أضف سؤال أو موضوع جديد          

حركة جديدة طايحين بها معارض السيارات

up 5 down 4
xpoldx 1432
قبل 4 سنه و 11 شهر



السلام عليكم ورحمة الله وبركاته

البارح كنت مع واحد من الزملاء ولهم معارض بالنسيم والشفا
وخارج الرياض والله معطيهم خير الله يزودهم من فضله 

المهم ان الرجل وضح لي قضية نصب وتحايل يقوم بها اغلب المعارض

سيارات لكزس خاصة الجيوب 

تجي من الامارات ملعوب فيها بتزوير بلد المنشأ او بلد التصدير

يشترون جيوب لكزس من قبرص واصل الى الامارات

ب270 الف 

270 الف واصل الى الامارات


ويتم تغيير صفرة الباب بتغيير البلد من قبرص الى المواصفات الخليجية القياسية

يعني يعدل في بيانات المركبة 
ويبيعونها بالسوق 390 الف ريال !!!!!!!!!!!!



انا سألته ماني مصدق قال اقسم بالله ان كل اللكازس الجيوب الشكل الجديد
المصدره من الامارات جايه من قبرص وليست وارد الخليج
قلت هذي غش تجاري وتزوير واضح 

حبيت انقل لكم ماذكره لي للحيطة و الحذر والله يوفقنا واياكم


والله يعين بيجونك الشريطية الحين آل ابو سبحه وفصفص 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياعزيزي 
مدام الشريطي رضي انه ينزل العداد ويغش الزبون 
وهو عندنا فالسعوديه والسياره سعوديه ١٠٠٪ 
او اذا كان يستخدم سياره مثل الجيوب الربع والصفيره والجكسار والفكسار ويمكن اللكزس
والسيارات الصغيره يفصل عدادها على الـ١٠ الاف 
او ٢٠ الف او  ع الي يبغى ويكد ام ام ام امها 
وبعدين يشبك العداد ويبيع 
فمبالك اذا كانت السياره مصدره 
بليعب فيها من قبل ماتدخل السعوديه 

عموماً الشريطيه ٨٠٪ منهم غشاشين 
من واقع تجربه معاهم 



up 3 down 0
hack1 2915
قبل 4 سنه و 11 شهر



الله يصلحهم و يهديهم يحسبون ان كل ماجمع من الدراهم ان عمره يطول


up 3 down 0
xpoldx 1432
قبل 4 سنه و 11 شهر



الدنياء مو مهي باقيه لحد يويلهم من الله
حسبي الله ونعم الوكيل
في هالزمن شي يخوف
الله يستر علينا بس وعلى كل مسلم


up 3 down 1
س ي ف 160
قبل 4 سنه و 11 شهر



طيب السؤال الاهم كيف يلعبون بشهادة المنشأ وشهادة المواصفات عشان التصدير يارجل ترى الامارات شوي عندهم نظام. يعني هذي اتوقع حركات الشريطية لان الاغلب صار يطلع عمان يشتري والامارات قالولك مزورة اتوقع الكلام ذا فيه شي ماهو مضبوط حتى لو لعب بمعلومات السيارة فيه حاجة اسمها بوليصة شحن وبيان جمركي وشهادات منشأ وفواتير ماتوقع بالسهولة ذي تمشي الامور خاصة في الامارات.


up 9 down 2
7star 50
قبل 4 سنه و 11 شهر



وعليكم السلام ورحمة الله وبركاته

اذا كان يقدر يعدل بالاوراق بالتزوير كيف يقدر يعدل بنظام جمركي حكومي ؟

اترك كل هذا كيف يقدر يدخل الحدود باوراق مزوره ؟ لا تنسى منفذين حدود 

حاولت ابحث عن سيارات لكزس بقبرص ماحصلت!!!! طبعا جديده 

مثل ماقال اخوي 7star صعب تخطي الانظمه الاكترونيه لو بالتزوير 



up 4 down 1
abudhbi 98
قبل 4 سنه و 11 شهر



للأسف الإمارات منفذها ضعيف جدا واي موديل براسك او سيارة تالفة تدخل مثل السلام عليكم ولافيه رقابة ولاحولك احد فآحتمال وارد تحصل هالثغرة مثلها مثل لبنان والاردن 70 بالمية سياراتها المستوردة مطلوبة من الانتربول


up 2 down 2
عربة للسيارات 1665
قبل 4 سنه و 11 شهر



يارب توفيقك لوسمحت اي منفذ تقصد؟

جميع السيارات منفذها بحري او جوي !!




up 0 down 0
abudhbi 98
قبل 4 سنه و 11 شهر



الإمارات فيها غش تجاري بطريقة غير طبيعية

وصلتنا قطع للشركة مكتوب عليها انها مصنوعة في الإمارات وطلعوا لها من الإمارات شهادة منشأ أنها صنع بريطانيا - كيف صارت ما أدري ومفتش الجمرك حولها لمكافحة الغش التجاري ورحت بنفسي للمنفذ وحليت المشكلة


up 1 down 1
أبو عبادة 4852
قبل 4 سنه و 11 شهر



ابو ظبي مايحتاج تحط ديس لايك كلامي واضح وتقدر تستفسر من تجاركم هذا اذا اعطوك علم


up 3 down 0
عربة للسيارات 1665
قبل 4 سنه و 11 شهر



ابو عبادة كيف حليت المشكلة! استرجعو لك البضاعة المغشوشة ولا ايش السالفة


up 0 down 0
عربة للسيارات 1665
قبل 4 سنه و 11 شهر



يارب توفيقك

يشهد الله ماحطيت لا لايك ولا دسلايك انا استفسرت فقط 

والتجار في كل مكان فيهم الزين وفيهم الشين 

انا ما دافعت عن احد لا والله 
ومايحتاج اسأل التجار لان مالي علاقه معهم ولله الحمد اللي اشتريه دايم مصدره الوكيل كان مايكون سيارات وغيره 
والبضاعه المغشوشه في كل مكان وهم يعتبرونها شطاره عليهم من الله مايستحقون


up 2 down 0
abudhbi 98
قبل 4 سنه و 11 شهر



اذكر فيه جيوب دخلت السعودية موديلات 2000 ومديلات 1999
من الاامارات معدل دركسونه من اليمين لليسار
واكتشفوها بعد ماانتشرت 
وللذا تحصل السيارة اللي وكيلها من السعودية افضل باالبيع
مع ان مواصفات الخليجي افضل



up 1 down 0
باترول 2020 2624
قبل 4 سنه و 11 شهر



يارب توفيقك 2014

كتبنا خطاب من الشركة لمدير قسم مكافحة الغش التجاري مصدق من الغرفة التجارية وضحنا فيه الخطأ الغير مقصود ووضحنا فيه حسن النية حيث أنه لو كان هناك سوء نية لكان من السهل الكتابة على المنتج Made in UK والحمد لله اقتنعوا بالخطاب وطلعت الشحنة

ملاحظة: الشحنة كانت عبارة عن أبواب صغير ستانلس ستيل مصنعة في الإمارات لتركيبها على وحدات الكنترول لأبار النفط لأرامكو


up 1 down 0
أبو عبادة 4852
قبل 4 سنه و 11 شهر