 360
قبل سنه و 4 شهر



ماشاء الله الأسلوب واضح إبراهيم التركي ياولد قال لهم وريح راسك الكذب حبله قصير 


up 7 down 11
نواف الحربي4 334
قبل سنه و 4 شهر



خلاص يانواف الرجال يشارك ويبي يفيد الناس بخبرته طلع ابراهيم التركي
ولا ابو تركي ولا ابو عبدالله اهم شي الفايدة لاتنشبلة في كل موضوع ورد
وفق الله الجميع


up 7 down 3
الرفاعي33 13818
قبل سنه و 4 شهر



لابس علشان المره الجايه مايغلط على الناس بعضويته السابقه خل الناس تعرفه وجزالك الله خير


up 6 down 6
نواف الحربي4 334
قبل سنه و 4 شهر



صحيح اخر موضوع له بعضويته السابقه
سب كل الاعضاء سواء اللي اختلفوا معه واللي ما اختلفوا

المفروض اذا الاداره ما تحذف اي عضوية يسويها
الاعضاء المفروض يجتمعون ويعطونه ديسلايك
علشان ما عاد يغلط على احد


up 6 down 1
grand cherokee 2012 62
قبل سنه و 4 شهر



صدقت هذا الكلام 


up 4 down 0
نواف الحربي4 334
قبل سنه و 4 شهر