استفسار عن بيع سياره بالتقسيط

اول شيء يعطيك شيك بكامل المبالغ 

ولو تسوي ورقه على انها زي العقد بينكم افضل 

وخذ معاك اثنين اذا صار شيء لا سمح الله يكونون شهود 

عشان تضمن حقك اشوف ان هذي الطريقة المناسبة 

الضامن الله سبحانه
 حط عليه كفيل غارم وناس يقولون شيكات مؤجله
واحد من اخوياي باع سيارة اقساط واللي شراها فصل من عمله وهج واهله مايدرون عنه ومحتاركيف يرجع حقه
انصحك لاتبيع الا وانت ضامن حقك 200% بعد الله سبحانه

اضمن طريقة يكتب لك اربعة شيكات بالاربعة اقساط .. تاريخ كل شيك في موعد القسط وتروح تصرف الشيك من البنك لا تزعجه ولا يزعجك .. حسابه لو من غير رصيد الشيكات هذي تعتبر ادانة بالنسبة له وتاخذ حقك عن طريق الشرطة غصب

كان المبلغ كبير مافيه غير رهن عقار
اما مبلغ من عشرين الف وتحت 
اكتب ورقة بينك وبينه وضح الدفعة والااقساط باهاالورقة
لاتطلب كفيل ولاشيكات 
لان الشكواء فيك وخله عليه لو صار شي المحكمة المستعجله
بس بتاخذ اقل شي ست شهور وبعدين يتم توقيف خدماته
والله يعين بس والاافضل انحش عن بيع التقسيط
مدام حلالك عندك

بخصوص الشيكات احد الاخوان بلغني ب ان الشيكات المؤجله غير معترف فيها قانونياً فهل هالكلام صحيح

لا شيكات ولا شي

كفيل غارم وبينك وبينه عقد عن طريق مكاتب التقسيط او المعرض
والسياره سو المبايعة بالمعرض من شان ماتطلع الا هو ناقله باسمه

واذا ماتعرف الشخص نصيحه اشتر راحه نفسك وبع موترك كاش 

عندي حل لو ببيع سيارة اقساط بسويها انا 

لاتنقل السيارة باسمه لين يكمل اقساطه

اذا ماسدد اسحب السيارة او بلغ عليها وبس

طيب اذا عمل مصيبه بالسياره اروح انا فيها

يكتب 4 شيكات بالدفعات المؤجله ولا يسجل فيها كلمه شيكات ضمان او اقساط او اي شيء 
فقط شيك باسمك 
واضمن حقك 

يا شيك يا تسوي له تفويض لين يخلص المبلغ

اذا بتعتمد الشيكات
لازم الشيك يكون صحيح
يعني تروح تتاكد من صحة التوقيع
وانه حسابه غير مجمد في البنك
وان يوقع على الشيك ويكتب التاريخ بالهجري ..

أو تتكاتبوا بورقة
ويبصم عليها ويشهد على نفس الورقة شاهدين
وتحتفظ بالورقة الاصل
مع صور هويتك وهويته وهويات الشهود

بهذي الورقة تجيبه ورى في قسم الشرطة
ان كان المبلغ اكثر من 20 الف ريال

وان كان اقل من 20 الف تروح تاخذ حقك من المحكمه
خلال 6 اشهر

حياك الله من واقع خبرة
تحتاج التالي وهو الافضل بإذن الله
١- كفيل موظف حكومي في نفس مدينتك
٢- البيع يكون نظامي عن طريق معرض وتأخذ سند بالبيع صادر من المعرض وعليه شاهدين
٣- يكون جميع تفاصيل البيع مذكورة في السند وهذا شغلة المعرض
٤- لو تقدر تسأل عن الرجال يكون افضل وافضل طبعا هذا اذا تعرفه من بعيد وتبي تعرف هل عليه ديون او لا
 طبعا لا انصحك ابدا ابدا تهمل النقطة الاولى والثانية
وبالنسبة للشيكات ترى صارت كلام فاضي واحيانا يتحاكم فيها الطرفين البائع والمشتري

1- خلي السيارة باسمك
2- اعمله تفويض مستخدم فعلي 
3- اذا خلص اقساطها انقلها باسمه

نصيحة ابعد عن الشيكات لانها ١٠٠٪‏ بتكون بدون رصيد والا كان سددك بما ان عنده رصيد بالبنك ..

وغير معترف فيها صاحبي له ٣ سنوات ومن محكمة لامارة للشرطه ومااخذ حقه

ولا بعد اخذ عليه شيكين بكامل المبلغ وورقة مبصم عليها لكن شفه ليومك ذا ماشاف ولا ريال

ركب شريحه تتبع بالسياره ماحد يدري عنها فوضه مستخدم فعلي اكتب عقد بينك وبينه واثنين شهود 


وعطه الموتر 


لاحصل امر لل سمح الله يكون معاك مسخه مفتاح شغلها واسحبها والدفعه حلالك

من خاف سلم

اترك عنك شغله فيها نسبة مخاطرة...

اغلب القضايا بالمحاكم..بسبب الديون والتقسيط بالتحديد.

مايلجأ لها الا الي عليهم ديون..البعض وليس الكل.

وبالتالي يجرب حظه..اذا مسكته رجع المبلغ..واذا حصل له مخرج...سحب وكسب عملية نصب