أضف سؤال أو موضوع جديد          

موقف غريب أو مضحك مر عليك في سيارتك

up 9 down 4
mr959 430
قبل 5 سنه



السلام عليكم ورحمة الله وبركاته

اليوم حبيت اغير شوي من مواضيع المشاكل والعيوب والاصلاحات
كل واحد منا مر عليه موقف مضحك او موقف غريب ومفاجئ في سيارته
وبعض المواقف صعب منا ننساها حبيت نغير الجو ونشوف قصصكم

تحياتي لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام و رحمة الله و بركاته

قبل فترة أمشي بالسيارة بسرعة حوالي 60

و مشغول بالجوال و سمعت صوت ضربة جدا قويه

أطالع يمين يسار ما حولي أحد صدمته

من قوة الصوت رجولي تنافضت ههههههه

وقفت لفيت على السيارة ما فيه شيء

الصوت كأنه أحد شات السيارة بكورة بقوة

ولحد الآن ما عرفته


up 3 down 17



تفتفه شديده في اكسبدشن 
واحوس السياره واشيك ع الكهربه ....واشيك ع الحساسات 
مدة اسبوعين ......ويهديني الله واغير فلتر الهوا 
وضبط المووتر 
:)  :)


up 3 down 2
لا للغلاء 829
قبل 5 سنه



مرة نزلت محل وبعد شوي رجعت السياره وأدور المفتاح بجيبي ما حصَّلته رحت المحل دورت دورت فالطريق ما خليت مكان شوي وبنجن بعدين رحت دورت حول السياره ولا القاها شغاله والمفتاح فيها حول النص ساعه من الحشيش ناسي اطفيها هههههههههه


up 9 down 9
hammoud mendes 150
قبل 5 سنه



من المواقف المضحكه قبل كم سنه بالبر كنت موقف السياره على طلعه
ﻻهي عاليه وﻻهي واطيه وسط بس مسافة الطلعه كبيره كانها ارض مرتفعه

وقفتها على الNوسحبت الجلنط ونزلت قدام عند السياره
غمض فتح الا السياره تدحد اقوى ماعندها ههههههههه
والله ياطلعلي تيربو واركض ركض
والحمدالله الباب مفتوح ماكنت مسكره و قدرت
اوصل للفرامل بسرعه والحمدالله ماصار شئ

ومن المواقف المضحكه اذكر كنت بالددسن
وموقفه ومطفيه وكنت داخل الا شوي
وتجيه رجه خفيفه استغربت قلت وش فيه
الددسن وهو طافي يرج ههههه
يوم نزلت الا قطو جالس بالحوض
شكل يوم نقز هز الددسن هههههه
هذي الي يحضرني حاليا



up 3 down 1
d7ooom777 391
قبل 5 سنه



من المواقف النكبه
شريت لي جمس حوض قديم من معارض النسيم
وانا جاي عليه على الدائري ألاحظ ان النور يضعف
المهم وقفت في محطه بأصلي ويوم جيت بمشي بشغله عياء يشتغل !
يالحبيب احاول فيه افتح الكبوت وش جاه الموتر !
المهم شفت لي ناس وناديتهم ودفيناه ونتشناه واشتغل
واروح عليه على الدائري وكان مليان عالم
المهم ويطفى علي في وسط الدائري تخيل النكبه !
احاول اشغله احاول انتشه ما فيه حيله
المهم يالله لفيت يمين واوقفه جنب الرصيف
وبغيت اصدم لي واحد بعد لاني لفيت بالقوه لانه طفى وخلاص بيوقف مره
المهم ويجوني ناس ونحاول فيه ندفه ما فيه حيله
واخلي الموتر واركب معهم واروح البيت
ويوم جاء بكره واجيه انا واخوي ونعطيه اشتراك وعياء يشتغل ونحاول فيه يمين يسار ما فيه حيله
وندق على سطحه  وعلى الصناعيه
وصار فيه الدينمو خربان والسير منقطع

والنكبات واجد ..


up 1 down 2
ابوناصر 454 653
قبل 5 سنه



أسبوع امشي بالسيارة وفيها تفتفه يعني أسبوع كأنها ترقص شكشكه واخرتها احصل واحد من سلك البواجي مفصول ههههههههههههه


up 0 down 0



اول مره سقت الفورد حق اخوي (كراون فكتوريا) نزل مطر
واللى اعرفه ان المساحات يمين الطاره
ويمين الطاره في الفورد هو القير
فـ جالس اغير في النمر والمساحات ما اشتغلت
ادور وين اللى يشغل المساحات مالقيته
وطلعت راسي من السياره عشان اشوف الطريق
بعد ربع ساعه وقفت عند اشاره وراعي فورد قالي ان المساحات على يسار الطاره


up 10 down 1



^ هههههه
ذكرتني بواحد كنت راكب مع
ماخذ سيارة اخوه قيرها ارضي
وهو متعود على قير الفورد علاقي
فكل ما جاء يعشق القير يعشق المساحات
وهاتك ياضحك كل ماتذكرت السالفه هههههه


up 4 down 2
d7ooom777 391
قبل 5 سنه



اتذكر موقف صار معي قبل 8 سنوات
كانت معي انترا 2005
تقريبا كنت في شارع الخزان
ولا يجيني تاكسي مع بنقالي صدمني
من قوت الصدمه صدمت لي عمود المهم بعد
الصدمة الاخ عشق سيارته وانحاش هههههه
اول ما نزلنا من السيارة حصلنا صدامه
الامامي مع اللوحة طايحة بالارض ههههه
انحاش وهو ما يدري عن اللوحه





up 9 down 0



مرة وقفت عند سوبر ماركت وكان معي كرسيده

وخرجت ورحت عند كرسيده واحاول فيها تفتح وادخل المفتاح واشد الباب احاول بقوة افتح الباب

نزلت راسي الا والحرمة جالسة مكان الراكب 

واناظر قدام الكرسيده الا وسيارتي قدام 

طلع هذا موقف وراي 

واشغل سيارتي واشررررررررررد هههههههههه


up 9 down 0
coco13 893
قبل 5 سنه



كنت بشارع فرعي وابغى ادخل الشارع الرئيسي وفيه سيارات بعيده لكنها جايه مسرعة
وكان على الاسفلت حصى مانتبهت لها زين كنت مركز على السيارات اللي جايه
ودعست للسيارة علشان ادخل الطريق بسرعة
وشوي واشوف الدنيا تدور حاصت سيارتي وصارت عكس اتجاه الطريق 
مو هنا النكتة 

النكتة اني حركت ورجعت من نفس الشارع اللي كنت طالع منه
الظاهر مع الخرعة ضاع التركيز ههههههههههههه


up 8 down 0
فورد530 1323
قبل 5 سنه



coco13 543


حصل لي مثل موقفك لكن العكس رحت اخذ الوالدة من زواج وجات حرمة تحسب اني ولدها وهي جاية لعندي

قفلت الباب من السنتر لوك وهي تفتح بالقوة وتقول هييي افتح والا ولدها يصايح من ورى السيارة هناا ^^


up 4 down 0
ryyan555 703
قبل 5 سنه



ريان هههههههههههه

ترى تحصل كثير بالزواجات


up 0 down 0
coco13 893
قبل 5 سنه



حصلت لي مرة كنا نسبح في البحر والمفتاح  رميناه على الرمل عند الملابس وبعد فترة طلعنا  ماحصلنا المفتاح وقرب اليل ومنطقة بعيدة عن السكان  اخر شئ شفنا اثر سرطان البحر مر  من هناك وندور لين حصلنا حفرة قعدنا نحفر لين حصلنا المفتاح هههههه
موقف ماأنساه


up 4 down 3
sam7srt 193
قبل 5 سنه



سيارتي تشتغل الساعة 8 الصبح الى المغرب بعدها لو وايش ماتشتغل كنت احسبها على الطاقة االشمسية ولا فيه ميكانيكي عرف لها لدرجة اني اجيبهم الساعة 7 يحاولون يشغلونها ماتشتغل الا 8 الصبح غيرت الدينمو والبطارية وضبطت


up 3 down 1



ايام التحضيري كانت معي فورد وكنت اطلب الوالد يشتري لي اكورد 2012 وكاله
رجيته لين دبر فلوسها ورحنا المعرض ركبتها وشغلت السياره والابستامه شاقه وجهي
وابوي يقولي تستاهل ياولدي انت دكتور والدكاتره ماتركب الا المواتر الفخمه
وجيت ابمشي بالسياره نزلت حق المساحات بيدي وكسرت
متعود على علاقي الفورد
ولا ابي اقولكم كيف وجه ابوي كيف انقلب 180 درجه


up 1 down 0



coco13
اف اف هههههههههههههههههه والله موقف محرج ودي اشوف وجهك اول ما ركزت هههه

فيصل العوفي
بصراحة موقف مررة احراج اتوقع ابوك سحب المفتاح منك هههههههه
مشكلة الي يتعود على الفورد حتى المساحات يتلخبط مثل اخونا ابيار


اشكركم على التفاعل :)


up 0 down 1
mr959 430
قبل 5 سنه



مره كنت واقف جنب كلية البنات انتظر اختي
وانا انتظر فيه بنتين ركبوا سيارتي ويقولون لي يا محمد امشي
انا ابغى اقول لهم انهم غلطانين بس ما اعطوني فرصه
كلامهم كثير
انتظرت الى ما خلصوا السالفه وقلت لهم انتم غلطانين


up 0 down 0
fhoody5552009 1
قبل 4 سنه و 11 شهر



اعتذرو مني
وطلع سيارتهم جنب سيارتي ونفس اللون والموديل
وأنا شكلي ذاك اليوم كان يشبه سواقهم


up 0 down 0
fhoody5552009 1
قبل 4 سنه و 11 شهر