اكورد - لكزس

جديد على يدك افضل من المستعمل 

توكل على الله وخذ الاكورد سياره وكاله ووممتازه وانا عندي افضل واكشخ من الاي اس بكثيير خصوصا من جوا شوف الاكورد وشف الاي اس تقول كامري اصلا هي كامري مفخمه غير كذا الاكورد يمسك سعره وماينخاف منه اما اللكزس مستعمل بقيمة اكورد تحس الاكورد اضمن لانها وكاله وماشاء الله تكد كد هذا رائيي وبالتوفيق

أخ / عاشق , أخ/ عادل 
بيض الله وجيهكم وماقصرتوا . يعطيكم الف عافية يارب ’ شكراً لكم .

ههههههههههههههههههه بلاهي اللي يقول ان الاكورد يمسك سعره والكزز يطيح سعره انت وش علمك بالسيارات

ياخي والله حرام تورط الرجال في شي انت تتمناه خافو ربكم يابشر
ترا النصيحه في هل المنتدى صارت فضيحه

يسمع شورك الرجال ويتورط والله مايدعي الا عليك وخل عنك الديس لايك والايك وترا كلامي لك ولـ غيرك اللي كل مادخل موضوع استشاره قال السياره الفلانيه فيها ومافيها واحنا نشوفها بالشوارع وفي المعارض وفي كل متر وماتقول لا

لاحول ولا قوه الا بالله

يابومحمد انت خذها بالعقل وربك يعينك واستخر ربك واسمع لـ شور الاخوان هنا وكل واحد وذمته

سلاااام

يعطيك العافيه اخوي وحش الرياض . 
اللي اعرفه عن تويوتا بشكل عام يمسك سعره بالنسبة للهوندا فما عندي علم عنها 
هو فعلاُ على يدك افضل بس بالنسبة لي انا لو باخذ لكزس باخذ ممشى قليل , 
ونبي نسمع نصيحة بقية الاعضاء وياليت يفيدونا انتظر رد بقية الاعضاء 

بنسبه لي باخذ الكزس
بنسبه للاكورد حلوه لكن عندي اللكزس افضل كاشكل وكاشيك وبرضوا قطع غيارها معقوله
وبرضوا المكينه تفرق وبرضوا الداخلي يفرق وبرضوا الفخامه تفرق وبرضوا لو قدر عليك وبتبيع شوف الي بيطيح في هذي كم وهذي كم وخش الموقع وشوف الاسعار وتعرف كم الفرق
والقرار الاول والاخير لك واستخير لان هذا تعب

بيض الله وجهك وجزاك الله خير ياسلطان .

اللكزس اذا كان نظيف خذه


تراه جبار فالتحمل والقوه وعزله افضل من الاكورد بمليون مره ويكفيك انه ياباني قطعه قطعه


عيب اللكزس الوكيل رافع اسعار قطع غياره وصيانته بس ابعد عن اللكزس الدقع الامامي وخلك على الدفع الخلفي


الاكورد من ابرز عيوبها


ال 4 سلندر عزمها فاشل


العزل فيها سيئ جدا


الفرامل فيها مشكله وعلبة الدركسون تخرب


وتستهلك فحمات كثير


اما المحركات تكرف معاك بس لاتقرب ال 4 سلندر


تابع هالرابط واغلبهم اشتكو من العزل


http://www.hondaarabia.com/club/t38802/

اخوي لكزس من سياره فخمه معروفه عند ناس  فا موصفات لكزس فتحه بانوراما  زينن عالي واطي  مراتب جلد مفخمه  

 شاشه  كامره خلفيه    حساسات خلفي وامامي  تشغيل بصمه  فتح قزاز بريموت  مساعدات كهرب نفس هدروليك مريحه وامنه  وفيه مميزات كثيره ولا تنسى مكينه v6 

 بخطوط  لو ينضرب كفر ماحسيت فيه  رساوه وعزل      الاكورد  الجديده ماسمعت عنها اي شكو بس الناس يقلون انها هي هي ماتغيره ممكن علشان فيها مميزات لنها صارت زي الافلون تجميع امريكي وتصنع هناك والاكورد معروفه تستحمل بس ماهي زي فخامه لكزس 

يعطيك العافية اخوي شاقح لكن انا فلوسي على قدي ولو باخذ الاكورد اكيد ال6 سلندر 
لكن تقولي لاتقرب للدفع الامامي انا لو خذت اخذت اللكزس ES350  وهو دفع امامي 
انا عارف انو الاكورد تتحمل كرف بس زي ماقلت لك 
يعني انا مسوي مقارنات بباقي الوكلات يعني لو حاب اخذ لي سيارة 
ماجازت لي الهونداي ولا كيا ولا امريكي ومابي مازدا وباقي السيارات مالقيت بوجهي للتحمل غير الاكورد واللكزس وعلى قد فلوسسي

لاهنت ياسكودر وبيض الله وجهك 

وغير كذا عندكم خلفية للصيانة بين الاكورد واللكزس يعني هل هي اسعارها متقاربة 
او غالية 
وبالنسبة للاكورد سمعت انها تجميع امريكي هل هي مازالت جبارة وتتحمل نفس الموديلات اللي قبلها 
وشاكر  لكم ماقصرتوا 

انت تابع الرابط اللي نزلته لك أغلبهم يشتكي ( العزل سيئ + تستهلك فحمات + اصوات ديكور + علبة الدركسون + الفرامل ) هي العيوب اللي تكلمو فيها اللكزس كان معي اخوي وبصراحه مقدر اوصفه فالتحمل وكمان صاحبي فعمان معاه لكزس امريكي جي اس ماشي عليه 290 الف ميل ولحد الان لاوضب لامكينه ولاقير وانا جربته وكان عزمه ممتاز وماعمره شكى من شي ولاعن والدينه خطوط وماشي بس عندنا اللكزس صيانته غاليه للاسف وقطعه غاليه عندك اللكزس ال اي اس الصغير او ال اس 430 او الجي اس الاكورد ماعندي خلفيه عن صيانتها وبالنسبه للاكورد وتصنيعها بقولك على شغله ( السياره اذا صنعت في غير بلدها الاصلي راح تفقد جودتها وقوة تحملها ) واذا انت تبي سياره جديده وقويه وراسيه ويابانيه ميه فالميه انصحك بالسوبارو الليجاسي ... ان بغيت سرعه وقوه فيه نوع منها تيربو ب120 الف وان بغيت ال 4 سلندر ترى عزمها حلو جدا وارسى من الاكورد وعزلها حلو ووسائل الامان فيها عاليه جدا تتفوق على الاكورد بس بشرط ... ماتفكر تاخذ السوبارو الا انك تحط فبالك راح تستخدمها اقل شي ل 6 سنوات وماتفكر تبيعها تاكد انها راح تخدمك وتتحمل وتكرف اما اذا استخدامك سنه ونص وتبيع فلاتاخذها ...

ماقصرت ياغالي . لكن اذا لك خبرة باللكزس ES الامريكي وش فرقه بين السعودي 
وانا ذكرت لك قبل لو صار نصيب وباخذ لكزس اكيد بيكون مستخدم , بس يفرق الامريكي عن السعودي 
لاني اشوف اسعارهم ارخص من السعودي والخليجي وانظف , تحياتي لك 

وغير كذا ياشاقح انت او الاخوان اللي لهم خبرة لايبخلون علينا 
اولاً نبي الفروقات بين الخليجي او الامريكي للكزس 
واذا بغيت اللكزس وانا معي 115000 وش تجيب اللي من اللكزس ال ES  وال GS 
والله يعطيكم العافية ويوفقكم يارب

الاكورد يمسك سعره قبل سنتين كانت معي اكورد 2008 ستاندرد شريتها ب45 الف وبعتها ب 47500 وشريت بعدها اكورد 2008 فل ب60 الف ودفعولي فيها 64000 بس عييت لاابيع

انصحك ب

انصحك بلاكورد وكاله لامرشرشه ولاخرابات ولاقير يخرب عليك
استخير وانا اخوك

اللكزس اللي كان مع اخوي كان استخدام امريكي ال اس 430


ومافتكره قد شكى من عدم توفر قطعه او مشاكله


اما الجي اسئل اصحاب الخبره فيه لانه فيه نوع نزل دفع رباعي هذه قطع غياره غير متوفره


المشكله انك ماراح تلقى لكزس استخدام سعودي مستعمل نظيف الا ان كان وارد يمكن نحصل نظيف

الله يعطيكم العافيه 
ماقصرتوا . أخواني البطش + شاقح 
الله يوفقكم انتوا والمؤمنين دنيا وآخرة يارب 

من جدكم تقارنون الاكورد باللكزس هههههههه




و الله لا مركب ولا راحه ولا رساوة ولا ننسى جودة اللكزس وانا متأكد لو تركب لكزس مقربعه بيعجبك مركبها وبالاول والاخير لا تشتري الا السيارة اللي انت مقتنع فيها ومبروك مقدماً يا بطل

اذا الاكورد 6 سلندر وشاشة وكاله توكل ع الله . اقل شي انها اكور،. بالنسبه لكزس خذ افالون 2011مسخدم افضل