أضف سؤال أو موضوع جديد          

رايكم بلكزس isf 2011

up 4 down 0
jemmi07 340
قبل 3 سنه و 10 شهر



السلام عليكم 

يا اخوان لي فترة ادور سيارة واليوم طاحت عيني على لكزس is-f سبورت v8 

المميز في السيارة انها تثمانية سلندر 

فكيف قطعها وهل تتحمل او لا 

السيارة مودبل  2011 لونها لولي ماشية 120 الف والبودي فيه حكات خفيفة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
اذا ال6 سلندر قطعها موت فكيف ال8 سلندر
وثانيا ظيقه انا من رايي لو تشوفلك ES350
موديل 11او 12 صيانتها سهلة وغير معقدة
وقطعها مقارنة بال is ارخص


up 2 down 2
الرفاعي33 13914
قبل 3 سنه و 10 شهر



شكرا الله يسلمك 

بس يا خي رجلي حارة وراعي خطوط وابي 8 سلندر وكان معي كابرس قروشني وبصراحة ما كنت مهتم فيه 

انزل تقريبا كل شهر من الرياض للجنوب 


up 1 down 1
jemmi07 340
قبل 3 سنه و 10 شهر



من تجربة ES موتر خطوط ومكينته قوية وتتحمل
لو حصلت نظيف اشتر ولا تشاور او شوفلك افالون 2012
برضه مكينته وقيرة نفس الكزس بس بدية اثقل


up 4 down 0
الرفاعي33 13914
قبل 3 سنه و 10 شهر



الله يجزاك خير وما قصرت 

طيب كيف اسعار قطع الغيار غالية ولا رخيصة تركيبها صعب ولا اقدر اضبطه بنفسي


up 0 down 0
jemmi07 340
قبل 3 سنه و 10 شهر



تقصد ES
البواجي عدد 6 حبات 300 ريال طبعا روديوم تمشيك 100 الف
سير المكينه 230 ريال وكالة
صفاية تانكي 150 ريال وكالة
فلتر زيت مكينه 40 ريال يمشيك 10000
تشيل 6 علب زيت مع الفلتر
فلتر هواء 90 ريال وكالة
مسامير توازن الواحد 140 ريال وكالة
هوبات الواحد 300 ريال وكالة
فحمات امامي وخلفي 350 ريال
فلتر القير 150 ريال
جالون تويوتا 4 لتر زيت قير 110
مساعدات الKYB اليابانية الواحد سعرة 210
الموتر استخدامه ممتاز خطوط مدينه
الموتر استهلاكه للبنزين ممتاز فل يمشيك 650 كيلو
الموتر صيانته سهلة وغير معقدة
حتى البواجي يمديك تركبها بنفسك
فحماته نفس فحمات الكامري 2011
تحصل نضيف تنبسط معه
وسلامتك



up 4 down 1
الرفاعي33 13914
قبل 3 سنه و 10 شهر



سلام عليكم ورحمه الله وبركاتة

انصحك اخوي بالجنسس مكينة 3.8gdi صيانة مجانية ماتدفع فيها ريال واحد حتظ الفحمات وغيار الزيت وقطعها بالوكالة ارخص مما تتوقع و الموتر خط وفخامه ورساوه معي 2014 ماشيه مايقارب 300 الف اسبوعيا سفريات عليها ماتوقف ابد موتر جبار بالخط وبالممشا تمشي معك الى 259 وتفصل لو فصلت العداد من الفيوز تمسح معك معاد تفصل وقير 8 تعشيقات و بالخط انا و الكابرس امشي قدامه وكلنا على الفصله وعندي مقاطع جربت مع كذا كابرس بالخط انا على فصلت و الكابرس على فصلته واصير انا متقدم على الكابرس هذا اذا كننت انت من محبين السرعه ورجلك حاره على العموم مابي اطول عليك اكثر من كذا شف الجنسس واسئل عنها ورح استأجر لك وجربها وراح تدعيلي ان شاء الله


up 4 down 7
moon-161 198
قبل 3 سنه و 10 شهر



افحص اذا كلو تمام وموتر نظيف توكل على الله موتر رياضي طياره ارض جو طررررب صخ ضيقه بس شبابيه ولكزس يعني تتحمل بس اهم شي تاكد انها نظيفه والمكينه والقير ومو معدل عليها قبل او مفجر فيها واستخير اهم شي ..


up 1 down 0
bnd0re 74
قبل 3 سنه و 10 شهر



من تجربه بقولك لكزس ISF قويه وعزمها جدا قوي استخدام 4 سنوات ماطلبت غير فحمات الي ممشى 160 الف سياره عمليه لكن عيوبها بحكم تجربتي لها ضيقه شوي ومساعداتها رياضيه وقاسيه ومع الدعس تصرف بنزين وتانكيها صغير وهذا اللي اذكر وسلامتك . ركبت لها هيدرز وفرقت حوالي 40 حصان وصوتها طلع جبار . 


up 0 down 1
abofarah 1081
قبل 3 سنه و 10 شهر



سيارة حلوة وعزمها جبار لكن اللي تخاف منه يكون راعيها السابق حق قومات ومطارحات ودوسات 


up 0 down 0
zax_makkah 247
قبل 3 سنه و 10 شهر



كادينزا اصفار ضمان 5 سنوات ميلو مفتوح وريح راسك عندي lS300 موديل 2012 جدا نظيفه ممتازه بس الجديد والله اريح لك 


up 0 down 0
msfr12244 98
قبل 3 سنه و 10 شهر