أضف سؤال أو موضوع جديد          

العج والسافي

up 4 down 5
iTalal 152
قبل 6 سنه و 11 شهر



السلام عليكم 
باختصار يا اخوان  هل  عازل الواجهه يصفر ؟ واذا جيت تفكه مايطلع؟ 
كثير اشوف سيارات واجههتا مصفره بسبب العازل  وهل يحمى من العج؟ 
ايضا بالنسبه للقزاز الامامي  هل عزله من الخارج عملي  او يحتاج  تغييره كل مده؟ 
وماهو الحل مع العج والسافي حتى الحديد من تحت  صنفره واصبح مثل الجديد 
الكبوت  والمكينه اصبحت محاطه بالرمال من كل مكان  ونفخت  ماطلع  
البرقع ليس عملي ومتعب 
التغبيره مامنها فايدة وكذلك الفيري

فما رائكم عن افضل طريقه لحمايه الواجهه والقزاز الامامي 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت وش تبي بحياتك مافيه شيء يعجبك

سافر طيارة وريح نفسك دوخت رأسي هههههههههههههه


up 11 down 29
ابراهيم التركـي 1067
قبل 6 سنه و 11 شهر



ركب عازل وغيره ع حسب منطقتك .
انا اغير العازل كل سنة ولله الحمد كويس .
العازل بلاستك يخرب من الرمل والعج .
كذلك من حراره الشمس لعده سنوات يلزق ف البويا . فانا اغيره كل سنة .


up 2 down 2
سعد الحريري 70
قبل 6 سنه و 11 شهر



في بعالم ساكو سائل شفاف ينشف بعد الرش ب 60 ريال (اكيد غالي) ولكن استعملته وكان ممتاز الصراحة
الأضواء الأمامية انصحك تعزلها من شركة 3M  لانها تغبر وتصير صفراء وتخرب شكل السيارة من الأمام .. هذي مهمة
الزجاج الأمامي ما عزلته والله اني ندمان ... لانه صار فيه ندب من الرمال وتشتت الضوء بالليل ومزعجة ... ولكن ما اعرف وسيلة مناسبة للعزل الزجاج وما سألت 3M , اصحاب الزينه ركبوا للزجاج الأمامي عتملي الزجاج والرؤية مو واضحة فخليتهم يقكوه بأرضه


up 1 down 2
muayad 1 768
قبل 6 سنه و 11 شهر



القزاز الامامي ضلله شفاف امريكي ما يكلف 50 ريال وغيره كل سنه او سنتين لانه يطلع فيه ندب طبيعي وتسير الرؤيه مزعجه بعد سنه او سنتين 

الوجهه سوا حمايه من الغرابي كامله على الوجهه بسعر 300 ريال تقريبا وعليها ضمان سنه وفكها كل سنه بالكثير وركب وحده جديده عشان لا تلصق وتعدم البويه 


up 1 down 0
ابو يزيد 000 8712
قبل 6 سنه و 11 شهر



مافي حل ياصديقي للاسف المنتجات الفعاله الي تحمي السياره اسعارها بالالاف والمنتجات الي بالسوق هذي ام 300 و500 ريال ماتسوي أي شي لاتعب نفسك


up 3 down 2
جون سيلفر -187
قبل 6 سنه و 11 شهر



ركب عازل للمقدمة يشمل كبوت شمعات كشافات شبك صدام قوائم مرايات جزء من الرفارف 
و ركب تظليل ع الزجاج الامامي شفاف ب 40 ريال و غيره كل 6 اشهر التظليل لامه مع الشمس و المساحات يمسك في الزجاج 
اما العازل اذا كان مو اصلي فطبيعي يعدم السيارة حق محلات الزينة سيئ و رديء 
اخوي مركب من جونسون بس غالي ركبه اعتقد ب 1500 
له 3 سنوات و فكه ما كأنه ركبه 
عموما اذا موترك غالي سعره او بوديه نظيف جدا فركب الاصلي مو حرام فيها 


up 1 down 0
rraammooss 965
قبل 6 سنه و 11 شهر



كلامك صحيح انا مركب برقع صحيح متعب ويرفع حراره السياره
لاكن ماهو حل زي ما قلت بصنفر حديد السياره من تحت والجلد حتى الجنوط كا تسلم منه

وياليت حل جذري للمساله


up 0 down 0
Abu-Nawaf 337
قبل 6 سنه و 11 شهر



لايك للجميع ,,,,,!


up 0 down 4
Abu-Nawaf 337
قبل 6 سنه و 11 شهر



الجزاز ظلله من الخارج
و فصل برقع للواجهة و المرايات
و دز 
و ركبه اذا جيت بتسافر


up 0 down 0
مخاوي الطرقة 394
قبل 6 سنه و 11 شهر



يااخوان والله الفيري احسن له لأن التراب وانتم بكرامه يلزق في الفيري وانا استخدمه وكويس الحمدلله واغسله اول مااوصل لأن اذا مواد كيمائيه ومشكله اذا طول


up 0 down 0
فيصل المغيري 561
قبل 6 سنه و 11 شهر



للااسف مافيه حل فعال
هي اشياء نغلف فيها السيارة عشان نرتاح نفسيا فقط
اذا عزلت الواجهة ماعزلت الجنوط وبطن السيارة
لاكن الواجه انصحك تفصل برقع من قماش شراع المزارع
يجي منه عدة الوان اسود واخظر وبيج 
خفيف ويستخدمونه المزارعين لصد الرياح
وباالتوفيق


up 0 down 0
باترول 2020 2623
قبل 6 سنه و 11 شهر



عازل الواجهة يعيش بالراحة 5 سنوات بدون اي مشاكل او يصفر او يحتاج صيانة 

الانواع الي تتكلم عنها رخيصة زي تجليد الكتب وهي حقت دعاية واعلان مهي سيارات 


up 1 down 0
super x 175
قبل 6 سنه و 11 شهر



فيه حل لكن مكلف جدا . وهي حماية السيراميك وهو عبارة عن سائل يمسح علي جسم السيارة و يجعلها لا تتاثر باي شي حتي الماء لايمسك في الجسم السيارة و حتي السيارة لاتحتاج تغسلها بالماء فقط تمسح عليها بقطعه قماش وترجع وكالة . الجيب الباترول يكلف كامل السيارة 6000 ريال تقريبا مع ضمان سنه لكن المنتج خارق وممتاز حتي يتحمل الضربات البسيطه والجروح والشموخ علي جسم السيارة. 


up 0 down 0
mmmohd 271
قبل 6 سنه و 11 شهر



بالنسبه للعج والسافي انا استخدمت على الواجهه غلاف الطعام سانتيا وحطيته على الوجهيه وسافرت لدبي وما فكيته الا بعد اسبوع يوم رجعت الرياض
طبعا لازم تمسح الواجهه زين من الغبار عشان يلزق على الانوار والشبك
اهم شب بعدما تركبه تجيب موس وتحدد فتحات الشبك عشان الحراره
هذي تجربتي اللي نجحت معي 


up 2 down 2
alokhalid 59
قبل 6 سنه و 11 شهر



يعطيكم العافية يا اخوان  وشاكر لكم على نقل تجاربكم وخبراتكم 
وفعلا العج ماله حل من واقع تجربه 
وجميع الحلول تخفف الضرر فقط 


up 0 down 0
iTalal 152
قبل 6 سنه و 11 شهر



انا استخدم شامبو الاطفال لادموع بعد اليوم ومناسب لاباس به لانه بدون مواد كيميائية .... بالنسبة للعوازل اذا بتركب انصحك وبقوة تركب نوعية ممتازة واترك ابو 300 ريال ويقشع البوية معه اذا شلته ... العازل مشكلته كل ستة شهور يحتاج تلميع .. درايف سفن يركبه لك والتلميع مجانا... لكنه يصلح للسيارات اللي الوانها خفيفة ابيض سكري ....


up 0 down 0
الفراعنه 315
قبل 6 سنه و 11 شهر