أضف سؤال أو موضوع جديد          

الاهتمام بالسيارة أكثر من الذات

up 12 down 19
دكتوراه في الحب 164
قبل 5 سنه و 10 شهر



السلام عليكم..
مساء الخير..
في هذا البرد أسأل الله أن يقينا وإياكم زمهرير جهنم وعذابها...
نلاحظ كثرة الاستفسارات عن السيارات وبعضها بسيط جدا مثل تغيير نوع البنزين ولزوجة الزيت 
وبعض الاحيان صوت تافه جدا ويجي من ينزل..




 موضوع عنه وهذا يدل على الاهتمام الشديد بالسيارة لدرجة انه يهتم فيها اكثر من نفسه...




ولو الكل يهتم بنفسه كثر سيارته ماشفنا كثرة السمنة ولا شفنا كثرة الحدواث ولا حصلنا احد يأكد فاست فود ولا أحد يدخن.....




واشوف الاهتمام الزائد بالسيارة أنه وسوسة للأسف........




هذا مالدي بإختصار وتقبلوا تحياتي...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والصلاوات والاذكار اهم من كل شئ


up 3 down 2
كارينو 572
قبل 5 سنه و 10 شهر



جميل موضوعك و لايك ...


up 1 down 1
ابو هباش 4 77
قبل 5 سنه و 10 شهر



لا ماعليك الي يهتم في السياره اكيد بيهتم لنفسه
وانا عندي مهب وسوسه عادي جدا 
بالعكس احسن من الي يهربد في السياره ويفحط فيها ويقتل نفسه والاخرين


up 5 down 5
العب غيرها -15
قبل 5 سنه و 10 شهر



يالغالي سياراتنا دافعين بهن دم قلوبنا .. وصنع بشر يجب الاهتمام به .. وبعضنا راتبه بالسالب ليلة الراتب 

اوما نحن من خلق الله جل وعلى .. لو يصير بنا اي مرض نحس على طول .. 

السياره لو تغير زيت غلط تطق وتخبط .. فهمت .؟!


up 4 down 1
سبحان الله العظيمم1 52
قبل 5 سنه و 10 شهر



الاهتمام بالمعقول مطلوب اكيد لكن اتكلم عن البعض الله يهديهم سيارته عنده اغلى حتى من زوجته وعياله


up 1 down 6
دكتوراه في الحب 164
قبل 5 سنه و 10 شهر



اغلب رواد المنتدى من هواه السيارات بسبب طبيعة المنتدى

فطبيعي تكون السيارة لهم هواية ويسالون عن كل صغيرة وكبيرة فيها


up 11 down 1
سند10 1161
قبل 5 سنه و 10 شهر



طيب وين المشكلة يا دكتور ؟ خلي الناس تهتم بحلالها ما دام انه ماهو حرام .. والسيارة تعزها تعزك تذلها تذلك ..فهمت 


up 6 down 0
shdan 55
قبل 5 سنه و 10 شهر



هو قصده الوسوسة الزايدة ولا كلنا نحافظ على سياراتنا

مثال بسيط واحد معانا ف الجامعه الله يهديه ف الصيف ف عز الظهر المكيف يحطه على درجة حرارة 24.5 والمروحة على 1

تقوله ليش يقولك اخاف يخرب

ليش انا دافع فلوسي على سيارة عشان تخدمني ولا اخدمها!!!!!


up 6 down 1
واآحد 244
قبل 5 سنه و 10 شهر



والله معك حق 
أعرف واحد معه سياره موديل ٢٠١٤
مطلعها وكاله له أكثر من سنتين وسيارته ماشيه ٨ آلاف وشوى
دايماً واقفه تحت البيت ويخليها ويركب ليموزين هو وعياله 
ههههه
وتسأله ليه تطلع بسيارتك يقول باخاف تنضرب منى بزحمة الرياض
بالله عليكم ليه تشترى سياره ؟؟؟


up 4 down 4
abu-salma 305
قبل 5 سنه و 10 شهر



اعرف لك واحد بسبب وسوسة فقط خسر تقريبا 7 آلاف وباع السيارة
يقول احس بصوت بالدفرنس ويروح يغيره ولعبو فيه الورش
وبعدها غير جميع القطع من رمانات داخلية وخارجية وآخر شئ الكفرات
وفي الأخير ركب معي بسيارتي يقول احس عندك صوت بالدفرنس
بعدها عرفت انها وسوسة و نعطي السيارة اكثر من ما نعطي انفسنا
ولو تسأل واحد متى سويت فحص لنفسك يقول الحمد لله مافيني شئ
ولو يروح يفحص تلقى عنده ضغط وسكر وكلسترول وبلاوي ولاهمه


up 5 down 3
خالد 3000 838
قبل 5 سنه و 10 شهر



اي والله موضوع مهم والوسوسه منتشره بقوة واخويا خير مثال
كان عنده شفر سبارك النونو الصغنونه اخذها 9الاف ريال
كان يغسلها كل كم يوم لو دخلت بحفره يدعي ويسب ويشتم
والمشكله مالها داعي نونو وشكلها مضحك وفوق كذا 3سنوات
مامشت 20الف كيلو بجد شيء مضحك والله ونكلم فيه
انسى ونقولو مصيرها تنباع انسى والوسوسه فيه عجيبه
يشتري ملمعات وبلاوي والبنزين قبل الربع يعبيه فل
الزيت يغيره كل 3الاف واول باول يزيد هواء الكفرات
بالنهايه حادث الله يجيرنا واياكم وهي ماشيه71الف واشتراها 
39الف
بجد الوسوسه مالها داعي الحين تعلم وفهم ان السياره مالها مصير 
وصار واعي ويمشي بسيارته على هواه



up 2 down 0
احمد شريف 3176
قبل 5 سنه و 10 شهر



يعطيك العافية عالموضوع أخوي

لكن ما أتفق معك

الاهتمام الشديد جدا جدا جدا بالسيارة = لا يساوي إطلاقا = عدم الاهتمام بالذات

ولا أنا سمين ولا أدخن ولا أكل أكل سريع و الحوادث الحمدلله تكاد تكون معدومة

ورغم هذا أي صوت أسمعه بالسيارة على طول أوسوس

تحياتي


up 1 down 2
m nd m 492
قبل 5 سنه و 10 شهر



الاهتمام ل3 جوانب [ الروح ] [ العقل] [ الجسد ]
لو نقص واحد اختل النظام ><


up 0 down 1
jazzo3 120
قبل 5 سنه و 10 شهر



ياخي في ناس أشفق عليهم يجيك معه اكسنت ومن كثر الاكسسوارات تقول سيارات عسكريم مركب ليدات وألوان ولصقات مدري وش جوهم !


up 0 down 1
بياع حراجات 870
قبل 5 سنه و 10 شهر




الكلام الصحيح والفصل : يجب الاهتمام بالنفس والاملاك والحرص عليهما والعناية بهما لكن دونما مبالغة او افراط.................... 1- النفس غالية .............2- الحلال . البيت او السيارة مهما كانت يارس او مرسيدس ماجات بلاش .. جات بفلوس ودراهم متعوب فيها... .. وعموما الحرص مطلوب بكل الامور بشرط عدم المبالغة........................................ اما الاهمال بأي امر فيدل حتماُ على السلوك الشخصي للفرد وانعدام المسؤلية وفقدان الانظباط . وهذه صفات الاكثرية للاسف بهذا الزمن............................ والله الموفق


up 2 down 0
theuk1984 838
قبل 5 سنه و 10 شهر