أضف سؤال أو موضوع جديد          

موضوعي مع مركز فحص مشهور بجدة

up 10 down 4
الرفاعي33 13838
قبل 2 سنه و شهر



السلام عليكم ورحمة الله وبركاته

مساكم الله بالخير جميعا اعضاء منتدى حراج

اليوم جايبلكم موضوع عن محلات الفحص وقصتي
مع محل فحص ( ابو عمار المشهور بمعارض جدة)

بقولكم الي حصل معي بالتفصيل والحذر الحذر
اولا : محل ابو عمار معروف مكانه بجانب محل الميزان لبيع قطع الغيار
واكيد وبالذات اهل جدة يعرفونه مظبوط

المهم ياخواني قبل 6 سنوات نصحني احد الشباب
افحص عندة وقتها كنت ادور على لكزس GS
من موديل 2006وفوق
بحثت في المعارض النضيف غالي
دورت هنا في موقع حراج

واسبوعين وكل ساعه ادخل على قسم لكزس
في ذاك اليوم نزل لكزس GS 2006 امريكي
الموتر وقفته وقفت اسد تطيح عنده غرني منظرة الخارجي
واتفقت مع صاحبة وبالتحديد في اليل
قابلته عند الاستاد الرياضي جنوب جدة
وبالتحديد في مواقف الاستاد الرياضي

جاب الرجال الموتر وجربته على طريق الساحل
الموتر الى الان ارتحتلة ونظيف مكينه وقير
وداخليته اخت الجديدة
كلمني صاحب الموتر قالي حظك امك دعتلك
هالموتر استخدامي شخصي وبنفسي جايبة من امريكا
وشرايك الصباح نتقابل في اي معرض
انا صراحه ياخوان مارتحت لصاحب الموتر
يبي البيعه تتم سريع سريع
يقول مستعجل وعنده بعثة ..

قلت ياغالي الصباح نتقابل وقبل البيعه نفحص
حاول يجيب اعذار ونشبتلة الا افحص
ووافق جاء الصباح وتقابلنا عند فحص ابو عمار
طبعا فحص ابو عمار بدون كمبيوتر ماعنده كمبيوتر
رفع الموتر وجاب لمبة خاصه بالكشف
بدا من اسفل المكينه مرورا بالقير والعظلات
كل شي الى الان ممتاز

لما وصل الى خلفية الموتر جلس يدقق يمين يسار
وبعد ماتاكد من الكارثه الي بغيت اروح ضحيه فيها
ناداني قال الموتر مايصلح ولا بريال
قلت افا افا افا وش السالفه

قال السالفه الموتر مقصوصه خلفيته كاملة
وهاذي اثار القص شفتها ابعد عن الموتر لو ببلاش
قلت لاحول ولا قوة الا بالله
تكلمت مع صاحب الموتر ويحلف مايدري عنها
طيب كيف دخل الموتر السعودية ومقصوص
المهم انة دفع 100 وانا 100 قيمة الفحص
وتركته ومشيت ادفع 100 ولا اروح ضحية موتر مقصوص
الغبينه لو شريته وجلست فترة واكتشف انه مقصوص
الحمدلله على كل حال
بعد هاذا الموقف وثقت ثقة مابعدها في مركز ابو عمار
بعدها بسنتين
ذهبت لصالة سماهر وحصلت كامري امريكي 2009
لونها زيتوني 6 سلندر
كلمت الفلسطيني يشتغل بالصالة
كيف الموتر مشروط
قالي ابد وكالة وماشي قليل 27 الف ميل
قلت ترا بفحص عند ابو عمار
قال ماعندك مشكلة

مشينا عند ابو عمار وقال ماشاءالله وكالة الموتر
وارتحت واشتريت
بعد فترة رحت ابي ابيعه وطلع مرشوش رفرف يسار

وقت اشتريته ماكنت ادري عن تقرير الاوتوشيك
طلعته بعد فترة وطلعت صار عليها حادث بامريكا
وممشاها يوم طلعت من امريكا 134 الف ميل
شوفوا منزل عدادها اكثر من 100 الف ميل
قلت حسبي الله ونعم الوكيل مامعي الا استخدم
والحمدلله على كل حال الموتر راح حادث وبعته تشليح
راح بخيرة وبشرة

يعني ابو عمار واظن والله العالم انه مسوي اتفاقية مع الصالات يمشيلهم البيعات ولة نسبة طيبه
لان الواضح جبتلة موتر من برا المعارض واكتشف العلة
وجبتلة الموتر من الصالات ومشاها
واضحه وضوح الشمس ::::::........

فالحذر والنصيحه واجب اي موتر من صالات جده
لاتودية عند ابو عمار نهائيا ولا تغرك سمعته وشهرته
هاذا موضوعي اليوم
وموفقين ربي يسعدكم .

اخوكم الرفاعي 33







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
حياك الله اخوي الرفاعي
انا اشتغل في فحص المواتر في جدة للناس بالتيابه
و افخص عند ابو عمار و غيره
من خلال تجربتك اللسيطه معه من الصعب الحكم عليه و أقل ما يقال عنها تعادل في الحكم و ليس الهروج بالحكم كما قلته
ابو عمار المعارض تخاف منه من فتره لكن وان قلت لصاحب المعرض بافحص عنده وكانت ردة فعله طبيعية هذا لانه شريطي متنرس و بالأخص الجماعه اللي انت خابر


و لأننا بشر أكيد نخطئ و الهبير يخطئ كذلك ولكن خطأه أقل بكثير من صوابه



بالمناسبه
المعرض اللي اخذت منه عليه ملاحظات كثيره جدا
لو لحثت في النت عن اسمه فد تجد العجب


الله يوفق الجميع..

ختاما أتمنى يكون عندنا مركز فحص محترم مثل بعض مراكز الرياض






up 1 down 2
الفارس المميز 2644
قبل 2 سنه و شهر



حياك اخوي الفارس
ماهي صعبة الدقة والرش في الرفرف اكتشفها محل فحص
خبرته ماتوصل خبرة ابو عمار لاكن الوضع والحركه واضحه
وحبيت انوة واحذر


up 1 down 0
الرفاعي33 13838
قبل 2 سنه و شهر



يالرفاعي انا  فحصت عند ابو عمار ٣ سيارات من مدة
طلع لي وحده فيها راس الشاص والثانيه فيها سمكره في الباب
والثالثه سليمة واشتريت بعد فتره جيت ابيع ورحنا فحصنا
كلام الفحص جزء من الباب الخلفي مرشوش رش نظافة
حتى ان الشراي انبهر الورقة فاضية مافيها شي
مع العلم اللي طلع فيها راس الشاص جاني عن طريق 
زميل لي اما الباقين من موقع حراج
المغزى وانا اخوك الانسان يخطي ويصيب 
اتوقع الرش كان على نظافة وشاف السيارة نظيفة وماحب 
يعلمك ثمن تهون عنها والعلم عند الله 
يعطيك العافية ..


up 1 down 0
احمد 170 307
قبل 2 سنه و شهر



يالرفاعي لاتحكم على الرجال علشان رفرف

يمكن مرشوش على نظافة

وبعدين انا واقاربي تقريبا اغلبنا نفحص عنده دايما والحمدلله السيارات تمام

بس تراه يفحص ويدقق بالمحركات والصدمات من داخل اكثر

اما رفارف وصداممات اشياء بسيطة ماتاثر على السيارة ولاشي

مايدقق فيها بعض الاحيان يعلمك وبعض الاحيان تكتشفها بنفسك

وكل السياراات اللي فحصناها عنده من داخل المعارض وليست من خارجها

وابو عمار ممتاز بصراحة

وحنا اللي نمدحه مو بشريطية يشهد الله علينا

حنا مستخدمين


up 1 down 0
coco13 838
قبل 2 سنه و شهر



ياعزيزي اذا على الرش ماتخلى سيارات من الرش

وبالنسبه حق الممشى ماحد يقدر يفيدك فيه لا مراكز فحص ولاغيره في ناس حراميه وحسبي الله عليهم

اذا السياره تمام معاك وطيبه بالممشى ومكينه وقير تمام خلها معاك

واذا تبي سياره وكاله مالك الا جديد وريح راسك من المستعمل

سيارات المستعمل قل ماتلقى شئ نظيف


وفقك الله


up 1 down 0
aboahmed2014 808
قبل 2 سنه و شهر