أضف سؤال أو موضوع جديد          

مهو كل من سام اشترى

up 7 down 1
افكار جديدة 659
قبل 2 سنه و 3 شهر



السلام عليكم و رحمة الله و بركاته 
كيف حالكم اخواني اعضاء منتدى حراج  . زي ما تعرفون كل من يعرض سيارته في الموقع يدور افضل سوم  و يجي شخص شراي و يسوم  و يدخل واحد  يفرق السوم ب الفين  او ثلاثه  و مهو جاد بالشراء  و يخرب البيعه و يعلق البايع  و المشكله يمكن انه ورع او واحد يطقطق  اللي حبيت اوضحه للي يبي يبيع سيارته انه يدور الزبون الصامل و لا يصدق واحد سام السياره و لا اتصل و لا ارسل  لانه زي ما تعرفون  يسوم و هو متكي في بيته  لا عربون و لا هم يحزنون   هذا  و سلامتكم  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صحيح

لكن مافيه مثل انك تدخل المعارض وتبيع او يكون موترك مثل ماذكرت يعني نظيف 

لانك تشوف السياره بالصوره واذا جيت لقيتها غير عن اللي في الصوره

وانا اسوم سيارات صامل مره واخرتها للأسف تكون غير اللي ذكره صاحب الاعلان

اخر مره كلمت راعي كامري وقالي مافيها الا صدام ورحت له واجار سياره وشقه ولقيت الشنطة كاملة مرشوشة وفيها معجون

لكن الله يعوضني  وورقة الفحص معي 

وبعد الفحص قالي انا دخلتها الوكاله وما ادري عنها غريبه ماتدري عن سياره انت ماخذها باسمك

وغير كذا انه مدير في احد القطاعات الحكومية

الشكوى لله


up 4 down 1
سرطوقا 98
قبل 2 سنه و 3 شهر



صدقت مو كل من سام اشترى انا سمت لي سياره بموقع حراج وزاد علي واحد وزد عليه المشكله انا افرق ب 500 وهو يفرق ب 2000 ولا 3000 لين شلع بقيمه الموتر فوق انسحبت من السوم وتركته وراعي الاعلان لازال يكرر اعلانه مشكله بعضض المبزره تسوم بس يبي يخرب ولا هو جاد لكن عقوبته كبيره عند رب العالمين الي يسوم ولا عنده نيه شراء


up 0 down 0
كارينو 549
قبل 2 سنه و 3 شهر



مره واحد عارض له سياره والرجال يسومون ويجي واحد شاطح يقعد يدعي على السوامين ويقول سيارتك تسوا كذاذ وكذا وانا اسوم بكذا بس مابي اشتري وش رايكم في هالعينه
الموقع اسمه حراج ومعروف الحراج يبدا السومه بهلله ويجون الرجال يزاودون لين يعطون السياره حقه


up 1 down 0
كارينو 549
قبل 2 سنه و 3 شهر



هذي علاجها سهل

وتضبط بحراج ١٠٠٪‏

إذا لقيت موتر اعجبك سوم بخراجك وحط رقم جوالك 
حتى لو السوم متعديك
واكتب اعتذر ياراعي الاعلان انا جاد وهذا سومي
اذا اللي زاد مهو صامل واعجبتك سومتي هذا جوالي

المشكله بعض اصحاب الاعلانات يطيرون بالعجه
ويصدق كل من سام
وهم بالحقيقه يخربون عليه


up 2 down 0
الملك المجهول 128
قبل 2 سنه و 3 شهر



بعضهم ان شاف سلعته مرغوبه وكثر باعلانه يعزز لنفسه بنفسه عن طريق حساب ثاني (:


up 1 down 0
m7mas9 180
قبل 2 سنه و 3 شهر



اذا انت صامل
حط سومتك




وراح يتواصل معك


up 0 down 2
مدرس عاطل 25
قبل 2 سنه و 3 شهر



ياخي لين متى 
الي صامل هو الي يدق عليك ويشوف الموتر 
غيره لاتاخذ بسوماته
مواتري اعرضها ويفرقون السوم ب 1000 و 2000 والي ما يدق ويجي يشوفه ما اتمسك بسومته 



up 0 down 0
ليزو 479
قبل 2 سنه و 3 شهر



مبدا السوم نفسه غلط حنا فقط الي
عندنا على ااسوم
الصحيح تقيم سيارتك وتحط االسعر 
وحول السعر يتم التفاوض


up 1 down 0
ابو عبدالله عمران 52
قبل 2 سنه و 3 شهر



وصل الامر انهم يتصلون ( مس كول ) وانت تحسب إنه وتحد مزنوق وما عنده رصيد او واحد مت أهلك يتصل من جوال احد ثاني .. ويم ترد يكون متصل عشان سلعة انت عارضها بعشرات الألوف
طيب ما معاك رصيد عشرة ريال تشحن جوالك .. ليش تزعج خلق الله وتتسلى واتطقطق


up 2 down 0