أضف سؤال أو موضوع جديد          

هل كمبروسر لكزس gs430 2008 يترهم عليه حق افالون

up 1 down 0
ahah1215 150
قبل سنه و 11 شهر



ياشباب عندي مشكلة بلكزس gs430 كمبروسر اخترب وحصلت واحد بالتركيب ب1000 وارد الجابان بس حسب ماسمعت انه بسرعة يخرب صحيح ذَا الكلام !!!!!!! وإذا صحيح يمديني أرهم حق سيارة ثانيه مثل افالون وأي مديل اذا يمدي اركب او كامري او أوريون اهم شي بارد ويدوم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


للأسف مايركب الجي اس نفس كمبروسر LS وبرضو IS تختلف قواعد المسامير السفليه عن بقيه سيارات تويوتا ولكزس
ES وكذلك RX نفس كمبروسر اوريون وافالون ويترهم عليهم كمبروسر كامري 2005


up 0 down 0
miz00 205
قبل سنه و 11 شهر



وبعدين سعره الف ريال ويضمن لك خذه ولاتستشير كمبروسر الافالون واوريون سعره عند دنسو ب1750 وتشليح مستورد من اليابان من 1000 الى 1200 وترهيم حق كامري قديم اللي يجي بدون حساس نفس الحكايه يكلف من الف الى 1200
ليش تركب حق افالون تراه نفس نظام الجي اس ابو حساس وكلهم نفس المشكله دايم يخرب الحساس اللي يجي بدون حساس فقط حق كامري من 2006 وتحت وهذا مايترهم اطلاقاً عندك لأن القاعده تختلف بس يترهم على ES والا RX والافالون واوريون والكامري من 2007 وطالع


up 0 down 0
miz00 205
قبل سنه و 11 شهر



والترهيم يتم في قص قواعد المواصير اللي تركب بالكمبروسر


up 0 down 0
miz00 205
قبل سنه و 11 شهر



أنا حسب ماسمعت بسرعة يخرب كمبروسر بس ياشباب كمبروسر دنسو يركب على لكزس gs430 2008


up 0 down 0
ahah1215 150
قبل سنه و 11 شهر



كمبروسر الوكاله اصلاً هو دينسو وكل كمبروسرات تويوتا ولكزس مصنعة من قبل شركة دينسو
نعم موجود عند دينسو وسعرة 1750 نفس الافالون
لكن اذا الثلاجة خربانه عندك وعندك تهريب فريون لازم تصلحه هو اساس خراب الكمبروسرات ابو حساس
واذا بتركب جديد يلزمك تنظيف دائرة المكيف كامله من مواصير ورديتر عشان الاوساخ اللي سببها الكمبروسر القديم ماتخرب عليك الجديد واحتمال كبير الكهربائي يطلب من رديتر مكيف لأن تنظيفه صعب لكن الأهم من هذا كله اذا عندك تهريب من الثلاجة او مكان اخر ضروري تصلحه لأن لو ماصلحته الكمبروسر الجديد يخرب حساس كل كثرة تزويد الفريون اذا ضبطت كل شي وماصار تهريب مستحيل يخرب


up 0 down 0
miz00 205
قبل سنه و 11 شهر



يا عزيزي انا مركب على الكامري حقتي كمبروسور وارد اليابان
جاي مع مكينه مستورده له سنه صلاتي على النبي ضغطه ٣٥ وتبريده ممتاز جدا

وشكله من الخارج وكااااله
يعطوك ضمان اقل شي شهر


up 0 down 0
احمد ال الشيخ 2020
قبل سنه و 11 شهر



اخوي ركب حق وكالته نفس السيارة

.لا تلعب بالكهرب ووزنية السير . انصحك بالابتعاد عن الترهيم


up 0 down 0
saud112 170
قبل سنه و 11 شهر



كانت معي نفس موترك 2006 ودايم يخرب كمبروسر اللكزس فئه جي اس من موديل 2005 حتى 2011 والسبب انه نظام ريش يعني يبي لك كل فتره وفتره تنظف الثلاجه واذا اهملتها يضرب الكمبروسر ولا يترهم ركب حق بلاها الشكو على الله


up 0 down 0
سكودر 14893
قبل سنه و 11 شهر



غالبا يركب عندك
كمبرسر السيارات التالي
is300
ls430
lx470
vxr2007 ونازل
لكن لا يركب مباشرة لابد من توليف المواصير والبكرة الامامية
لكن نفس مقاس الكمبرسر عند (20)


up 0 down 0
وسام1434
قبل سنه و 11 شهر



للفائدة

أنا معي لكزس جي اس 300 2006 مركب لها كمبروسور افالون بدون اي توليف وله معاي الان سنة تقريبا و شغال تمام.


up 0 down 0
جاري الانتظار 51
قبل سنه و 11 شهر