تهريب بنزين

طبعا خطيرة ولا تشغلها

لأنه طالما من عند المكينه يعني هذي جلد صمامات البخاخات 

تجيك على اللكزس اللي معك 24 جلدة دائرية صغيرة غيرها كلها افضل

سعرها ما اعتقد يتجاوز كلها 250 ريال

لو شغلت السياره هذا بنزين ماهو شرط نار مباشرة تجي عليه

حرارة المكينه كافية بأنه يولع 

شيلها سطحه وعلى الصناعية هي واحد من 2

يا جلد الصمامات مثل ما قلت لك او هوز توصيل البنزين تتبع المكان وشوف وين

والغالب يكون من الهوز لأنه يهرب حتى والسياره طافيه

التركي 1403
بيض الله وجهك وكثر الله من أمثالك
ماقصرت يالأمير
بكره بشيلها بسطحه :)

حصلت معي بلكزس 430 وهي تجي 32 صمام

لكن موترك 24 صمام اللي هي بلوف البنزين عشان كذا مريت بنفس التجربة

ومره بمرسيدس 2003 وكان من الهوز 

والبنزين ما فيه غير المكانين هذي عند المكينه والمكانين كلها خطيرة 

عشان كذا الافضل ما تشغلها

ولو تبي تشغلها يكون حق ثواني عشان تشوف تهريب البنزين من وين

لا تخلي المكينه تصير حاره بتزيد الخطورة