مهو كل من سام اشترى

كلامك صحيح

لكن مافيه مثل انك تدخل المعارض وتبيع او يكون موترك مثل ماذكرت يعني نظيف 

لانك تشوف السياره بالصوره واذا جيت لقيتها غير عن اللي في الصوره

وانا اسوم سيارات صامل مره واخرتها للأسف تكون غير اللي ذكره صاحب الاعلان

اخر مره كلمت راعي كامري وقالي مافيها الا صدام ورحت له واجار سياره وشقه ولقيت الشنطة كاملة مرشوشة وفيها معجون

لكن الله يعوضني  وورقة الفحص معي 

وبعد الفحص قالي انا دخلتها الوكاله وما ادري عنها غريبه ماتدري عن سياره انت ماخذها باسمك

وغير كذا انه مدير في احد القطاعات الحكومية

الشكوى لله

صدقت مو كل من سام اشترى انا سمت لي سياره بموقع حراج وزاد علي واحد وزد عليه المشكله انا افرق ب 500 وهو يفرق ب 2000 ولا 3000 لين شلع بقيمه الموتر فوق انسحبت من السوم وتركته وراعي الاعلان لازال يكرر اعلانه مشكله بعضض المبزره تسوم بس يبي يخرب ولا هو جاد لكن عقوبته كبيره عند رب العالمين الي يسوم ولا عنده نيه شراء

مره واحد عارض له سياره والرجال يسومون ويجي واحد شاطح يقعد يدعي على السوامين ويقول سيارتك تسوا كذاذ وكذا وانا اسوم بكذا بس مابي اشتري وش رايكم في هالعينه
الموقع اسمه حراج ومعروف الحراج يبدا السومه بهلله ويجون الرجال يزاودون لين يعطون السياره حقه

هذي علاجها سهل

وتضبط بحراج ١٠٠٪‏

إذا لقيت موتر اعجبك سوم بخراجك وحط رقم جوالك 
حتى لو السوم متعديك
واكتب اعتذر ياراعي الاعلان انا جاد وهذا سومي
اذا اللي زاد مهو صامل واعجبتك سومتي هذا جوالي

المشكله بعض اصحاب الاعلانات يطيرون بالعجه
ويصدق كل من سام
وهم بالحقيقه يخربون عليه

بعضهم ان شاف سلعته مرغوبه وكثر باعلانه يعزز لنفسه بنفسه عن طريق حساب ثاني (:

اذا انت صامل
حط سومتك




وراح يتواصل معك

ياخي لين متى 
الي صامل هو الي يدق عليك ويشوف الموتر 
غيره لاتاخذ بسوماته
مواتري اعرضها ويفرقون السوم ب 1000 و 2000 والي ما يدق ويجي يشوفه ما اتمسك بسومته 

مبدا السوم نفسه غلط حنا فقط الي
عندنا على ااسوم
الصحيح تقيم سيارتك وتحط االسعر 
وحول السعر يتم التفاوض

وصل الامر انهم يتصلون ( مس كول ) وانت تحسب إنه وتحد مزنوق وما عنده رصيد او واحد مت أهلك يتصل من جوال احد ثاني .. ويم ترد يكون متصل عشان سلعة انت عارضها بعشرات الألوف
طيب ما معاك رصيد عشرة ريال تشحن جوالك .. ليش تزعج خلق الله وتتسلى واتطقطق