جيب لكزس 2017 ماشي فقط 200 كيلو توه طالع من الوكالة العين حق

لا حول ولا قوة الا بالله
والله العين م ترحم
حسبي الله ونعم الوكيل

الله يعوضه

العين يابو عبدالله انك تُعجب بالشي ولا تذكر الله والكثير يعجبهم جيب اللكزس أكثر من السيارات الرياضية

مش شرط عين.
ممكن احد الطرفين مسرع او ملتهي في الجوال.

العين حق ولا احد يختلف عنها لانه كلام الهي

ولكن

ما قال انه عين ومو اي شيء يصيبنا نقول عين

ممكن تهور

وبالاول والاخير هذا قضاء وقدر

ولازم نرضى فيه

واسال الله ان يعوضه

الله يعوضه 

انا اخوي مطلع كادينزا والله ماوصل البيت إلا هو بسطحه بس الغريب ماطلع الارباقات والسيارة فل كامل ماشية 27 كيلو فقط والله على ماقوله شهيد والله يعوضه الحمدلله ماجاه إلا كدمات وجرح بسيط الله يعوضه 
وذا الكلام قبل أمس يوم الثلاثاء

قد يكون ذنب  وعقوبه  واذا كان عين لو صاحب  الجيب حافظ الله كان حفظه من العين  

لا حول ولا قوة الا بالله
الله يعوضه

عقوبة تهور غشامه عين كلها اسباب
ليش عشانه لكزس يصير عين بس !!

ماحد يختلف على العين بس مو كل شيء عين زودتوها

يعني لازم يكون عين !!!!! عجيب تفكير بعض الناس
حتى السيارة اللي صار لها حادث وهي ماشية ٢٥٠ الف كانت سلمية يوم ممشاها ٢٤٩ الف وبعد كيلو واحد صار لها حادث يعني مافي شي غريب

العين حق ولكن مهو كل شي مربوط بالعين حافظ على وردك ولاتسرع ولا تنشغل بالجوال وانتبه للطريق والحافظ الله

العين حق والواحد يقرا ا لمعوذات لذلك

لكن

الواحد لما يطلع سيارة جديدة خاصة لو انتقل من سيدان لجيب راح تختلف عليه السواقة وكانه مبتدئ

حتى انا كان عندي كابريس رحت للسوناتا اصغر اول شهر احس كاني سواق جديد والكل بيصدمني

شعور طبيعي تكون خايف ولسة ما تمكنت من السيارة خاصة لو جديدة ودافع فيها دم قلبك

عشان كذا احتمالية الحادث لما تستلم سيارة جديدة اكثر

فيه مواتر افخم واطلق منه تطلع من الوكاله مايصير فيها شي
لان فيه ناس مايحبونها ولايعطونها وجه لكن اللكزس حقين الابل والمزايين يناظرون فيه ويحبونه وتشوفه يقول ياقطع قلبي ليته معي بدون مايذكر اسم الله عليه

لان اكثر ناس مايذكرون الله هم اهل الابل

اقصد اذا شافوا شي زين مايقولون ماشاء ألله تبارك الله

مو كل سياره جديده شفناها مصدومه قلنا عين

حبيبي انت شايف وجه اللكزس يوم تقول العين ، هذا اتحداك تحدي اذا ماكان متجاوز السرعة القانونية بواجد ولا انه مفلم


العين حق بس مهب كل ماصابكم شي قلتوا عين ، ترى الله سبحانه وتعالى يبتلي عباده بمرض بحادث باي شي ولازم نكون حنا راضين بقضاء الله وقدره وبعدين بقولك شغله لو تجيب اطلق واحد يصك عين في العالم والله ماكتب لك تنصاب به مايقدر لو يطامر

عَنْ ابْنِ عَبَّاسٍ قَالَ كُنْتُ خَلْفَ رَسُولِ اللَّهِ يَوْمًا فَقَالَ:

«يَا غُلَامُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ».رواه الترمذي




الخلاصة لا تحطون كل شي في العين توكلوا على الله واعقلوا