اخواني معروضه عليا لكزس اراكس 330 موديل 2003 ماشيه حول 330

ماشي 330 الف و 2003 و فيه رشوش و و و لكزس يعني صيانة غاليه 
بالقيمة ذي دور لك موتر على قدك او زودها شوي و توصل لليارس و الريو و الصني وكاله و موديل السنة و ترتاح  

اللكزس معروفة بجودتها عامةً
والبودي لاتدقق عليه لان السيارة عمرها
١٣ سنة فطبيعي يكون فيها رشوش 
وبالنسبة للسعر محد يقدر يقيمها لك لأنك ذكرت انها تحتاج
بعض الاصلاحات وماذكرت ماهي الاصلاحات 
لكن ترى قطع اللكزس نار شوف شوف ايش تحتاج بالظبط
وسعر قطعها قبل تشتري

السعر مناسب جدا لانه اسعارها كانت في بحر الاربعينات
ولا يهمك الرشات بحكم السيارة مستعمله ولها اكثر من ١٣ سنه
افحص الشاص اذا فيه شي ولا لا
وافحصها كمبيوتر وغض النظر عن القطع الاستهلاكية
والتندة لا تشيل همها سهاله يا رجال 
اهم شي لا تستعجل وتتوهق افحص الموتر زين
واللكزس سيارات تتحمل لا تخاف

استخير الله اول شي تاني شي اشوف سعرها على ممشاها كثير حاول معه بحدود ٢٣ اذا وافق افحصها لا يضيع عليك شي من الصدام للصدام حتى البودي والشاصية افحصه واذا ارتحت لها توكل ومن ناحية ماقد استخدمتها لو انها جي اس كان افدتك 

انا جربت الموتر وسقته راسي وماله اصوات بس لمبة المكينه اللي مخوفني فقط لكن ان شاء يكون الرجال صادق انه حساس الشكمان
وبعدين السعر 28 الف معي نقل ملكيه يعني راح تطلع عليا بــ 29500 مع حق الفحص راح تطلع بــ 30 الف
هل السعر مناسب ولا ابعد عنها بغض النظر عن قطع غيارها ماهم غاليه ولا رخيصه
طبعاً انا ماراح اخذها الا بفحص المكينه والجير والشاصي والبودي مايهمني اذا فيه رشوش بدون صدمات
ملاحظه اللون اسود والفتحه عطلانه

وعليكم السلام ورحمة الله 

افحص كمبيوتر كهرب شامل 

اذا الفني قال الموتر سليم من الاعطال والمكينة والقير لا يوجد بها مشاكل 

وانت راغب الموتر وشاريه وعارف عيوبه اللي هي الرشوش المتفرقه 

فتوكل على الله واشتر 

لا تشتري بدون فحص مافيه شيء اسمه ثقة هالايام 

لكن اذا الموضوع انعرض علي ما راح اشتريه 

وجهة نظري .....!

عزيزي لا تاخذ على كلامة
وافحص كمبيوتر عند محل مختص وشوف كود الخطأ اللي راح يطلع وابحث فيه على النت
وتعرف اللمبه بسبه الشكمان او في اشياء غيره

عموما السيارة مميزة لا تفوتك
ممشاها على نفس موديلها ههههه
باقي اللوحات  ل ك ز 330 وتصير المميز لبى قلبك

ولا تنسى تفصل العداد على 330 
واستمر محد قدك يالمميز

وعندي احساس انه بعد فحص الكمبيوتر علشان لمبة المكينة شغالة 
راح يطلع كود رقم 330 LooooL

ههههههههههههههه الله يسعدكم انا كلمت واحد خوي فاهم بالكزس يقول لي عيبها ان المكينه توضيبها غالي ومش موجوده في المملكه يطلبوها من دبي هل كلامه صحيح اولا

لو دراهمك على قدك نقول مايخالف بياخذه ويطقطق به على شوي شوي ويصلحه


لكن بتدفع حدود 30 الف وتحطها في موتر 2003 وماشي 330 الف وفيه صدوم ورشات واكيد بويته مهيب بذيك اللمعة ، ويبي له حساس مولعه لمبة المكينة وممكن الظغط يلعب معك وقطع استهلاكية واخرتها كارفها هو 13 سنة وينطله بحلقك وش الله حادك ؟؟؟؟ تركب موتر ساقه 3564050454 واحد قبلك وبمبلغ مهب بسيط



وبعدين هالسبايك اللي يدعسون اعمارهم عشانه ذكر لكزس افحص وكانه نظيف اشتر تكلموا بالمنطق سياره قديمة كلى عليها الزمن وشرب ويبي لها اصلاحات وفوق كذا سعرها يجيب له سيارة ستة سلندر من اي نوع وموديلها ما ينزل 2008 وتنصحونه في ذا


ترى المثل يقول من استنصحك دخل بذمتك


يعني بالمنطق ، سيارة صفين وشنطة مهيب ثلاث صفوف نقول والله مجبور تاخذه للعايلة حتى لو موديله قديم شوي


وفوق كذا جيب مدينة مهب باترول ولا لاند نقول بياخذه للطعوس والنفود والبران ولا ساكن في منطقة جبلية


يعني هو والسيدان ستة سلندر واحد كلهم للمدينة وصفين وشنطة ورا ليش تاخذ ذا وهو قديم الناس تدور الجديد وتريح عمرها بدي نظيف لمعة راحة


ولا بتقعد تطورد بذا للتشاليح واتحداك ان لقيت له كل القطع بتبلش به


فكر الف مرررة قبل لا تقدم عليه انا نصحتك لاني ابي لك الراحة تشتري موتر جديد كل قطعه موجوة ولا فيه رشوش او رشة خفيفة مايضر سليم مافيه اي شي


انت احسبها بينك وبين نفسك شف مع نقلك له وتصليحك له وعلى ما يطلع مهب وردة شبه زين شف كم بيكلفك ولا بتمشي به بخراباته ، اجل وشوله شاريه

وهل هذا بتثق فيه لو بغيت تشد خط مسافة طويلة ، مستحيل



بالتوفيق

اصبر ولا تستعجل تراها مالها سعر ثابت يعني ممكن تحصل نظيف وموديل احدث وممشى اقل بسعر اقل.
وهي عموما في بحر العشرينات لحدي اول الثلاثينات

بيض الله وجهك a.ibrahem والله اقنعتني ومعاد ابيها وقد سحبت على الرجال
ومشكورين شباب ماقصرتو