ودي اشتري لكزس2011as ومتردد من الخربات حسب كلام الناس

اللكزس اذا تقصد es نفسها نفس الكامري من ناحية تربيط وفحمات وحتى ثلاجة ورديتر المكيف نفسها نفس الكامري بالملي 

سيارة صبورة لأبعد حد ولاتعرف الخرابات والورش 

طبعا للإحاطة يبي لك تغيير جلد عكوس كل سنة وتكلفتها اقل من ٥٠٠ ريال درجة ثانية وعمرها الافتراضي سنة او اكثر بشي بسيط

حياك
بالنسبة قير مكينه عظلات كلها وحده ولا يختلف مسمار
وبالنسبة للخربات كل موتر يخرب لو تاخذة اصفار وما تحنه
بيخرب اما استخدام والله مواتر من مجرب
الكزس صناعه ياباني بحت حتى لو تاخذها امريكي
مصنوعه ياليابان
والافالون مصنوعه بولاية كنتاكي بامريكا
والافالون السعودي والامريكي كلها طالعه من مصنع واحد بامريكا
انا ارشحلك الشي النظيف منها كشكل كلها جميلة
يعني لو حصلت افالون ولكزس في نفس الوقت
شوف النظيف منها وتوكل على الله
اما الي يقولك خرابات عزالله ماصدق
ولو تبي شوري شوفلك جمرك يجي نظيف ومامشى
افضل من السعودي اكثرها مدمورة
الفرق زيادة اكسسوارات عن السعودي

اذا تقصد اللكزس es فترا الافالون افضل منها بمراحل انصحك بالافالون وبقوة بالنسبة للتحمل كلها سيارات تتحمل بالنسبة لقطع الغيار تعتبر مناسبة بالنسبة لفئتها لكن اذا انت رجال على قد حالك وتبي موتر يوديك ويجيبك اصرف النظر عنها وشف لك موتر اقتصادي في البانزين وفي الزيت وفي القطع والله يوفقك يارب

اللكزس افضل ومايتقارن بالافالون وتقريبا كلهم واحد لكن اللكزس افخم ب شي بسيط 

دور النظيف واذا لقيته اشتر سواءً افلون ولا لكزس ، طبعاً الافلون افضل في حاجتين انها اجد موديل صراحة يعني فرق سنتين وشكل نوعا ما حديث واكيد بيكون اقل ممشى واسهل انك بتحصل نظيف منها


اللكزس افضل من ناحية الرساوة حقيقة خصوصاً الموديل هذا لكن صراحة داخلي الافلون افضل منه


يعني لو انك قايل 2013 بقول خذه وانت مغمض لا داخلي ولا خارجي يتفوق على الافلون


عموماً صل واستخر وشف وش انت مرتاح له منهم ومايمنع انك تسوق الموترين مع احد اقاربك

اخوي شكل 2011 مو زينه داخليته خذ لك افالون اصرف لك

افضل لك الافالون خصوصا في الحجم و القطع و صيانتها