أضف سؤال أو موضوع جديد          

قصتين من تلاعب الشريطية.....

up 35 down 9
هل تعلم 199
قبل 5 سنه و 6 شهر



إخواني الافاضل
السلام عليكم ورحمة الله وبركاته
في خلال شهر فقط تمرمطت مرمطة ليس لها أول ولا أخر بسبب بيع سيارة
وللأسف لو مامعي واسطة وقوية .. وإلا ماراح أخذ حقي !!!!!!!!!
السالفةالأولى :
قبل فتره اشتريت سيارة وجيت استلم السيارة قالوالي الوكالة عليك قسائم بمبلغ وقدرة 1900 ألف وتسعمائة ريال سددها وتعال ....
انبهرت انبهار غير طبيعي .. لا إني راعي سرعة ولا دوران ولا أقطع إشارات !!!
راجعت المرور وكانت الصدمة العظمي
استفسرت عن القسائم وقال لي العسكري: القسائم مسجله على السياره وليس عليك
قلت: أنا معي سيارة تتبع للشركة التي أعمل فيها والسيارة ماهي باسمي
قال : فيه سيارة باسمك نوع جمس ونيت موديل 87
قلت : ياخي بايعها من زمان من عام 1417هـ
قال : هل معك اثبات انك بايع السيارة ؟ ؟؟
قلت : لا والله الإثبات راح ولكني بعته في معرض الهويمل بمعارض النسيم بالرياض
قال : السيارة لازالت باسمك والمخالفات ( تظليل - وقوف خاطئ - عكس سيد - سرعة - تجاوز غير نظامي)ونصحني العسكري وقال احمد ربك انها وقفت على القسائم ولاسوا بها مصيبه كبيره وتطيح على راسك !!!
وبسرعة البرق رحت لمعارض النسيم وعلى معرض الهويمل وانصدمت ان المعرض تم تغيير اسمه واسأل شخص من الجنسية السودانية يعمل بالمعرض ، وقلت : هذا مو معرض الهويمل ؟ ؟ ؟
قال : نعم صحيح كان معرض الهويمل ولكن الرجال توفي الله يرحمه من اربع سنوات تقريبا
واسأله عن الدفاتر والأوراق والإثباتات لنقل الملكية ؟؟ !!
فقال لي بكل برود : الرجال راح .. وراحت أوراقه معه الله يرحمه !!!
وقعدت اعد الساعة والدقيقه إلى أن أصبح الصبح واذهب إلى شرطة النسيم وابلغ عن المشكلة وقلت : أنا لا أريد أي مبلغ مالي ولكن أريد ان تنقل السيارة باسم المشتري
وانصدم بأن مساعد مدير شرطة النسيم يقول لي سوف :أحولك لوحدة المعارض لكي يربون أشكالك أنت والشريطية !! !!
ودار نقاش بيني وبينه طويل وعريض لإثبات اني ليسلي اي باع في البيع والمشترى بالسيارات واقسم برب العالمين انني لست شريطي ولا اتاجر بالسيارات ومع ذلك لازال هناك إهانة لمن يطالب بحقه وللأسف الشديد
راجعت حساباتي ووجدت انني غلطان مائه بالمائه كون اني املك واسطة واذهب لكي اراجع معاملتي نظاميًا
ذهبت الى الواسطه وابلغته بكل القصة وفي خلال دقائق قام بعمل اللازم وقال سوف اتصل عليك باذن الله
في خلال أربع أيام اتصل علي الشخص وطلب مني الحضور وعندما حضرت كانت المصيبة
المصيبة إخواني بسبب شريطي اسأل المولى عزوجل بان يجعل كل فلس دفعته له ان يكون حرام في بطنه وبطن عياله وان يضيق عليه ربا لعالمين عيشته وحياته
لقد تبايع السيارة 6 اشخاص شريطيه وهي باسمي وتخيل السيارة بعتها من عام 1417 هـ ونحن الان عام 1429 هـ
12سنه والسيارة باسمي ومادريت عنها وكنت حاط ثقتي بالمعرض ان السيارة خلاص ماراح تطلع الا وهي منقوله ولكن لازال هناك تحايل على لنظام ( من أمن العقوبه أساء الأدب)
نقلنا الجمس باسم الشخص الي لقيناه معه وهو اخر شريطي شراه وتحمل كل تكاليف النقل والتجديد والفحص ..













































السالفه الثانية
بعت سيارة نوع فورد كراون فكتوريا بمبلغ 25000خمسه وعشرون الف ريال وايضا في معارض النسيم
اشترى مني السيارة شريطي الله لايوفقه دنيا وأخره وماكان عندي علم انه شريطي لاني اجهل أشكالهم
ورجال شكله حبيب وطيب المهم جرب السيارة وحط ليفيها من العيوب الشي العجيب لحد انا بنفسي كرهت سيارتي
اتفقنا على 25000 وهي كانت مسيومه 26500 وجينا للمعرض ، وقال : الحين معي خمسة الآف ريال ابي اعطيك اياها وبكره تمرني العصر واكمل لك الباقي لحد ما اسحبها من البنك.اخذت ورقة بالكلام هذا وبنفس الوقت كنت حذر ولا وقعت على مبايعة السيارة جاء بكره ودور الرجال والا والله يقولون ماجاء وبعد بكره ونفس الشي المهم خمس ايام عيفني عمري وفيه مصري يشتغل معهم حن علي ورحمني وقال :اسمع .. عارف متى تجيك فلوسك ؟ ؟؟
قلت: متى ؟ ؟ ؟
قال : اذا باع السيارة بمكسب هذاك الوقت فكر يجيبلك فلوسك وهو اساسا مايشتغل بالمعرض بس انه شريطي يروح ويجي ........ الخ
والمصيبه سيارتي اشوفها واقول خلاص هذي فلوسكم ورجعوها مابي ابيع ..
قالوا لا الموضوع انتهى انت اتفقت مع الرجال بالبيع والسيارة ماهي ملكك
المهم
رحت لشرطة النسيم
اعطوني ورقه بحضور الشخص ورحت المعرض اسلم لهم الورقة وانصدمت ان راعي المعرض يقول هذا مانعرفه ولا هو عندنا تبيه رح دوره فيبيته
رجعت للقسم
وبلغتهم بالي صار وقال تعرف بيته والا عمله ؟ ؟؟
قلت : لا
قال نسوي عليه بلاغ ومتى مامسكناه نتصل عليك
طيب هذا معرضه موجود وسيارتي عندهم !!
بكل برود يرد علي الضابط ويقول : ماحنا ملزومين نطلع علشان شخص ماندري وينه !!!!
راجعت حساباتي مره ثانية ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا
ذهبت الى الواسطه وابلغته بكل القصه وقال تمرني الصباح وبإذن الله تنتهي الأمور !!
مريته الصباح وطلعنا المعرض ووجدنا الكاتب وطلب منه ان يتصل بصاحب المعرض والحضور حالا وفعلا في خلال قرابة ساعة حضر صاحب المعرض وخير بان يدفع باقي المبلغ او باسترداد الخمسة الاف واخذ السيارة ؟ ؟؟
وقام بكل وقاحه بالاتصال على الشخص الذي اشترى مني السيارة وقال بهذا المنطق وربي يشهد : انت تبي تجي تدفع حق الموتر والمصيبه الي بليتنا فيها والا ناخذ فلوسك ونعطي الرجال سيارته ؟؟
اقسم برب العالمين يا اخوان بان هذا ما حصل
وين الي يقول انا ماعرفه ولا يشتغل عندي ؟ ؟؟
المهم هذاك الظاهر قام يخربط ويسوي ويفعل وقام صاحب المعرض واقفل الجوال بوجهه ودخلنا مكتبه وقام بتحرير شيك بالمبلغ المتبقي ولكن لايلدغ مسلم من جحر مرتين
طلبنا المبلغ نقد لكي لانعيد الكره ومشاكل وشكاوي علشان شيك بدون رصيد
قام يحلف ويقسم انت ياصاحب المعرض ان ماعندي في المعرض وانها كلها في البنك ............. الخ
قلنا ماهي مشكله معنا سياره مكيفه ومن اروع مايكون الحين مشوار عشر دقائق للبنك واسحب المبلغ وسلمنا اياه ورحنا وانهيناالاجراءات .... وكله للأسف لا بقوة النظام ولكن لازم واسطة
اخواني من قصتي هذه اخذت درسعظيم وقوي جدًا ويجب أن نتنبه لحاجتين مهمه جدًا1- عند بيع السيارة لاتنسى أن تحتفظ بورقة المبايعهوبشرط ان تكون مختومه من المعرض وتأكد من اسمالمعرض ..2- احذر ان تغادرالمعرض ولم تستلم مبلغك كامل لكي لاتذهب في مرمطة وتعيفك حقك ويمكن تتنازل عن نصهبس علشان ترتاح من الروحه والجيه اذا كنت ماتملك واسطه !!!
اسف على الاطاله ولكن حبيت اني انبهكم اخوانيالافاضل من اللعب والتلاعب من قبل الشريطيه الذي الله اعلم بنياتهم ومايقترفونه منكذب وحلف على كذب وتحايل على المسلمين .








ولا تنسونا من تقيمكم












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحين الموضوع صار سهل ياخوي انا نظامي ما اتحرك من اامعرض اذا بعت موتري الا لما يجيني رسالة ابشر تم نقل ملكية المركبة الفلانية لانها اليكترونية صارت ماعاد زي اول تخلي السيارة يوم وكذا يعني اختفت هذي الحركات ولله الحمد الخوف من التشاليح يوم تبيع عليهم يمرمطونك عشان يسقطون اللوحات تشوف الويل منهم


up 5 down 0
benz lover -78
قبل 5 سنه و 6 شهر



فعلا هاالحين نظام تم خمس دقايق والموتر منقول وجاهز
والتشاليح رح انت بنفسك وسقط اللوحات


up 6 down 0
باترول 2020 2624
قبل 5 سنه و 6 شهر



جزاك الله خيرا على القصص المفيدة والشيقة!


up 4 down 0
rashidy 353
قبل 5 سنه و 6 شهر



90% من الشريطيه يعملون في قطاع واحد سيئ السمعه ومتعاونين بينهم واحيانا يضحون بواحد

لذالك تلاقي طريقتهم وحده واسلوبهم واحد ولا يهتمون من الشرطه ولا المرور ( يمونون عليهم )


up 3 down 0
Abu-Nawaf 338
قبل 5 سنه و 6 شهر



نصيحه يا اخوان عند بيع السياره حاول تكون الاوراق جاهزه مثل الفحص والاستماره جديده وكلها 5 دقايق والسياره مبيوعه 
مع النظام الجديد ابشر 
بتوفيق للجميع 


up 1 down 0
adell1403 12
قبل 5 سنه و 6 شهر



الحين النظام تدخل على ابشر وتشوف السيارات اللى بي اسمك 


up 0 down 0
m12221 25
قبل 5 سنه و 6 شهر



يعطيك العافية عالموضوع 

لكن عندي تعقيب واحد

هؤلاء "البشر" مايعرفون أنه في شي اسمه يوم القيامة؟ شي اسمه جهنم؟

باذن الله يوم القيامة موعدك معهم !




up 1 down 0
m nd m 492
قبل 5 سنه و 6 شهر



نفس السالفه الاخيره صارت مانسيبي

باع سيارته ب 14000 
وراح للمكتب وسوا المبايعه واستلم فلوسه وكل شي

ولكن الغريب بالامر. انه ما نقلو السياره من اسمه عشان ما يأمن من  جديد الشريطي ونقل ملكيه وكذا وقالو 3 ايام نبيعها بمكسب وبس وننقلها

ومرت 10 ايام ولم يتم النقل.  وهددناهم بالشرطه وهالامور الين باعوها بمكسب ونقلوهاربس بعد مرمرطه


up 0 down 0
شكلين مابحكي 3160
قبل 5 سنه و 6 شهر



موضوع جدا جميل وعافاك الله ..... بس ياليت تكتب منقول 


up 2 down 0
دكتور فهد 58
قبل 5 سنه و 6 شهر



ولا بعد الموضوع مكرر ... نازل قبل ثلاث سناوات بالموقع ،، 


up 1 down 0
دكتور فهد 58
قبل 5 سنه و 6 شهر



اخوي هل تعلم رد على كلام الدكتور فهد انت ناقل الموضوع ؟! احسبك كاتبه بنفسك 

وكلام ابو احمد صحيح حنا في عام ١٤٣٧


up 0 down 0
benz lover -78
قبل 5 سنه و 6 شهر



ما شفت مصيبه بعد الشريطيه مثل حقين ورش السيارات ، مكينه سيارتي تطلع أصوات ورحت ورشات السلي وقالي احد الورشات مكينتك يبيلها توضيب ب ٣٠٠٠ ريال واروح ورشه ثانيه ويقول توضيب ب ٥٠٠٠ الاف ريال ونفس الورشه الي قالي ب خمسه الاف جاء عندهم فلبيني وقالي اصبر وفحص المكينه وقالي بكل بساطه المشكله من شخالة الزيت الزيت ما يوصل المكينه لازم تنظيف شخالة ب ٣٠٠ ريال هههه تخيل لو اني دافع ٥٠٠٠ توضيب هههه هذولا هم المصيبه 


up 1 down 2
ابوعابدالله 81
قبل 5 سنه و 6 شهر



ياكثر مشاكل المعارض والشريطية...

خويي اشترى سيارة ودفع المبلغ 160 الف وكل شيء تمام لكن السيارة ماهي باسم اللي باعها وقال ابد كلها كم اسبوع وننقلها باسمك والى يومك لهم سنة يدورون على اسم راعيها الاول شايب ساكن في هجرة تبعد عن الرياض 450 كيلو .... وفي الاخير الشايب قال مالي سيارة باسمي ؟ ولا راح اعطيكم أي شيء


up 0 down 0
الفراعنه 315
قبل 5 سنه و 6 شهر



لو كل بايع لسيارته أجبر المشتري فوراً على نقل الملكية كان إنححذف مصطلح شريطية السيارات من قامس المجتمع السعودي 


up 0 down 0
خارج الوسط الرياضي 103
قبل 5 سنه و 6 شهر



الموضوع منقول ليش ماتذكر المصدر


up 1 down 0
لحـن المفارق 533
قبل 5 سنه و 6 شهر