نصيحة اخوية للي حاب يشتري لكزس

18 0

لايمكنك التصويت حتى الحصول على 20 نقطة على الأقل
إضغط هنا للإخفاء

olds2001 160
قبل 12 سنه و 3 شهر

بسم الله الرحمن الرحيم

كل عام وانتم بخير اخواني الكرام

ماشاء الله تبارك الله



انا بطرح موضوع فقط لاعندي سيارة بعرضها ولا عندي شي بشتريه فقط بنقل لكم تجربه ابتغي منها وجه الله ودعوه منكم لي بالتوفيق والسداد ان شاء الله



اخواني انا واعوذ بالله من كلمت انا

استخدمت عدة سيارات وراح اتكلم بكل صدق وشفافية عن السيارات الي استخدمتها

بسم الله ماشاء الله نبداء

اول سيارة اشتريتها لكزس 430 موديل 2003 جلست معي 4 سنوات اقسم بجلال الله لم اصلح فيها شي الا مره واحده بعد اربع سنوات استخدام وبعد ممشى 160 الف كيلو غيرت فيها سير تايمن ومقصات طبعا باستثناء الفحمات تتغير كل 6 شهور تقريبا هذي اشياء استهلاكيه اما بالنسبه لقطع الغيار فهي قوية جدا طبعا تكون اصليه تعيش معاك فترات طويلة مع المحافظة



بعدها بعتها وشريت لكزس 430 موديل 2004 شريتها مستعمله ماشيه 108 وبعتها ماشيه 142 خلال سنتين لم اضع فيها ريال واحد فقط زيت بنزين كفرات فحمات فقط لاغير وبعتها



وشريت بعدها بي ام دبليو 750 موديل 2006 استخدمتها 5 شهور خرب عندي البريك الالكتروني وصلحته 3 الاف ريال وبعدها بعتها علما بان السيارة ماشيه 100 الف كيلو ونظيفه جدا بعدها بعتها



وشريت لكزس 460 موديل 2007 نظيفه ماشاء الله ولكن طلعت لي مشكلة abs المتعارف عليها في 460 صلحتها 3500 وبعدها بفتره رجعت خربت وصلحتها وبعدها بعت السيارة



وشريت مره ثانيه لكزس 460 موديل 2007 برضو نظيفة ماشاء الله والحمد لله ماطلعت عندي سالفه abs السيارات توفيق من الله احيانا ماتطلع لك مشاكل ولكن هناك اشياء واضحه



طبعا جميع السيارات الي اشتريها افحصها بمحلات الفحص المعروفه بالنسيم فحص كامل بدي ومحركات ولا اشتري اي سيارة فيها ملاحظات ولكن احيانا تطلع لك ملاحظات مكيكانيكيه بعد الاستخدام وهذا توفيق من الله سبحانه



من خلال تجربتي في اللكزس بشكل عام افضل لكزس مرت علي هي 430 لعدة اسباب

1 - اكثر سيارة راسيه على الخط وهي اكثر رساوة من 460 من واقع تجربه

2- قوة في البريك بشكل كبير عن 460 فراملها ضعيفه واحيانا بينك وبين الصدمه شعره والله الحافظ ولكن تقدر تقوي الفرامل في 460 باستخدام فحمات وهوبات رياضية تطلبها من امريكا ولكن تظل 430 اقوى في البريك

3- 430 لايوجد فيها تسريب للهواء ابدا ولكن 460 فيها تسريب بالهواء في موديل 2007 ويقولون تفادوا هالشي في الموديلات الجديدة التسريب مو وضاح مره بس فيه تسريب للي يدقق بشكل قوي والشركة معترفه بهذا الشي



خلاصه الموضوع / اللكزس بشكل عام شيك في جيبك وسيارة يعتمد عليها ، انا معاكم ان الالماني قوي وكل شي تمام ولكن يفضل انه يكون في الصيانة المجانيه اذا كان خارج الصيانه المجانيه يتعب شوي



انا بعت سيارتي اللكزس 460 في العشر الاواخر من رمضان وجالس الفكر اشتري مرسيدس ولكن متخوف من هذا الموضوع شكلي بارجع للكزس لانها بصراحه سيارة لايعلى عليها فخامه قوة شيك



موضوعي هذا والله مساعده لبعض اخواني الي حابيبن يطلعون على اللكزس وخاصه نوع LS

والله يوفقنا وياكم يارب

إبلاغ

الردود