صوت طقطقه بسرعات اقل من 20 كلم

اعتقد جلد مقصات او مساعدات

هلا احمد مشكور على ردك. الفني قال لي احتمال ثاني من المساعدات بس المشكله هلاقدر اعرف انها سليمه او لازم فك 
يعطيك العافيه 

المقصات يقول سليمه ومافيها شي .باقي المساعدات
الصوت مزعج فقط بسرعه منخفضه ووجود مطبات غير كذا لايوجد اي صوت . شي محير 

وقف الموتر روح للجهه الصوت واظغط عليه بيبان معك اذا من المساعد

والله ما اعرف طريقة التأكد ممكن الشباب يفيدونك، لكني مريت بخبرة مشابهة من سنوات، وكما تعلم الورشة ظبطوا المقصات وخلوني غيرت المساعدين وراح الصوت، ولا ادري كان الصوت من اي فيهم .. عارف الورش وحركاتهم

شاكر ردودكم ماقصرتو. مشكله الطقطقه صعب تحددها لازم تغير اكثر من قطعه. انتظر خبراات الشباب

فكك من كذب الورش افحص كمبيوتر ب100 وريح راسك

كمبيوتر شغل كهرب و حساسات 
وش دخله في العضلات 
وش الدرعمه ذي 

حياك
المساعدات واضح خرابه اذا هي تهرب زيت معناتوه انتهت
صراحة هالااصوات مشكله تحديدها
كامري غيرت جلد مقصات وزن وربلات 
طلع الصوت من مسامير التوازن وربلاتها 
احيانا يصير الصدام فيه فضاوة واحيانا ربلات الكنداسة
يبيلك تفحصها بنفسك 
وباالتوفيق

شف تقريبا سبب هالطقطقه من جلد المقصات أو كراسي مساعدات
أو مسامير توازن . عل العموم رح ورشه ممتازه وخله يرفع لك الموتر
وشف تحتها وبتقدر تميز وإذا كان كان مساعد فبتشوف زيت إذا رفعتها . فامرها
إن شاء الله بسيط

اخوي شيك ع كراسي المساعد

لف الدركسون للاخير ومشي اذا طلع صوت
فالمشكلة في العكوس

في طريقة تعرف فيها اذا المساعدات سليمة ولا لا سوق السيارة امشي في الشارع
ومعاك اشخاص محمل السيارة وشف السيارة تلعب معاك ولا لا يعني تطلع فوق وتنزل تحت بسرعة ولا راسية السيارة
ونفس الشي سويه مع المطبات امشي فوق المطب بشويش وشوف كيف السيارة تناقز معاك ولا لا

اذا السيارة راسية وما تناقز معاك على المطبات معانته انو المساعدات سليمة

شاكر لكم مشاركاتكم القيمه. راح اشيك على المقصات والجلد مره ثانيه وان شاء الله اوافيكم بالحل قريبا 
يعطيكم العافيه