شاشة معلومات غيار الزيت

حياك عندي في الكامري الامريكي 2009 6 سلندر
ونضامها نفس موترك ونفس المكينه
لمبة الزيت تبدا تعطي تحذير على 6500
وتطفي وتجلس يومين وتعطي تحذير ثاني وتطفي
وتجلس تعطي تحذير حتى الى 7500 وتبقى والعه 
واخليها والعه حتى امشي الى 8500 كيلو
اروح اغير الزيت بعد ماغير الزيت طبعا بتبقى والعه
لازم تبرمجها وتصفر العداد
طريقتي طال عمرك كالتالي وطبقها وعطني خبر هنا
1/دق البصمه حتى الدقه الي قبل التشغيلة يعني حتى تسمع صوت الطبلون وتشوف الطبلون ولع وتشوف عداد الكيلوات ولع
2/ حط اختيار عداد كيلوات زيت المكينه
3/ بعد ماتختار عداد الزيت خلك ضاغط علية ولا تشيل اصبعك
4/ الان انت ضاغط على عداد الزيت في نفس الحظة بيدك الثانية طف البصمه واصبعك لاتشيلة
5/ دق البصمه على الدقه الي قبل التشغيل 
بتلاحظ طلع في الطبلون خطوط متتابعه ورا بعض خط خطين 3 خطوط
اصبر الين تنتهي الخطوط الي هي برمجة الزيت
بعد ماتنتهي تماما وطبعا اصبعك لاتشيلة خلك ضاغط على عداد الزيت
يتلاحظ ان العداد تصفر والخطوط انتهت معناته تمت البرمجه بنجاح
بعد كذا شغل الموتر وباذن الله ماعاد تولع اللمبه
ومع كل تغييرة زيت طبق نفس هاذي الحركه
ان شاءالله انك فهمت الطريقه

اذا مافهمت راسلني واتس افهمك اكثر 0558393959

يجزاك الله خير اخوي الرفاعي ماقصرت  الحين انا في الدوام لمن اخلص اطلع واجربها وارد لك خبر

الحمدالله المشكلة انحلت وأخوي الرفاعي كفو والله ماقصرت وربنا يجزاك خير .
بصراحة المنتدى هذا برغم السلبيات والايجابيات اللي فيه بس احسن حاجة فيه انو الواحد يتعرف على رجاجيل يستفيد من خبرتهم 
ومن تجاربهم .