أضف سؤال أو موضوع جديد          

سيارات باسعار غير معقولة

up 5 down 6
احب الحبيب 768
قبل 3 سنه و 4 شهر



يا حبايبنا الغاليين على القلوب ..

في شيء ابغى افهمه .. السيارات المعروضة في الموقع لها اسعار 

لكن تروح الحراج وتحت المكرفون خاصة تحصل سيارات باسعار خيالية .. بمعنى الكلمة اسعار خيالية 

يعني على سبيل المثال يوم الجمعة الماضية كنت في الحراج ادور لي زبون لسيارتي الحبوبة الكرولا 

جلست ساعتين وما حصلت احد .. في النهاية وقفت السيارة ورحت اتفرج على السيارات .. مجرد هواية ..

حصلت لكزس GS موديل 2008 امريكي مرشوش كامل .. يقول المكينة والجربكس على الشرط

لكن نظرة السيارة من الخارج والداخل بسم الله ما شاء الله ... مكيف وكراسي وشاشة وفتحة ووو .. فل كاااامل

طالب فيها صاحبها 26 الف وانباعت قدام عيني 

بينما لو تبحث في الموقع مثل هذه السيارة اقل شيء تحصل اسعارها فوق الاربعين .. 

ايش القصة .. يا جماعة .. 

المشكلة اني مرات اتورط مع بعض الناس من الاقارب واصير في موقع احراج ..
لما يسالني عن سعر بعض السيارات اشوف له الاسعار من الموقع واعطيه سعر تقريبي 
ويروح الحراج ويحصل اسعار غيييييييير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي انت تقول مرشوش كامل وامريكي انا موب دفاعا عن الشريطية بالموقع ولكن كل مواصفات ولها سعر السعودي ارغب وفي بعضهم رشات صدامات فقط تجميلية ماتعيبه اما مرشوش كامل مايسوا ريال  


up 2 down 5
benz lover 72
قبل 3 سنه و 4 شهر



حياك
هذا انت قلتها حراج تحت الميكروفون 
يبيعونك سكر بماء 
بس احيانا تصدف صاحب هاالسيارة معتاز فلوس 
فايبيع باي سعر
باالتوفيق


up 0 down 1
باترول 2020 2613
قبل 3 سنه و 4 شهر



بس الاسعار بين 26 وفوق الاربعين .. يعني بين السماء والأرض ... 

وحصلت كرولا 2014 فل كامل فتحة بصمة .. طالب صاحبها 35 الف .. وفي الموقع فوق ال45 .. هذا لو حصلت نظيف 


up 4 down 0
احب الحبيب 768
قبل 3 سنه و 4 شهر



الشرا من تحت المكرفون مجازفة كبيرة لأن أغلب السيارات فيها بلا خاصة اذا كانت مع بكستاني او سيارة مرغوبة في السوق
أو موديلها جديد وممشاها قليل ويقولوا بدون فحص يعني زي ماقالوا الاخوان بتشتري كوم حديد


up 2 down 0
dawwy 266
قبل 3 سنه و 4 شهر



المكرفون يابو الشباب سياراته مضروبه 
ولا يشتري الا الي ماله خلفيه بالسوق خصوصا الاجانب الي توهم جايين جدد مايعرفون شي ويخمونهم واصحاب المكرفونات 
يتصيدون هذي الناس المسكينه ويبيعونها 
ولا الي يبي النظيف مايقرب المكرفون


up 5 down 4
شويخ من أرض مكناس 2818
قبل 3 سنه و 4 شهر



مثل ما قالو الشباب سيارات المكرفون سيارات مضروبه
ولا اللى موتره نضيف و واثق من نظافته ماهو طاشه تحت المايكرفون


up 2 down 2
mission 847
قبل 3 سنه و 4 شهر



اللي تحت الميكرفون ب 26 واللي هنا في الموقع ب 36 يعتبر الفرق طبيعي مو خيالي لأن الفروقات مثلا تكون مالك واحد من وكالة سعودية, مافيها سمكرة ولا رش, وتقدر تفحص في أي مكان وتجربها. واللي واثق من سيارته ما يبيع تحت المكرفون بدون ضمانات


up 0 down 1
dell2012 882
قبل 3 سنه و 4 شهر



يوم تروح المعارض تقول الاسعار خياليه ع العكس تمام الاسعار طبيعيه لكن هنا بموقع حراج مبالغه جامده
يقولك الموتر انسام طيب من مين يقول من واحد جاد وقروشه ولا يجيك الي يجيب خويه يسوم الموتر 
تحسب لو بعت موترك بمكسب حرام ب10000 بدل مكسب حلال ب5000 صدقني منت كسبان شي
وطبعا ما اعمم ع الكل الاغلبيه ناس محترمه وكويسه انا الصراحه ما ضنتي اشتري من حراج شي اتكلم عن السيارات



up 3 down 1
محمد حمدان هلال 17
قبل 3 سنه و 4 شهر



شوف تحت المكرفون تاخذها ب٢٦ لاكن بتكلفك قيمت النضيف فكر فيها ياذيب وابعد عن سيارات المكرفون 


up 1 down 0
مزاجي رايق... -12
قبل 3 سنه و 4 شهر



حبيبي النظيف يفرض نفسه انباع تاهو نظيف ٢٠٠٧ ٥٣ الف ونباع واحد مرشوس با ٣٥ الف النظيف يفرض نفسه هاذي الي معترف فيها


up 1 down 3
محمد ال سلمان 814
قبل 3 سنه و 4 شهر



وين ذا الكورلا ٢٠١٤ فل بصمه ٣٥ وين حصلتها والله انها واقف على اختها ٥٢ 


up 1 down 2
محمد ال سلمان 814
قبل 3 سنه و 4 شهر



في الموقع هنا مبالغة جداً والأكثرية تقعد سياراتهم عندهم أو أنه ينزلها الحراج ويبيع بأقل من سومات الموقع ونفسي أحط أمثلة بس أخاف أحرج الناس..لكن بذكر سيارتين واحدة سيدان له 3 شهور يعرضها ولا احد يقرب من اعلانه والسبب انه قيمتها الفعلية ماتتجاوز 35 وهو يبي فيها 57 طبعا خلها عنده والثاني جمس قيمته الفعليه ماتتجاوز 38 بالكثير وهو طالب فيه 48 والمشكلة طويل وأمريكي استخدام يعني ماهو مرغوب ولحد الان جالس يعرض فيه واحد يقول لك راجع آخر سومة وتراجعها تلقاها قبل شهرين؟ طيب يعني مديل السيارة مشى والمديلات الجديدة نزلت وانت تبي السومة تقعد؟هو راعي السومة نفسه لو تقول له تعال خذها بسومتك الاولى يقول لك ماتسوى هذاك وقت والحين وقت


up 3 down 1
نبيل110 323
قبل 3 سنه و 4 شهر



لا والله انا شبه يومي اسعسع بالمعارض 
الاسعار بالمعرض غالي وسعر يخليك تضحك هم يستهبلون ولا صدق
اما برا الحراج ولا الدوران ناشف لااحد يشتري ولااحد يرضى بالسعر اللي جاه
كامري 2010 ماشيه 23 الف GL حادها بـ 64 ليس هكذا ياشريطي 
هايلوكس 2015 اصفار غماره بـ 72 ماهذا العمل ياشريطي 
جيب لكزس 2010 سعودي بـ 180 تباً لك ياشريطي 
اللنترا 2012 نص فل بـ 38 
كورولا 2013 ابيض استاندر بـ 42 
خلاص قفلت معنا افتحوا لنا الاستيراد من الخارج بدون تحديد موديل 
لكن اشترط ان تكون سليمه من جميع النواحي لاحوادث ولااعطال 
الاسعار في امريكا صاكه الارض صك الجديد اما المستعمل قيمة جوالات 



up 0 down 1
وليد بن سالم 0817 3
قبل 3 سنه و 4 شهر



الاسعار هنا بالموقع غاليه جدا
واللي يبي الفرق بالحراج افضل لكن تتعب يبيلك اسابيع احيانا لاجل تطيح بالنظيف
اما بالنسبة لسيارات المكرفون صح رخيصه لكن القير يفوت والمكينه فيها دخان خفيف ومكاين القزاز متعطله والكفرات والفحمات منتهيه وفيه تهريب زيوت وووووو الزبدة مايهمك الموديل بسعر محدد كيف تحصل موتر فلاني بموديل فلاني بسعر معقول بحالة ممتازه


up 1 down 0
khaled3224 275
قبل 3 سنه و 4 شهر



اخوي محمد ال سلمان ... حصلتها يوم الجمعة الماضية تحت المكرفون كرولا 2014 فل كامل بصمة شاشة كاميرا خلفية ..
ناقص الفتحة 
حادها بـ35 الف .. 


up 0 down 0
احب الحبيب 768
قبل 3 سنه و 4 شهر



مثل ماقالو لك الاخوان تحت الميكرفون اغلبهم سكر بماء مثل ما صار لي من فتره شريت لي بليزر تحت الميكرفون انغريت بسعره عقبها تفاجات باشايء كثيره ومن ضمنها من تحت البدي ماكله الحلى ومصدي لدرجه انه الصدى واصل للواجهه من تحت
انقهرت عليه وبعته وكلمت الي شراه مني تراه به صدا من تحت ووافق وشراها 


up 0 down 0
اسير الوحدة 4
قبل 3 سنه و 4 شهر