أضف سؤال أو موضوع جديد          

صوت طقطقة في مكينة الكزس 460

up 2 down 2
ابـ هشام ـو 3
قبل 3 سنه



السلام عليكم ورحمة الله وبركاته

يا اخوان عندي لكزس 460 gs موديل 2009 سعودي
طلع لي صوت بالمكينة صوت ( طقطقة ) مع التشغيل والمشي
رحت لا اكثر من ورشة الي يقول بلوف المكينة
والي يقول تكيات المكينة
 والي يقولي غير زيت المكينة والسيارة بتسلك معاك
.. وفعلا غيرت الزيت لكن مااازال الصوت موجود
وتم تغير الجنزير والشدادات ولكن ما زال الصوت موجود
هل في احد  صادف المشكلة  هذي  وعرف حلها
افيدونا الله يجزاكم خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وضح اكثر ياخوي هلى الصوت يختفي احيانا عندما تكون السيارة ساخنه وهل الصوت يزيد عند الدعس وضح اكثر من شان الاخوان اللي عندهم تجارب سابقة يفيدوك !

- كانت عندي صوت طقطقه في المكينه تكون مرتفع لما تكون السيارة بارد وتقل صوتها مع التسخين المشكلة كانت من جنزير المكينة 


up 0 down 0
badeeb 39
قبل 3 سنه



أدفع ١٠٠ ريال فحص كومبيوتر و ريح نفسك.

شف كم خسرت على تغيير حاجات يمكن ما لها داعي.



up 0 down 3
فايز 2012 461
قبل 3 سنه



دفعت الله يجزاك خير على كشف الكمبيوتر وهذي شغلات مكنيكيه ماتبين في فحص الكمبيوتر
والصوت مايختفي على طول موجود ويزيد مع الدعس


up 1 down 0
ابـ هشام ـو 3
قبل 3 سنه



اخوي الزيت وش نوعه اللي تستخدمه ؟! شكي كبير جدا بطرمبة الزيت ماتوصل للبلوف زيت وهذي مشكلة 


up 1 down 0
benz lover 175
قبل 3 سنه



الطقطقه من داخل المكينه اسبابها كالتالي
1 العصافير (تضرب البلف بدل ما تدفه)
2 الزنبرك حق البلف (يخلي العصافير تضرب بدل ما تدف) 3 counter weights اللي لازقه بالكرنك ابحث في قوقل تطلع صورتها (غالبا الصوت الطقطقة يتغير او يروح مع الدعسه)
4 مسامير الحذافه
وكل وحده من هذي ممكن تكون متشعبه مثلا البلوف توزن حسب نوع البنزين اذا البنزين خارج نطاق الوزنيه او الكمبيوتر او الحساس خربان راح تطلع الطقطقة

عشان كذا دور واحد فاهم او رح لورشه كبيره فيها فلبينيين وقلهم فحص المشكله بدون تصليح ياخذون حول 250


up 0 down 1
ابوزياد123321 202
قبل 3 سنه



شيك على دبات البيئه الرصاص الي فيها يخرب 
عندي مكسيما طلع لي صوت طقطقه زيك 
وغيرت كلشي من جنازيز وتكيات وزيت خفيف الصوت بقي
رحت لشكمانات قال من دبة الرصاص الاماميه نفرغها ونشوف فرغها واختفى الصوت نهائي 
ف شيك عليها


up 0 down 0
عبود الجنوب 99
قبل 3 سنه



طرمبه الزيت تطلع مثل الصوت هذا خلهم يفكون الشخال حقها وينضفونه 
وحط زيت لزوجته خفيفه 


up 0 down 0
zozo 2011 16
قبل 3 سنه



كشف الكمبيوتر نصب في نصب 90% من الخرابات مايطلعها 
انا صارت معي في فورد صوت طقطقه في المكينة قوي جداً 
ولقيت الزيت ناقص علبتين وربع , عبيت زيت واستمر الصوت يوم وراح والحمد لله
بالرغم ان الزيت جديد ماشي عليه 4500 والمكينة نظيفه
المهم رحت لميكانيكي قال هذا صوت بلوف كان مايوصله زيت وعادي دام راح الصوت
التكايات تسبب رجه للمكينة شوف المكينة اذا تهتز ممكن تكايات مع اني مااعتقد مشكلتك منها
الاهم شوف زيت المكينة احتمال يكون ناقص


up 0 down 0
..original 214
قبل 3 سنه



ماعليش توي انتبه انك غيرت الزيت
انا جلس يوم كامل بعد مازودت الزيت وبعدها راح


up 0 down 0
..original 214
قبل 3 سنه



الله يجزاكم خير حددت الصوت طلع من الراس الايمن
مدري هو بلوف او تكايات وماراح يبين الا لازم ينفك الراس
الله المستعان


up 0 down 0
ابـ هشام ـو 3
قبل 3 سنه