أضف سؤال أو موضوع جديد          

صولات وجولات مع الشريطية

up 12 down 15
دكتوراه في الحب 160
قبل سنه و 10 شهر



السلام عليكم
صباح الخير جميعا
قبل ثلاثة اشهر من الان طلبت كامري من أمريكا المهم بعد ماوصلت عرضت موتري اللكزس للبيع
موتري es 350 2009 قيمته السوقية من 33 الى 35 الف سويت اعلان بالموقع وفي نفس الوقت 




نزلته للمعارض وراح اختصر عليكم اللي صار سواء بالموقع أو المعارض..




نبدأ بالمعارض




كل اللي يسومون بالمعارض شريطية يمنيين حرامية وللأسف اللي مغطي عليهم السعوديين اصحاب المعارض اليمني يبيع ويشتري بإسم السعودي وبمعرضه .




طبعا طريقتهم يعطي صاحب السيارة سومة طيبة واذا رحت المعرض على أنك تبي تبيعه يبدأ يبخس السلعة ويعيب فيها وماله إلا تقفل الزجاج بوجهه وتخليه يولي..




وبعضهم يسوم ويبدأ بالشحاذة ويترجاك تبيعه بسعر معين طبعا الكرامة لاتسأل عنها..




الموقع




بعضهم يسوم ويزاود واذا دخلت على عضويته تحصله مافيه عرض بالموقع الا له فيه سومة سواء سيكل، ساعة، سيارة، ارض، فندق وحتى لو تعرض طيارة تحصله يسوم ويزاود عليها..




والبعض الاخر يتصل عليك ويسألك عن السيارة من  وإلى ويحاول يقنعك أنه صامل وبالاخير يقول سيارتك قديمة أو يقول سيارتك طيبة وسعرها مناسب لكن أنا بالرياض وأنت بجدة !!!!!!




وفيه اللي يوعدك على أنه راح يجيك الوقت الفلاني وبالاخير ماعندك أحد!!!




وفيه بزران يتصل ويسأل ومن يوم تسمع نبرة صوته تحد عليه بنص السعر تبي تشوف آخرتها معه ويبدأ الانسحاب التكتيكي هههههههه




وبعضهم يسوم ببخس رهيب بحجة انه يسوم على قد فلوسه أو أن الولد ناشب بحلقه يبي سيارة ( فاتح لك جمعية خيرية) !!!




وبالاخير بعت الموتر الحمد لله بفرق ١٠ الاف ريال عن سوم الشريطة وبأعلى من قيمته السوقية من فضل الله 




نصائح خفيفة




اولا : اذا جيت تبيع لاتستعجل وإلا أكلوا حقك الشريطية وأنت تنظر
ثانيا: نزل إعلان بالموقع وحد مرترك بسعر السوق ووضح بكل حزم حدك وأنه غير قابل للتفاوض حفاظا على وقتك وجهدك.




ثالثا : اذا جاك المستخدم خلك سمح معه بالبيع لأن اللي يشتري سيارة طبيعي راح يحط فيها كم قرش سواء تصليحات بسيطة أو كماليات بالاضافة إلى أن السوق تعبان




رابعا : اللي ناوي يشتري يبعد كل البعد عن الشريطية والسيارات الموقفه بالمعارض وينزل السوق ويشتري من المستخدم علما أن السوق فيه ركود غير مسبوق..




وأخير آسف على الاطالة وأتمنى أن تكونوا قد جمعتم بين المتعة والفائدة...




أخوكم أبو نواف...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام 
حياك الله اخوي أبو نواف 
طبعا كلامك عن الشريطيه صحيح لكن هذي رزقتهم في كل سوق وتحصل فيه شريطيه 
تدري فيه تجي مزنوقه وتبيع اذا مافيه شريطيه متى يحصل أحد يشتري منه 
يعني الشريطيه لهم ايجابيات وسلبيات 



up 1 down 10
شيخ المعارض 2012 348
قبل سنه و 10 شهر



دايم الشريطي لاتاخذ على كلامه مهما مدح في سيارته 
إلا من رحم ربي 


up 2 down 0
محسن1990 40
قبل سنه و 10 شهر



شيخ المعارض صح رزقهم والكسب الحلال مطلب لكن الوضوح مطلب ايضا

والبخس حرام والله اعلم

لو الشريطي يسوم سوم واضح وبدون مايعيب بالسلعة هذاك الوقت نقول لهم ايجابيات لكنهم يبخسون ويحاول يقنعك ان سيارتك فيها عيوب وهي سليمة



up 1 down 3
دكتوراه في الحب 160
قبل سنه و 10 شهر



قبل فتره عرضت سيارتي بموقع حراج
والتواصل على رقم الجوال وازعاج اتصالات 
ويتصلون باوقات غلط  تشوف يكلمك صوته صغير 
تقول بالمتوسط ومسوي مو عارف اسعار السيارات 
وبعد مايقفل تشوف رقمه بالنمبر بوك يطلع اسمه 
فلان بن فلان الشريطي ولا الشريطي فلان 
مدري يعطي الجوال لولده عشان محد يقول شريطي 
ولا صوت واحد كبير بالعمر يقول ابيها للبيت والمدارس 
وانا ماني شريطي وبكم حاد موترك انا والله ماعرف اسعار 
السيارات تشوف رقمه بالنمبر يطلع ابو فلان الشريطي 


up 1 down 0
w.asa 2052
قبل سنه و 10 شهر



بذي صدقت السوووووق نايم لي فتره ادور موتر والمعارض هي هي على وقت الموتر الي لي شهر شايفه


up 0 down 0
rangrover666 143
قبل سنه و 10 شهر



الشريطية يدورون الي مستعجل عشان يبهذلونه اذا طلعوه من الحراج ووصل المعرض

كل شوي نقص لا الموتر مرشوش لا الكفرات يبيلها تغيير ورانا تأمين

الموقع فاتوقع ماخربه الا لشريطيه نفسهم حسابات ترفع بالسعر وتمشي بس تخريب للموقع البايع يطمع ويتمسك بالسومه شهرين

والزبون الي بيستخدم يشوف السومات مرتفعه ينحاش حتى البعض اصبح يقول اسعار الموقع مرتفعه عن الحراج

وبعضهم اخويا يجلسون يرفعون بموتر وهو مايسوى على حساب يجي واحد مطفي النور(مستعجل) وياخذه مثل حركاتهم بالحراج
يسونها بالموقع


up 3 down 0
298
قبل سنه و 10 شهر



حياك
يابونواف 
ياليت لو تنزل لنا موضوع عن الكامري وكيف طريقة
وصلت الخخخً
وباالتوفيق


up 2 down 0
باترول 2020 2409
قبل سنه و 10 شهر



موجود الموضوع اضغط على اسمي وتحصله


up 2 down 2
دكتوراه في الحب 160
قبل سنه و 10 شهر



موضوع جميل وهادف .. حياك الله ابو نواف


up 1 down 0
احمد محمد العمراني 245
قبل سنه و 10 شهر



اسواء شي يسوونه الشريطية بالموقع رفع الاسعار عشان يعلقون صاحب السلعه كم اسبوع ثم يمخمخون عليه بعد مايطفشون الزبون الصامل بالاسعار الخرافية الي يرفعهونها


up 1 down 0
rangrover666 143
قبل سنه و 10 شهر



ولا يهونون راعي المعارض اللي أنا أسميهم ( هوامير الشريطية )




up 1 down 0
خارج الوسط الرياضي -5
قبل سنه و 10 شهر