أضف سؤال أو موضوع جديد          

مشكلة في قير لكزس 300 gs موديل 2005

up 1 down 1
فارس السبيعي 100
قبل 8 سنه و 4 شهر



السلام عليكم يا اخوان


طلعت لي مشكلة في الموتر محد عرف لها وهي انه السيارة وهي تمشي عادي مافيه اي شيء ولكن اذا هديت عند مطب او اشارة تنتع نتعة قوية ناس قالوا قير ودخلتها اغير لها القير غيره وماضبطت ووظب القير نفسه ولانفع قالي كمبيوتر القير ولااعرف له وكل من رحت له يعطيني كلام الموتر ماقد دخلته غير الوكالة لكنهم نصابين قالوا نفك القير وتدفع تكاليف فك القير بعدين نعلمك تكلفة المشكلة هل في احد صارت له او ممكن يفيدنا ؟
السيارة مشابهة للي بالصورة







إبلاغ إبلاغ



الردود


شف الدفرنس او اذا كان مافيها شيك علئ الفريول


up 0 down 1



السلام عليكم 
صارت مع واحد من اخوياي معاه افالون 2008 النتعه تجي اذا هدى عند المطب ودعس كن واحد صادمه والا في الخط 
والقومه مافيها شي رحنا فحصنا قالو توضيب مع انه محافظ على تغير الزيت وبحثنا في النت طلعت المشكله من حساس 
حرارة القير ورحنا كشفنا عند واحد معاه جهاز شبكه والسيارة تمشي يشوف تغاير القير وفعلا طلع حساس حرارة القير
واعطانا ورقة توضح مكان الحساس في القير وفعلا غير الحساس مع الزيت والفلتر 
وماشاء الله ابدع مايكون الكشف في الطائف والتصليح في جده 


up 2 down 0
شفرls 201
قبل 8 سنه و 4 شهر



ما افتيك ممكن يكون الخلل بالقير ،،

لكن بغيتك تفحص نظام ABS حق الفرامل دام بس عند التهدئه تظهر معاك المشكله ،،


up 1 down 0
panamira 1906
قبل 8 سنه و 4 شهر



النتعات اسبابها كالتالي
1 الكلتشات تزحلط قبل تمسك ( اما ممسوحة او ظغط الزيت مختل بسبب الطرمبه او المخ مسدود او الصولينويدات خربانه)
2 توقيت التعشيق مظروب (اما حساسات دوران التروس او حساس الار بي ام او حساس دوران الكفرات)

بما انك غيرت القير بقي عندك حساس الار بي ام وحساس سرعة الكفر وحساس بوابة الثرتل
حساس الار بي ام يرسل للقير يقوله كم سرعه الدوران وحساس كل كفر يرسل لل ABS ويرسل للقير يقولهم كم سرعة الكفر وحساس وظع البوابة يرسل للقير يقوله انت دعست او شلت رجلك وبناءا عليه يقرر القير

افحص اسلاكهم اللي رايحه للكمبيوتر وافحص الحساسات نفسها ونظفها ببخاخ الكترونيات المشكله انه الكمبيوتر نفسه ممكن خرب ولا عاد يقدر يحلل المعلومات هذه

عشان كذا سو الفحص هذا واذا لمبه ABS والعه معناته حساسات الكفرات اذا مافيه اي لمبه والعه والفحص ما جاب نتيجة الله يعينك تدور فلبيني يعرف طريقة عمل القير اللي قلتلك عليها عشان يعرف شلون يفحص بالكمبيوتر فحص وانت ماشي


up 0 down 0
ابوزياد123321 208
قبل 8 سنه و 4 شهر



اتوقع ابو زياد كفى ووفى
لكن انا كان معي باترول قديم شوي وقير عادي ونتعه ومشكله نفس مشكلتك
عرضته على اكثر من ورشه كلهم قالوا توظيب قير
تركتهم وبعد عناء طلعت المشكله من بلف الحراره وب 75 ريال فصط لاغير
علما ان المشكله تصير معي بالصيف والشتاء


up 0 down 1
man200 51
قبل 8 سنه و 4 شهر



السلام عليكم شكرا لكم جميعا


ابوزياد كيف نفحص الاسلاك عند من اذا تعرف احد يفحص اسعفنا مليت من هالورش كل واحد كلام كثير يقولون الكمبيوتر


up 0 down 0
فارس السبيعي 100
قبل 8 سنه و 4 شهر



تفحص بفولتميتر حق الكهربائي
تحطه على اختبار التوصيل continuity test او على قياس المقاومه ohm وتفحصها كلها




up 0 down 0
ابوزياد123321 208
قبل 8 سنه و 4 شهر



ان حطيته على اختبار التوصيل تشبك الفولتميتر في طرفين السلك ويطلع صوت من الجهاز

ان حطيته على اختبار المقاومه وشبكته يطلع صفر او رقم قريب من الصفر
اما لو طلع رقم كبير معناته السلك مقطوع او مصدي


up 0 down 0
ابوزياد123321 208
قبل 8 سنه و 4 شهر