كاديلاك VS لكزس

المقارنة من الاساس غريبة ، من جدهم لكزس ؟؟؟ 

من يوم شفت لون السن توب وانا غاسل يدي

هم صحيح يطقطون لكنهم جادين يقارنون بكل شيء دقه التوجيه وتماسك الشاسيه والثبات والقوة والمتعة ونمر القير بكل شيء
اي يا صديقي GS f تنافس cts-v وش المشكلة

ههههههه لون السنتوب ذا طلب خاص عشان ينقهرون لانهم ماعندهم سنتوب بس للسعوديه ههههه

الصراحة مستوى مُبهر جداً من اللكزس ويستحق الإحترام
نظراً للفرق الكبير بين مستوى المحركات بينها وبين الكاديلاك

اللكزس 5.0L | 467 HP
الكاديلاك 6.2L | 640 HP

النتيجة :
1:30.78 الكاديلاك
1:33.24 اللكزس

ومع ذلك الفرق قدمت اللكزس هذا المستوى الرائع والقوي
التساؤل هنا ماذا لو كان المحرك الياباني بنفس السعة ؟

أترك الجواب لكم :)

سلام عليكم 

اخوي starting يعطيك العافية على ردك بس لي تعقيب بسيط 
السيارتين اللي بينهم مقارنة السعر بينهم متقارب كيف لو نزلوا ٦.٢ عاللكزس كم راح يكون سعرها ؟ 

تقارن الوحش الامريكي (الفاخر ) بسياره الطبقه ( الكادحه ) > كان من المفروض ان نقارن > بين ( البغل ) الياباني وال الاسد ( اليابس ) > بيجو طبعا / لعلها تكون مقارنه عادله > هذا ان وافقت شركه بيجو .. ولا اظن ذلك 

ابو ظافر اللي مايطول العنب....

الا تقارن خردة امريكا وصديقة الورش بمركب الفخامة والرزة والهيبة ليكزس

صالح

وعليكم السلام ورحمة الله وبركاته

حياك الله .. الله يعافيك يا غالي

نعم صحيح لا أختلف معك بأن الأسعار مرتفعة ولكن إمكانيات السيارة رائعة وتستحق الإشادة
ورغم إن الأمكانيات أقل في اللكزس والسعر أعلى من الكاديلاك يأتي من يقول أنها سيارات الطبقة الكادحة !

الحقيقة أنا أحترم الهندسة اليابانية جداً وذلك لإنهم يجمعون الإتقان والجودة والأداء معاً وهذا ينبغي إنصافه
لا أقلل من الصناعات الأخرى وكاديلاك سيارات تاريخها معروف ولكن الحقيقة أبهرني المستوى المقدم مقابل فرق المستوى.

تحيتي للجميع،،

رزه وهيبه ( للمطفرين ) > فاغلب من يشتريها تاجير منتهي باالتشليح > او من يبحثون عن كرتون ( صابون ) ب 10الآف  ..

ابو ظافر ناقش باحترام ولا تجيب شيء من كيسك
انا بصراحة هندسة اللكزس ممتازة خلتها تمسك مع الكاديلاك
وصفوا اللكزس كانها فيراري والكاديلاك استون مارتن

اللكزس بتنزل في 2017 بمكينة v8 بشواحن وتطلع ما يقل عن 600 حصان 
والاسعار دائما اسعار كاديلاك ولكزس رخيصة ومتقاربين في غالبية اافئات 
اغلى سيارة عند لكزس LS 600 وسعرها ارخص من الالماني كله بسعرها تجيب الماني موسيدس s400 

نعم gs f و cts-v افضل سيارتين في فئتهم وداعسين على الالمان وانا لقلت هالكلام قبل اكلت دس لايك

واذا لكزس بتشطح مره حيل في افخم سيدان السعر توصله 120 الف دولار 

واذا بتشطح في سيدان اداء رياضي اسعارها في 80 الف دولار ماعمرها زادت عن هالاسعار 

سلام عليكم ورحمة الله 
الأمريكان دايمن غير محايدين ويحتقرون اليابانيون غيرانين منهم 
اول شي لوالبرنامج محايد ذكر انو دفرنسات الكزس فيها نظام لونش فاكتوري يمنع دوران الكفرات لوتدعس للأخير وبشكل مفاجئ
ثانيا كل شركه لها فلسفة تصميم الامريكان يحبون حرق الكفرات وهم مميزين في هذي وسياراتهم في الطرق المستقيمه ممتازه 
لكن فرامل وملفات تخوف ماتثق فيها 
امالكزس فلسفتها الراحه والنعومه والعمر الطويل 
غير كذا فرق الصيانه والجودة والسعر كلها لصالح الكزس أرخص بكثير سعرها 326الف فقط امالكاديلاك قرابة 500الف 
الميزه الحلوه في الكاديلاك العزم الجبار وصوت السوبرتشارجر طرررب 
والكزس تنفس طبيعي 
وبالاخير كل واحد وذوقه 

يا صاحب الظل الطويل البرنامج حيادي والامريكان يفضلون لكزس 

وكيف ما ذكر وهو مليون مره عاد الدقه والمتعة ودفرنسات لكزس وتورك فوكترينج فيها 
وذكر انها جدا ممتازة كانها فيراري والكاديلاك استون مارتن حتى في الحلبة قال  لكزس اثبت وامتع والفرق في الاداء بسيط 
لو لكزس بتيربو لتفوقت اكيد

ويكفي ذكر انه لكزس لكن تدعس ما يرجع نمر لو تراجع الحلقة قال تاخذ عزم وتدعس طويل الى توصل 7100 دورة وتسمع الطرب وتستمتع فيها

اما السعر الابتدائي لكزس ارخص بفارق دولارات قليلة 
اما السعو النهائي مع كل المواصفات لكزس 88 الف دولار الكاديلاك 96 الف دولار وهم ارخص المنافسين