فحمات لكزس ارجو الدخول

مع كل الطرق اللي تدخل فيها قدامك صناعية

ما ادري من اي طريق جاي ولكن لو عن طريق المزاحمية مثلا

اول ما تدخل الدائري مخرج 28 فيه صناعية و قطع غيار

لو جاي من جهة طريق الخرج قدامك الصناعية القديمة بطريقة

لو جاي عن طريق القصيم قدامك صناعية العروبة وقطع الغيار منتشرة

مدري وين طريق الافلاج ولكن بكل مكان فيه صناعية بالرياض وتحصلها بطريقك بعضها تدخل اشارة او اشارتين

وبعضها على نفس الدائري ما يحتاج تتعب نفسك

او شوف موقع حراج اللي يبيعون فحمات السيراميك نفس السعر وجوده اعلى ويقابلك بالطريق

والله لو اني فاضي كنت خلصت امورك الان قبل ساعة ماكان عندي شي 

بتحصل صناعيات واجد لا تشيل هم 

يا اخوان حصلت صناعيات واجد لاكن ما حصلت قطع لكزس وتعرفون بكره يمكن عيد 

في صناعيه العروبيه قطع تويوتا و لكزس و وكيل ابو جميل 

ام الحمام كلها قطع غيار 

و أنت داخل الرياض مع طريق الخرج، على الدائري الشرقي، بعد مخرج ١٤ يجيك مركز العضيب على يدك اليمين، بعد بنك الجزيره، مرهم يركبونها لك في ربع ساعه.

وقف ليموزين وقوله صناعيه العروبه وامش وراااه
ترى كلها عشرين ريال

المهم في هناك مية محل
وبتحصل الرشيد والنهدي كلهم يبيعون قطع لكزس اصلي
بتلحق اذا حركت الان
لانهم اعتقد يقفلون الساعه 10 المساء
موفق

الله يعطيكم العافيه جميعاً وما قصرتو ..
فيه رجال شرواكم اشتراها ليه وقابلني وعطاني الله يجزاه ويجزاكم  بالجنه ..
كل عام وانتو بخير ومن العايدين ..

بيض الله وجه وما قصر 
واذكر مر واحدد منزل موضوع  متطعل بموقع حراج ومحتاج احد راحو الادارة وحذفو موضوعة بس الظاهر ناس ساعدوة 
 والرجال مسافر وتعبان ودايخ وطلب مساعده ماهو دلالة الله يهديكم 

يابن الحلال 

وانت داخل مع خط الخرج خلك سييييييده 

طريق الخرج شمال

بيجيك كبري اطلع معه واول ماتنزل تجيك اشارة رح يمين 

انت ف الصناعيه القديمه وكل اللي على يمينك قطع غيار لكزس وتويوتا
ومقابلها الورش في نص ساعه وانت خالص 
واذا ضيعت كلمني ٠٥٥٥٠٨٢٢٢١