قصتي و السواقين

هذي نفسيه ادعيلها بالهدايه والصلاح

اي والله ربنا يهديهم ويصلحهم

اصبر ياخي واجرك على الله
قد يكون السواق جديد لسا متعلم السواقة وعلى طول للشارع لسا ماتعلم يتكلم عربي,,, وصل وودي وجيب حتى انها في الاونة الاخيرة تشوف السيارات ملصقين عليها السواق تحت التدريب لين يتعلم

يتعلم على راسنا ما شاء الله 

اصلا ممنوع من المرور انك تحت ورقه مثل هذي 

انا مو مشكلتي السواق عادي في سواقين كثير يتعلمون مشكلتي في البنات اللي مايستحون وما يحترمون احد

يارجال هم البنات عندهم غير الصياح وطولة اللسان 
انت رجل تتصرف وتعمل الشي اللي يرضيك
اما البنات ماعندهم الا القيل والقال
ف هدي اعصابك ولاتنرفزك قلة حياة بعض البنات 
ديتها الطناش واشتري دماغك 
الله يصلح بناتنا وبنات المسلمين

بعض البنات يستغلون بعض المواقف بشكل خبيث 
ممكن تسببلك مشكلة من لا شيء (تتبلى عليك) والكل يصدقها لانها بنت ,
مثل موقفك ما تقدر تتكلم لانك لو رديت بتتبلاك الله المستعان 
قد صارلي مواقف مع هالاشكال لكن مالك الا تكبر مخك

مشي ياعم اما كل واحد بتحده منتب خالص
الدنيا يبيلها واحد صدره وسيع ولا على هالحال والانفعالات فتره ويجيك سكر وظغط بعيد الشر

اهل القلوب الرحيمه كلامك ميه بميه 

والله صدقتو ياشباب وجزاكم الله خير فعلا نطنش احسن ونحتسب بس
ولايك للجميع

ياخي انا عندي عقدة من السواقين الأجانب 
ياخي نسبه كبيره منهم ما يهتم خلاص عنده تأمين 
يصدمك ويطلع بوجهك ويحدك 

وامس قهرني واحد سوري الاشارة حمراء حلو 
وقف على اليمين وداق اشارة يمين والله ماتحرك 
ولف يمين غير لما كان باقي ٣ ثواني وتخضر 


وقبله البنقالي التنح اللي صدمني 
اللي راجع ريوس بنص الشارع 

الزبدة ان اذا شفت اي سواق او اجنبي او شايب 
ابعد عنه 
الشايب يضعف نظره وسمعه وتركيزه يقل 
الاجنبي طبعا انا ما اعمم انا اقول نسبة كبيرة منهم 
ما ساق سيارة ببلده عشان يسوق عندك هنا 
السواق نفس الكلام حتى ان ساق قبل كذا تلقاه 
ساق والطارة يمين يعني عكسنا 

اخوي نصيحه لوجه الله ابتعد عن الحريم قسم بالله انها تلزق فيك مصيبه اذا احد غلط عليك كلم الحكومه وفك عمرك انا مره وحده فلسطينيه مدري سوريه ومعها واحد من ربعها لولا رحمه الله ثم حسن النيه والا كانوا بيلفقون لي تهمه مالي ذنب فيها وعقبها اخذت حذري