ماهي اجراءات تغيير لون السياره

وعليكم السلام ورحمة الله وبركاته,

انت بتغير لون نفي اللي في الاستمارة أو لون ثاني؟

اذا لون ثاني هذه اجراءاتها أول شي الله يسلمك تروح المرور وتبلغهم انك تبي ترش سيارتك لون ثاني طبعا بيرفعولك طلب

بس هالطلب بياخذ وقت لأنه اجراءات بيسونها المرور اذا فيه مخالفات و فيه لا سمح الله حوادث فعشان كذا المرور قبل ليوافق لك

بيسوون هالاجراءات هذي للتأكد من سلامة سيارتك من الحوادث المرورية

أما اذا بترش سيارتك نفس لون الاستمارة فهذي ما عليها شي كأنك بترش للتجديد بس.

الطلبات:-




1- تروح مركز معلومات الروضة .(الرياض).
2- راح تحصل مبنى لونه بني خلف المركز (تدخل على المهندس وتقول له ابي اغير لون السيارة), راح يطلب من التــــالي :- 




أ- احضار السيارة المراد تغيير لونها.
ب- استمارة السيارة وبطاقه الاحوال.
ج- يجب ان تكون السيارة بأسمك.




بعد كذا يعبي المهندس لك نموذج ويطلع معك ويشوف السيارة ويتأكد من رقم الشاص ويوقع لك الورقة.




3-تدخل لمبنى المركز الرئيسي وتوقع الورقة مره ثانية من الضابط ويختمها لك وتطلع للورشة .




4- بعد ما ترش السيارة بوية ترجع بنفس الورقه اللي كانت معك وتعطيها المهندس ويطلع يكشف ويتأكد من لون السيارة الجديد ويتأكد من رقم الشاص.




5 -بعد كذا تدفع رسوم بدل فاقد للاستمارة مبلغ وقدرة 50 ريال عن طريق الصراف.
6- تدخل المبنى الرئيسي وتعطي الاستقبال الورقه واشعار السداد وياخذ منك الاستمارة القديمة ويبدلها لك بجديدة بـــ مدة لا تزيد عن 20 دقيقة فقط ..