هل يوجد حل لترميل القزاز

مالها حل إلا التغيير 

انا اعاني من نفس المشكله ولفيت الدمام شارع الزينه خصوصا محل ارمز ومالقيت عندهم سالفه 

المصيبه ان هالترميل عباره عن حفر بالقزاز ؟ مهما نظفت ولمعت ماراح يروح لانه محفور 

فكرت برشه لكر شفافه ع القزاز بس وش يضمن لي انها شفافه ١٠٠٪ ؟ ممكن تعدم علي الرؤيه وماشوف شي

الظاهر مافيه حل الا التغيير  

هو التظليل الامامي وتفكها كل فترة وفترة اول ماتشوفه بدأ يرمل
فكه وجديد وعلى ده الموال او غير القزاز لمن يرمل عالاخر معاك
وركب جديد 

موجود… 
انا عندي لكزس لعب فيها السافي صار انا جاتني الشمس او نور سيارة مقابل تضعف الرؤيا بشكل كبير.. 
رحت المحلات ادور حل..  كلهم يقولون لازم تغيير 

وقررت اغيير لكن قلت قبل اغير ابي اسوي اجرب.. 
جبت ملمع خشن وصرت ادعك بقوة لمدة 25 دقيقة متواصلة 
ثم ملمع ناعم وادعك لمدة 15 دقيقة متواصلة انا واخوي كل واحد يدعك 5 دقايق ويريح ويجي الثاني


والله انه نظف وصرت اشوف زين 
لكن باقي الحبيبات الكسور الصغير لكن والله للأن ما غير القزاز والرؤية ممتازة جدا

المهم احرص تطول في الدعك وتدعك بقوة 

واذا تبي تلاحظ الفرق قبل وبعد.. 

رح للقزاز من جهة الراكب وسو زي ما قلت لك بالضبط ثم امسحه ونظفها وقارن 


كل من يجربها ويستفيد لا ينساني من دعوة في ظهر الغيب

مالك الا جديييييييد ف نص العج تلمع بالصلاة ع النبي
وماراح تتأثر الا بعد حين .

الافضل غير جديد وكل شهر تضليل جديد لو واحد زيرو بس من برا ضلل

اذكر مرة رحت لشركة تضليل وعازل حصلت عندهم تضليلة خارجية للترميل بس كان سعرها غالي ب٤٠٠ ريال او٥٠٠ 

وماتنفع الا اذا القزازة نظيفة عشان تحافظ غليها

طيب يا شباب في أحد جرب الأسيتون ؟

 المعروف بمزيل المناكير ^

انا جربته وما نفع فغيرته من السالم بالصناعية ب 400 ريال او 300 مو متذكر 
السيارة برادو 

والله ماعدم وجيه سيارتي الى طريق حرض الهفوف الاحساء الدمام طريق سلوى  كله رمال وسافي 

بالنسبه للحمايه من العج فيه تضليله شفافه سعرها ب ٥٠ ريال قطعه وحده تجي من برى طبعا 
وتجي شفافه يعني ماهي زي تضليلة زيرو زيرو فيها سواد خفيف لا تجي زي الكيس النايلون بدون سواد مره تركبها ونساها ماتغيرها الا اذا اعدمها العج وميزتها بالليل ماكنك مركب تضليله نهائياً ومتوفره بمحلات الزينه .

تركبها وتنساها *

و عليكم السلام
الحل الوحيد التغيير

وعليكم السلام 

بالنسبه للعازل ما أعرف عنه شي لكن أعرف طريقه لإزالة الترمل الموجود الآن 

شوف يا أخ زايد جيب ورق صنفره مقاس 600 أو 1000

 وخذ معك ماء مخلوط بصابون فيري وادعك الزجاج كأنك تغسله

يعني صنفر الزجاج بورق الصنفره والصابون وبإذن الله راح تختفي

خدوش الزجاج والترميل بنسبه كبيره 

الطريقه هذي من تجربه شخصيه لي وبالتوفيق اخ زايد

الترميل هذا يعني ان القزاز تاكل وانحفر وعشان تحل المشكله لابد تسد التاكل والحفر اللي وهذا الشي مستحيل تلقى له حل
غيره بجديد ومن بعدها حط عليه عازل ومو شرط عازل غالي
المهم انها تبقي طبقة على القزاز بعد فتره تلقاها تنمشت تغيرها بوحده غيرها

نفس المشكله عندي القزاز رايح فيها 

عجلتني طريقت اخوي ابو سعد 

وان شاء الله بجربها بس في سوال 

الملمع الخشن والناعم تقصد الملمع حق البدي الي لونه بني ؟

عجبتني........


.

الان فيه تضليلة سمكها اعرض من التضليل العادي ولونها شفاف ركبتها عند محل زيوكس تبع البازعي الأهم من هذا كله شرط أن تكون الزجاجة جديدة ولافيها ترميل