أضف سؤال أو موضوع جديد          

سؤال لأصحاب اللكزس

up 2 down 1
ghallab88
قبل 8 سنه



السلام عليكم ورحمة الله



سؤال للمجربين والمسخدمين للكزس الجي اس
ماقارنة بين الجيل الثاني (من 98 الى 2004) والجيل الثالث (2005 وفوق)
اللي اسمعه ان الجيل الثالث دلوع ويطل واجد وقطعه اغلى من الجيل اللي قبله هل هالكلام صحيح؟
واي جيل فيهم تفضل وشنو يميزه؟
واي موديل تنصحوا فيه ؟

وهل ينفع لواحد دخله متوسط او تحت المتوسط بشوي؟
واللي عنده امثلة لأسعار بعض القطع يسدحها الله لايهينه



وشنو مشاكله او خراب متكرر

وشنو مكينة ال300 هل هي 2jz نفس القديم ولاتغيرت؟


للمجربين والمستخدمين فقط يعني لاحد يقول سمعت ويمكن ومن هالكلام







إبلاغ إبلاغ



الردود


الجيل الثاني كان اقوى جيل انتجته الجي اس. يذكرني بتويوتا كراون مكينه ٣٠٠٠ سي سي و دفع خلفي صراحة شيء خدوم بس وين النظيف،،

الجيل الثالث ملكت انا ٤٣٠ جي اس. طبعاً اختلف هالجيل جذري تقنياً للافضل عيوبه هي الفرامل و التكييف ABS دايم يضرب فيها و غالي ،،

يعني لو لقيت GS 300 2004 نظيف توكل ع الله وقطعه متوفره و متوسطة الاسعار ،،


up 1 down 0
panamira 1906
قبل 8 سنه



افادكـ واحد من اهل التجربة وليس اهل سمعت وشفت


up 1 down 0
أبو يارآ 491
قبل 8 سنه



لكم لايك صاحب الموضوع والرد


up 1 down 0
أبو يارآ 491
قبل 8 سنه



عليكم السلام ورحمة الله وبركاته 
أول شيء بقولك أنه دخلي المادي أقل من المتوسط الله يخلي لي مكافئة الكلية 
انا الحمد لله معي جي اس300 الجيل الثاني موديل 2001 
السياره صح انها قديمة لكن ماشاء الله صراحة ماعمري شفت موتر يتحمل نفسه ابداااا 
السياره والله صبوره بالححححيل وخرابات ومشاكل مافيه نهائيا الحمد لله 
والجيل هذا يميزه عن الجديد انه مافيه مشاكل نهائيا (الجيل الثالث معروف مشاكله مثل ABS والمكيف ومسمار الثلاجة)
والميزه الثانية
(الجيل الثاني المكينة سعرها عندنا ب2500ريال وبالامارات ببلاش ب800ريال@الجيل الثالث سعر المكينة عندنا مايقل عن 3000ريال ابدا وبالامارات 
مايقل عن 2500ريال)
(الجيل القديم القير بالامارات ب200ريال@الجيل الجديد بالامارات مستحيل تحصله بأقل من1200ريال)
بتقول ليش اتكلم عن الامارات صح؟
لأني ماعمري شريت قطع لسيارتي من هنا ابد (كل سنة اروح اتمشى واجيب معي مقصات وفحمات واذرعه وقطع استهلاكية بأسعار رخيصه جدآ)
الجيل الجديد صح كشكل أحلى لكن القديم افضل بكثير كأستخدام 
من ناحية مشاكل وخراب متكرر ابداا مافيه؛غير فحمات وبنزين وزيت وتوكل على الله موتر بطططل
وأخيرا..(لي فترة وانا استخدم الموتر هذا وماعمري شريت اي قطعه من الوكالة,الله يخلي لنا المستعمل تحصله نظيف بسعر رخيص جدآ)
وتوكل على الله كلامي عن تجربة الى الان معي الموتر واسافر عليه كل مكااان ماشاء الله .(ولو تلقى موديل 2001 الى 2004 نظيف لاتفوته )
واسف على الإطالة 




مشكورين وماقصرتوا على الردود


up 0 down 0
ghallab88
قبل 7 سنه و 12 شهر



واحد من اخوياي مركب مكينة gs300 على كرسيدا جراندي شي خيالي لاكهرباء زيادة وعزمها قوي واعطالها قليله


up 0 down 0
كنجاوي 39
قبل 7 سنه و 12 شهر



طيب الABS كم سعره
والمكيف شنو المشكلة فيه
وشنو مشكلة مسمار الثلاجة


up 0 down 0
ghallab88
قبل 7 سنه و 12 شهر