أضف سؤال أو موضوع جديد          

نصب شريطية معارض الشفا

up 11 down 2
وليد1409 185
قبل 8 سنه و 9 شهر



السلام عليكم

اليوم باروي عليكم قصة صارت قبل حوالي 8 شهور بس للعضة والعبرة وعشان لو يحلف لك اي واحد بتشتري منه سيارة لا تصدقه لان بعض الشريطية ماعنده لا ذمة ولا مخافه من الله عز وجل


المهم السالفة ومافيها كنت ادور لكزس ES350 وادور في معارض الشفا شوي وادخل معرض الشهراني الي لوحته زرقا في الزاويه حقت الساحه 

دخلت عليه لقيت لكزس حلوه وعلى كلامه نضيفه ب 115 الف ستاندر طبعاً وماشي 58 الف 

المهم قلت لهم خلاص باشوف وارجع لكم قلت له باستفسر من راعي السياره عن كم شغله عطني رقمه ويعطيني رقم

المهم كلمته واقوله انت راعي اللكزس قال ايه سألته عن الصيانة وهل جاها صدمات او اي شيء قالي لا نضيييفه وانا بابيعها عشان ابني بيتي وارمم وقعد يتشكا لي رحمته


قلت له باشوف وارد لك وادخل الموقع هنا وادور والقى لكزس نفس المواصفات ونفس اللون ونفس الممشى قلت خلني اتصل عليه اشوف كم جابته 

يوم كلمته سبحان الله صارت نفس اللكزس الي في المعرض يوم سألته قلت وين سيارتك قال في معرض الشهراني !!!!

قلت له كيف المعرض معطيني رقم راعي السيارة وكلمته وقال بيبيعها عشان بيبني ومدري ايش قال والله انا راعي السيارة وبابيعها محتاج فلوس ومدري وشو :(


قلت له خلاص يالله سلام الي هذا اوله ينعاف تاليه 

والحمد لله بعدها باسبوع رحت ادور في المعارض ولقيت واحد توه طاب المعارض واخذ منه لكزس نفس المواصفات واجدد موديل وماشي اقل وبفارق بسيط :)


عالعموم انتبهو واي سياره واقفه في معرض افتكو منها هذي نصيحتي والله الموفق 


والسلام خير ختام :)


وهنا تبدأ الفضيحة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ربك نفذك ولا كان تورطت 
الواحد اذا بيشترى سيارة لازم مايستعجل ويكون عنده علم بالسيارة واسعارها ومايصدق اي احد 
في المعارض او حوله حتى لو يحلف على المصحف 

ولك احلى لايك على الموضوع 


up 5 down 0
عاشق خيالك 4801
قبل 8 سنه و 9 شهر



بالنسبة للصيانات فيه شي اسمه وكالة تقدر تشوف وش سوى بالسيارة عن طريق الاستمارة حقت السيارة ومايحتاج انك تسأله اساسا واهم شي عندي تتأكد متى غير زيت القير الاوتوماتيك مع الفلتر ان كان خارجي لان اكثر الناس للاسف مايهتموا بهالنقطة وبعدين يجي للمنتدى ويشتكي ويقول غيرت الزيت وصار وصار وغيره وهي ماشية كثير وبسبب هالتغيير ضرب عليه الجيربوكس والله المستعاان


up 0 down 1
ماكسيما 2008 6743
قبل 8 سنه و 9 شهر



الله يجزاك خير على النصيحه 


up 1 down 1
trading 1121
قبل 8 سنه و 9 شهر



مافهمت اش المشكلة يعني اش فيها اذا عرض السيارة بالمعرض وبالموقع بنفس الوقت بالعكس هذا من حقة ان يبيع سيارتة


up 1 down 3
بوخا 3560
قبل 8 سنه و 9 شهر



اخوي بوخا 
الرجال يقصد ان راعي المعرض متفق مع شخص على تمثيل دور صاحب السيارة و صاحب السيارة الحقيقي انكر ان عنده بنا بيت و هذا تأكيد ان راعي المعرض نصاب


up 2 down 0
شرواك 2000 1068
قبل 8 سنه و 9 شهر



أن يوم جيت اشتري الجمس قعد شهر كل خميس وجمعة يا في الشفا او في النسيم ... شفت أنوع النصب ... نصيحة لا تشتري سيارة من معرض
ابد يا تأخذها من صاحبها او شخص تعرفه ... وفيه خدمة من المرور SMS دخل رقم الوحة يعطيك كم شخص ملك السيارة قبلك
فيه واحد قال انا المالك الثاني للجمس 2004 يوم دخلت رقم اللوحة طلع تسعة مالكينها ... ومن حيلهم ... ابي ازوج ولدي 




up 0 down 0
350_lover 22
قبل 8 سنه و 6 شهر



انجس مخلوقات شفتهم الشريطيه والله ان اليهود اشرف منهم كل عشره الاف شريطي فيهم واحد يخاف الله  

انتبه من نصابين الشريطيه خصوصا حقين حراج المكرفون الله لايوفقهم


up 4 down 0
عبدالعزيز البارقي 119
قبل 7 سنه و 8 شهر



حسبي الله ونعم الوكيل علي كل غشاش في معارض السيارات او غيرها


up 1 down 0
شواطيء الخليج 2
قبل 6 سنه و 10 شهر



مطلوب مرسدس 2010-500- لؤلؤي -داخلي بيج هلويز خليجي او جفالي او ألماني يكون شبه جديد ولا يوجد فيه سمكره ولا رش بوية الألوان المطلوبة بعد الؤلؤي الأسود والفيروزي والله ولي التوفيق


up 0 down 0
شواطيء الخليج 2
قبل 6 سنه و 10 شهر



السلام عليكم ورحمة الله وبركاته يوجد عندي جمس ابيض غمارتين موديل 98 داخلي كحلي عليه شراع حق مصمم للمقناص وطلعات البر شارية من اربع سنوات طبعا عملة له صيانه والمكينة والقير نظيفة له اكثر من سنتين لم يستخدم ببيعه ابي اشتري رابتر الجديد سيم مني ب 31 الف ريال وانا قريب من البيعه الرجاء عدم بخس سلعة اخوك المسلم والله ولي التوفيق


up 0 down 0
شواطيء الخليج 2
قبل 6 سنه و 10 شهر



اللهم المستعان . وكل راح يحاسب


up 0 down 0
سلطان 2 ابراهيم
قبل 6 سنه و 3 شهر



الشريطيه هذول ما يعرفون انه فيه اخره وبيتاحسبون ترا مكسبكم حول ال5-10الاف تستحق تتعذبون بالاخره عشانها؟


up 0 down 0
محمد حمدان هلال 19
قبل 5 سنه و 11 شهر



صحيح كلامك خلك حذّر من الشريطية 
لكن عينك ميزانك 
تصدقون با الله مرة شريت كورولا 2014 حصلتها واقفة في معرض 
ولقيت سعرها ارخص من موقع حراج ومن برحة بيع السيارات 
قلبتها وفحصتها وتوكلت على الله ب 48 الف طبعا في نفس السنة 
المهم قضيت لزومي عليها حوالي 3 شهور 
ونزلتها المعارض بعتها 50 الف 
اللي ابي اوصلة 
ترى يوجد هناك صيدات داخل المعارض 
لمن يدور مضبوط ويعرف يشتري 
والتوفيق بيد رب العالمين 


up 0 down 0
masssss 984
قبل 3 سنه و 6 شهر